ဇၚ်မာဲ-ဂျာန္နဝါရဳ(၆)
ကိစ္စဆက်အာယုက် စၟတ်တဲကၠောံဍုၚ်ကၟိန်ဍုၚ်ဗၟာဂှ် စတမ်နူ ဂိတုဂျာန္နဝါရဳ စၟတ်တ္ၚဲ (၅)ဏံတုဲ ဒေါံဇူလဝ် မွဲခဏခေတ္တရဂှ် ရုၚ်ဝန်ကဵုရီုဗၚ် ဇၚ်မာဲ ဍုၚ်သေံ လလောၚ်တြးလဝ် ပရိုၚ်ရ။
ညးမဂွံလဝ် တ္ၚဲချိၚ်ဖာပ်တုဲတအ် သွက်ဂွံက္လိဂွံစၟတ်တဲ ညံၚ်ဂွံကေတ်လဝ် တၚ်ဂၞၚ်ဆေၚ်ရာတအ်ဂှ် အတိုၚ်တ္ၚဲချိၚ်ဖာပ်လဝ် ကၠုၚ်စိုပ်မာန်ရဂှ် ဟီုသ္ဂးလဝ်ရ။
ပ္ဍဲဒၞာဲလဵု ကလေၚ်ပံၚ်ကဵုအာ ဒၞာဲသွက်ဂွံပ္တိတ်ကေတ် စၟတ်တဲကၠောံဍုၚ်ဂှ် ဓမံက်ထ္ၜးကဵုလဝ် ချိုတ်တ်ပၠိုတ်တ်ဟွံမွဲတုဲ ဆက်တုဲ ကဵုအာတၚ်သမ္တီပၠန်ဏောၚ်ဂှ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
ပ္ဍဲဂိတုဂျာန္နဝါရဳ တုဲကၠုၚ် စၟတ်တ္ၚဲ (၂) ဂှ် ပ္ဍဲရုၚ်ပ္တိတ်ကဵု စၟတ်တဲကၠောံဍုၚ် ပ္ဍဲဍုၚ်လဂုၚ်ဂှ် ပရေၚ်ကၠောန်ကဵု စၟတ်တဲကၠောံဍုၚ်ဂှ် သွက်ဂွံသၠုၚ်ပတိုန် ကဆံၚ်နဲကဲကွတ်ပညာဂးတုဲ တ္ၚဲအပိုၚ်အခြာဟၟဲ ကၟာတ်ကၠုၚ်လဝ်ဏီရ။
ညးဂရၚ်ပ္တီအာတ်လဝ် စၟတ်တဲကၠောံဍုၚ်တအ်ဂှ် ကၠာတေံ ၜိုန်ရဂရၚ်ပ္တီအာတ်ကေတ် နကဵုသၞောတ်အောန်လာၚ် Booking ပ္ဍဲရုၚ်ဍုၚ်လဂုၚ် ဂွံမာန်ကီုလေဝ် ပ္ဍဲသၞာံ ၂၀၂၂ ဂိတုဒဳဇြေမ်ဗာ လပါ်မံက်ဂှ် ဒေါံဇူကၠုၚ်လဝ်တုဲ ညးက္လိဂွံလဝ် Booking QR Code တအ်ဂှ်ဟေၚ် ဆက်ကၠောန်ကဵုအာရောၚ်ဂှ် ရုၚ်ပ္တိတ်ကဵု စၟတ်တဲကၠောံဍုၚ်ဂှ် ကဵုကၠုၚ်လဝ် တၚ်သမ္တီရ။
ပရေၚ်ပ္တိတ်ကဵု စၟတ်တဲကၠောံဍုၚ် ပရေၚ်ဆက်အာယုက် သွက်သၟာကမၠောန်ဆုဲပြံၚ် ကေုာံညးတိုန်ဘာ ပ္ဍဲဍုၚ်သေံတအ်ဂှ် ပါ်လဝ်ဒၞာဲပိဒၞာဲ ကၠောန်ကဵုဒၟံၚ်တုဲ ပ္ဍဲကဵုဂှ် ရုၚ်ဝန်ကဵုရီုဗၚ် ဇၚ်မာဲလေဝ် ပါလုပ်ဒၟံၚ်ရ။
ပရိုၚ်-သြၚ်လောန်တိုၚ်(မ်)