တံၚ်ဂျဳ – နဝ်ဝေမ်ဗာ(၂၄)
စကၠုၚ်နူကဵု ခေတ်အဆက်က်တုဲ စဵုကဵုတရဴပရေၚ်ပၠန်ဂတးနွေဥူဏံ သီုဒစဵုဒစးကၠုၚ်ကဵုတၠအဝဵုအဆက်က် ဂံၚ်ၚ်သ္ကာသ္ကာတုဲ ပါလုပ်ကၠုၚ်ပ္ဍဲပရေၚ်ပလေဝ်ပလေတ် အပြံၚ်လှာဲကၟိန်ဍုၚ် ကောန်ဍုၚ်အရၚ်သေံတအ်ကီု သီုကောန်သ္ဂံၚ်အာဇာနဲ ပူဇဴကၠုၚ်လဝ်လမျီုသွက်ဍုၚ်ဂမၠိုၚ်ဂှ် သ္ပဏာစၟတ်သမ္တီ ကေတ်ဏာဂုဏ်စရာဲရဂှ် ကဝ်မတဳသ္ပစၞးကဵုကၠတ်ထဝ်ကၟိန်ဍုၚ် (CRPH) ပလံၚ်ဗစိုပ်လဝ် လိက်သဝဏ်ရ။
ပ္ဍဲတ္ၚဲကၠောံသၞာံသေံ သၞာံမရနုက်ကဵု(၂၁၁၇)သၞာံဂှ် ကရောံကောန်ဍုၚ်အရၚ်သေံဂမၠိုၚ် သီုကောန်ဍုၚ်ကွာန်ဂမၠိုၚ်သီုဖအိုတ် ပ္ဍဲကဵုသၞာံတၟိ ဍိုက်ပေၚ်ကဵုဇြဟတ်တၟိတုဲ ဗတိုတ်သရိုဟ်အာ သၞောတ်ယုတ်တၠအဝဵုပၞာန်တုဲ ညံၚ်ဂွံပိုၚ်ပြဳကၟိန်ဍုၚ်ဖေတ်ဒရေဝ်တၟိဂှ် ပလံၚ်ဗစိုပ်လဝ် လိက်သဝဏ်ရ။
ပ္ဍဲသၞာံ ၂၀၂၁ ဒပ်ပၞာန် သီကေတ်လဝ်အဝဵုကၟိန်ဍုၚ် ဟွံဗဗွဲကဵုဓဝ်ဂှ် တ္ၚဲကၠောံသၞာံသေံကၠုၚ်စိုပ်လဝ်ဂှ် ဟွံကၠောန်ဗဒှ် ပေါဲသ္ဘၚ်မိပ်မြဟ် ဗီုသၞာံတုဲကၠုၚ်တေံတုဲ ဟိုတ်ထ္ၜးကၠုၚ် ဒဒှ်ဟၟဲပၟိက်ကဵုတၠအဝဵုဂှ်ရ သ္ပရှ်ေသှ်ေပတိုန်လဝ်စၟတ်သမ္တီရဂှ် ဟီုသ္ဂးလဝ်ရ။
သ္အာၚ်နူဂှ်ပၠန် ကောန်ဍုၚ်အရၚ်သေံဂမၠိုၚ်ဂှ် စွံၚုဟ်ကဵု ပရေၚ်ဗၠးၜး၊ ပရေၚ်ဗဗွဲဓဝ်တုဲ ပရေၚ်အုပ်ဓုပ်ပွပ္ကီုပရာပ်လဵုလေဝ် ဒဒှ်ဟၟဲပၟိက်ဂှ် ညးမဒှ်က္ဍိုပ်သ္ကိုပ်အာဇာနဲမွဲတၠ ပူဇဴကၠုၚ်လဝ်လမျီု သွက်ပရေၚ်ဗၠးၜး သဝ်ဘွာဇၞော်မိုၚ်ပွောန်ဂှ် ပတိုန်လဝ်စၟတ်သမ္တီ ပ္ဍဲဝၚ်တုဲတုဲရဂှ် ဓမံက်လဝ် ပ္ဍဲလိက်သဝဏ်ဂှ်ရ။
သၞောတ်တၠအဝဵုပၞာန် ပၠိုတ်ညိၚ်အာတုဲ ဖန်ဗဒှ်အာ သ္ၚိခပေါဲဒုၚ်စသိုၚ် သတ်ကၟတ်ဇဝ်ပ္ကဴ ပရေၚ်ၜိုဟ်လလံတုဲ သွက်ဂွံကဵုအာအာဲကၟာဲ ကုအဆက်ကောန်ဂကူအနာဂတ်ဂမၠိုၚ် ကၟိန်ဍုၚ်ဖေတ်ဒရေဝ်ဒဳမဝ်ကရေဇြဳ ညဳသာပံၚ်ကောံမာန်ဂှ် သ္ပသ္ဇိုၚ်ကဵုစိုတ်ဓာတ်ပေန်လုၚ်တုဲ ကဝ်မတဳသ္ပစၞးကဵုကၠတ်ထဝ်ကၟိန်ဍုၚ် ပံၚ်တောဲပ္တိတ်အာဇြဟတ် ကရောံကောန်ဍုၚ်အရၚ်သေံဂမၠိုၚ်ကီု သီုကဵုဂကောံဇြဟတ်ပၠန်ဂတးဂမၠိုၚ်မွဲစွံရောၚ်ဂှ် ဓမံက်လဝ် ပ္ဍဲတၚ်လလောၚ်တြးဂှ်ရ။
ဂကောံပၞာန်သီအဝဵု မက္လိလောန်လဝ် ပရေၚ်ပ္ကီုပရာပ် ဓဇန်ကြာန် ကေုာံ ဂဗုတ်ရာဇာဝတ်ပၞာန်ဂှ် ကၠောန်ဗဒှ်ပေါဲရုဲမာဲပတောံတုဲ နဒဒှ်ပၞော်တိတ် နူပွသီအဝဵု ညံၚ်ဂွံပြံၚ်စိုပ် ဒဒှ်အလဵုအသဳ နွံကဵုဗီုပြၚ်သဏ္ဌာန်ဗဗွဲဓဝ် စပ်ကဵုဇဳဇန်ပြုပြေၚ်ဒၟံၚ်တုဲ နကဵုကောန်ဍုၚ်အရၚ်ဂမၠိုၚ် တီကေတ် ပွပါ်ဒကးဆီ၊ ပွလီၜန်တအ်တုဲ ဆေၚ်မုက်တတ်ကၠောံအာ ကရောံပရေၚ်ညဳသာသၟဟ်န်တုဲ ညံၚ်သၞောတ်တၠအဝဵုပၞာန် ဂွံပိုတ်ဒကုတ်အာ သွက်ဂွံပတိတ်အာဇြဟတ် မွဲကရောံမွဲစွံလေဝ် CRPH ဖ္အောဝ်ဗတိုက်လဝ်ရ။
ပရိုၚ် – သြၚ်လောန်တိုၚ်(မ်)