နျူဒေလဳ၊ ဂျာန္နဝါရဳ (၇)
ပ္ဍဲကဵုညးအာတရဴဍုၚ်သ္အာၚ် မစိုပ်ကၠုၚ်အပ္ဍဲဍုၚ် နူဂိတုဒဳဇြေမ်ဗာ (၂၄) အပ္ဍဲဂျာန္နဝါရဳ (၃) ဂှ် ဂွံဆဵုလဝ် စၟယဲကဝ်ဝေဒ်−၁၉ ဂကူပါ် (၁၁) ဂကူဂှ် ဌာနဝန်ဇၞော်ပရေၚ်ထတ်ယုက်အိန္ဒိယ ဟီုဂးလဝ် ပ္ဍဲဂိတုဂျာန္နဝါရဳ (၆) ဂှ်တုဲ စၟယဲဂကူပါ် ဂွံဆဵုလဝ်ဗီုဏံဂှ်ဝွံ ဒဒှ်ရနှဴရဴလဝ် ဂကူပါ်တၟိကဵု ဂကူပါ်မူလ မၞုံဒၟံၚ်တုဲတုဲတံဂှ်ရောၚ် ဟီုဂးလဝ်ရ။
ပ္ဍဲကဵုအဵုမဳခရောန် ဂကူပါ် ဂွံဆဵုလဝ်တၟိလၟုဟ်တံဂှ် BA.5.2 ဂကူပါ်ဂှ်ကဵု BF.7 ကဝ်ဝေဒ်ဂကူပါ် ခြာဟွံလအ်ဏံ မက္တဵုဒှ်ဒၟံၚ် ပ္ဍဲဍုၚ်ကြုက်တံ မဒှ်ရောၚ်ဂှ် သ္ဂးရ။
ကဝ်ဝေဒ် −၁၉ ဂကူပါ် ဂၠိုၚ်ကဵုကၠံဂှ်ဝွံ အခိၚ်လၟုဟ် ပြးထၞာန်ဒၟံၚ် အလုံမွဲဂၠးတိကီုလေဝ် ပ္ဍဲကဵုဂှ် ဂကူပါ် ၜိုတ်မသုန်ဂကူဂှ် မၚ်ကျောဝ်ဒၟံၚ် နဒဒှ်သ္ဇက်ဒးဂွိၚ်ရောၚ် မဒှ်ရ။
ပ္ဍဲအိန္ဒိယ အပ္ဍဲကာလအခိၚ်တေံဂှ် ပၞောဝ်ကဵုညးအာတရဴ မဂွံဒုၚ်စၟဳစၟတ်လဝ် ကဝ်ဝေဒ်−၁၉ (၁၉,၂၂၇) တၠဂှ် (၁၂၄) တၠဂှ်ဝွံ ဂွံဆဵုလဝ်စၟယဲရောၚ် ပရိုၚ်တမ်ရိုဟ်တံ ဟီုဂးလဝ်ရ။
အလဵုအသဳအိန္ဒိယဝွံ ညးအာတရဴဍုၚ်သ္အာၚ် မစိုပ်ကၠုၚ်အပ္ဍဲဍုၚ်တံ (၂) တၟံကၠံဂှ် ကၠောန်သ္ပစမ်ၜတ်လဝ် ဗီုမၞုံပၟိက်ဂှ်တုဲ ညးမစိုပ်ကၠုၚ် နူဍုၚ်ကြုက်၊ ဟံၚ်ကံၚ်၊ ဂျပါန်၊ ကိုဝ်ရဳယျာသၠုၚ်ကျာ၊ သေန်ကာပေါဝ်၊ ဍုၚ်သေံတံဂှ် ဟွံဒေါအ်ဟွံဂွံ ဒးကၠောန်သ္ပစၟဳစၟတ်ကဝ်ဝေဒ်−၁၉ရောၚ်ဂှ်လေဝ် စၞောန်ပ္ညုၚ်လဝ်ရ။
Ref: Stratistimes