တိုကျို ၊ နိုဝမ်ပါ ၇
စပ်ကဵုပရိုၚ် သွက်ဂွံနုက်ပတိတ်ဗမာ နူကဵုစရၚ်မၚ်ရံၚ်ပရေၚ်ဘဏ္ဍာယၟုလီုဂၠးကဝ်တံ ကဵုမံၚ်ဇြဟတ်ဟရိုဟ်ဟီုဂှ် နူကဵုဌာနဝန်ဇၞော်ပရေၚ်ဘဏ္ဍဂျပါန် တးပါဲရ။
ဂကောံတၟေၚ် ပရေၚ်ကေတ်အရေဝ် ဆေၚ်စပ်ကဵုဘဏ္ဍာ FATF နူကဵုစရၚ်ယၟုလီုဂှ် သွက်ဂွံနုက်ပတိတ်အာဗမာ ကဵုမံၚ်ဇြဟတ်ဟရိုဟ်ဂှ် ဍုၚ်ဂျပါန်ပါမံၚ်ရောၚ် နူကဵုဌာန်ပရိုၚ်ရိုက်တာ ပတိတ်လဝ်ပရိုၚ်အကြာသတ္တဟဏံတုဲ တၚ်စဵုစးဂျပါန်ဏံ မံက်တိတ်ကၠုၚ်ရ။
ပ္ဍဲကဵုဍုၚ်ဗမာ ဒှ်အာပရေၚ်သီုအဝဵု အကာဲအရာရုသံၚ်အာတုဲ အခိၚ်ဒှ်မံၚ်ပၞာန်အပ္ဍဲဍုၚ် သၞာံ ၂၀၂၂ တေံဂှ် ဒးဒုၚ်စုတ်လဝ် ပ္ဍဲကဵုစရၚ်ယၟုလီု မဒှ်ရ။
နူကဵု FATF စရၚ်ယၟုလီုဏံ သွက်ဂွံနုက်ပတိတ်ဗမာ အလဵုအသဳဂျပါန်ဂစာန်ကၠောန်လဝ်ဟွံမွဲ၊ နကဵုဍုၚ်ဗမာ သွက်ဂွံကၠောန်အာကဵု ပရေၚ်ဒၞာတာ အစဳဇန်ဇြဟတ်ခိုဟ်ဟ် လ္တူပရေၚ်ကမၠောန်ဆက်စပ်မံၚ်ကဵု ပရေၚ်သ္အးသြန်ဗု ဟွံလုပ်သၞောဝ်တံ တောတက်မာန်ရောၚ် ဂျပန်စၟဳစလဝ်နွံမံၚ် အပ္ဍဲလိက်လလောၚ်တြး နူကဵုဌာနဝန်ဇၞော်ဂျပါန် ကဵုပလံၚ်ဗစိုပ်လဝ်ဌာန်ပရိုၚ်ရိုက်တာဂှ် ချူလဝ်ရ။
တုဲကၠုၚ်အံက်တဝ်ပါ ၃၀ တေံ ပ္ဍဲဍုၚ်ပါရဳ ကၠောန်လဝ်ကောံဓရီုကၟာတ်စရၚ် ဆေၚ်စပ်ကဵုပရေၚ်ဂၠးကဝ် ၄၀ ဍုၚ်တံတုဲ အပ္ဍဲစရၚ်ယၟုလီုဂှ် ဍုၚ်ဗမာပါလုပ်မံၚ်ဖိုဟ်ရ။
ပ္ဍဲကောံဓရီုပါရဳဏံ ပရေၚ်အာတ်မိက်ပတိတ်ထောံ ဗမာ နူကဵုစရၚ်ယၟုလီုဂှ် ဟွံပါပုဟ် ပ္ဍဲလိက်လလောၚ်တြး ဌာနဝန်ဇၞော်ပရေၚ်ဘဏ္ဍဂျပါန်ဂှ် ချူလဝ်ရ။
သွက်ဂွံဒဂေတ်ဗက်အာ တာလျိုၚ် FATF တံကီု စပ်ကဵုပရေၚ်ကိစ္စတံဏံတုဲ သွက်ဂွံပံၚ်တောဲရေၚ်တၠုၚ်အာ ကောန်ဂကောံ FATF တံကြပ်ပ်ကီု ဗတိုက်ဖအောဝ်လဝ်ဗမာနွံ နူကဵုဌာနပရေၚ်ဍုၚ်သအာၚ် ကိုဝ်ရဳယာသၠုၚ်ကျာ ဟီုရ။
Ref: Reuters