ဂျာကတာ၊ ဂျူလာၚ် (၂၁)
ဒဒှ်မကလေၚ်ဇွိတ်သပေါတ် ပရေၚ်ကုတ်သၞောဝ်ဒန်သၞောဝ် ကုသၞောဝ်ဥပဒေဂဥုဲၜူမာဲ မသ္ဂောံကဵုအာအခေါၚ် တၞးဘၚ် ဗွဲမလုပ်သၞောဝ် သွက်မဆေၚ်စပ်ကဵုကွတ်ဂဥုဲတံဂှ် တးပါဲလဝ် နကဵုတၚ်သ္ဂုတ်သွာတ် နူကဵုရုၚ်ဂဗုတ် နာဲဗ္စာ (၉) တၠ ပ္ဍဲဂိတုဂျူလာၚ် (၂၀) ဂှ်ရ။
မိ ကောန်ၚာ် ဒးဒုၚ်စသိုၚ်ဒၟံၚ် ယဲက္ဍဟ်ဆောတ်ယောၚ် (၃) တၠ နူကဵုဂကောံမှာဇန်တံ မကဵုလဝ်ဓတ်ကရတ် လ္ပာ်လက္ကရဴအဓိကတံဂှ်ဝွံ ပွမကလေၚ်ဇွိတ်သပေါတ် စပ်ကဵုပရေၚ်ကုတ်သၞောဝ်ဒန်သၞောဝ် ကုဥပဒေဂဥုဲၜူမာဲ မတေၚ်ဂြတ် ကၟိန်ဍုၚ်ဂှ်ဝွံ ပ္ဍဲသၞာံ ၂၀၂၀ ဂှ် ပ္တိုန်လဝ်ဂလာန်တုဲ သွက်ဂွံရပ်စပ်စကာ တၞးဘၚ် သ္ဂောံလွဳလွတ် လက္ချန်ယဲဂမၠိုၚ်ဂှ် ပရေၚ်ဟီုဂးပ္တိုန်ဖျေံတံ နွံကၠုၚ်လဝ်ရ။
နာဲဗ္စာတံ ၜိုန်ရဟီုဂးဒၟံၚ် တၚ်နၚ်စပ်ကဵုသုတေသန သွက်ဂွံထ္ၜးသက်သဳ ကုတၚ်စဳရေၚ် မထံက်ဂလာန် ကုမၞိဟ်သ္ဒးဒုၚ်စောဲအမှုတံဂှ် ရုမ်မ်ဂပ်ပ် ဟွံမွဲကီုလေဝ် သွက်ဂွံကၠောန်သုတေသန လွာဲလွာဲဂှ် စပ်ကဵုပွမရပ်စပ်ကာ ဂဥုဲၜူမာဲ ပ္ဍဲပရေၚ်လွဳလွတ်ဂှ် ဖ္တိုက်ဖ္အောဝ်လဝ် အလဵုအသဳရ။
“နကဵုအလဵုအသဳ ဂပ်ဝ်ဒးဒ္ဂေတ်ဗက်ထေက်ရောၚ်ဂှ် နူရုၚ်သၞောဝ်ဓဝ် မိက်ဂွံဟီုဂးဏာ ဇြိုဟ်ဟ်နက်က်ရ၊ ပရူဒဒှ်ဏံဂှ် ပ္ဍဲအရာသ္ဂုတ်သွာတ် ပရေၚ်သၞောဝ်ဥပဒေပြံၚ်သၠာဲမာန်တံကီု မပါလုပ် မူဝါဒတံကီုဂှ် ရပ်စပ်အာ သွဟ်တံဏံမာန်ရောၚ်” ဂှ် နာဲဗ္စာ သူဟတိုဝ်ယိုဝ် ကောန်ဍုၚ်ကွာန်အေန်ဒိုဝ်နဳယှာ ဗွဲမဂၠိုၚ်ဂၠေၚ် မဒးဂၞပ်စှ်ေစိုတ်ဂှ် ဟီုရ။
ပွမဟွံကဵုအခေါၚ်ရပ်စပ် ဂဥုဲၜူမာဲ သွက်တၚ်ထ္ၜးဟိုတ် စပ်ကဵုလ္ပာ်ကွတ်ဂဥုဲဂှ်ဝွံ ဖံက်ပ္ကဝ်ဒၟံၚ် အခေါၚ်အရာကောန်ကၟိန်ဍုၚ် သွက်သ္ဂောံဂွံပရေၚ်ဒုၚ်ကာ ပရေၚ်ထတ်ယုက်တံ ကေုာံ သွက်သ္ဂောံဂွံဒတုဲဖဵု နူကဵုပွမဖောအ်ဗြေဝ်တောတက် သိပ္ပံကဵု နဲကွတ်ပညာတံရဂှ် ညးရေၚ်တၠုၚ်ဂဗုတ် လ္ပာ်မၞိဟ်ဒးဒုၚ်စောဲအမှုတံ ကယျာန်စာန်စးလဝ်ရ။
သၞောဝ်ဥပဒေ ကၟိန်ဍုၚ်အေန်ဒိုဝ်နဳယှာဝွံ ဒှ်ဥပဒေ ပၞောဝ်ကဵုဥပဒေဖ္တိုက်သ္အး ဂဥုဲၜူမာဲ မသ္ကာတ်မြဟ်အိုတ် လ္တူဂၠးတိဏံ မွဲတုဲ သွက်ပရေၚ်သွံရာန်ဂဥုဲၜူမာဲ ဟွံသေၚ်သာ်ဂှ် ယဝ်ရရပ်ဂွံဂဥုဲၜူမာဲ ပ္ဍဲတဲ ဗွဲမဂၠိုၚ်ဂၠေၚ်မ္ဂး ပွမကဵုဒဏ်ဖျေံစၟတ် မွဲလအိတ်အာယုက် ကေုာံ ကဵုဒဏ်ဂစိုတ်တံလေဝ် ပါလုပ်ရ။
ပ္ဍဲသၞာံ ၂၀၁၈ ကၟိန်ဍုၚ်သေံ မပံက်ကၠုၚ်ဂၠံၚ် မထ္ၜးကၠုၚ်ပၟတ်သာ်တ္ၚေက် ကုတၞးဘၚ် မဒှ်ကၠုၚ် ကၟိန်ဍုၚ်ကိုပ်ကၠာအိုတ် အပ္ဍဲဒေသဂှ် ပ္ဍဲသၞာံဏံ ကဵုကၠုၚ်အခေါၚ် ပရေၚ်တဵုလွဳတၞးဘၚ်တံကဵု ပရေၚ်ရပ်စပ်ကာတံရ။
ဆ္ဂး မိ ညးဗြဴ အာယုက် (၁၃) သၞာံ မဒးဒုၚ်စသိုၚ်ဒၟံၚ် ယဲက္ဍဟ်ဆောတ်ယောၚ်ဂှ် ပ္ဍဲဂၠံၚ်ဒၞါဲမၞိဟ်စဳ လဒေါဝ်ဍုၚ်ဂျကာတာ မွဲဒၞါဲဂှ် အာတ်မိက်လဝ် သွက်ဂွံကၠောန်သ္ပသုတေသန မဆေၚ်စပ်ကဵုကွတ်ဂဥုဲ ကုတၞးဘၚ် ညံၚ်ဂွံလုပ်သၞောဝ်ဂှ်တုဲ ခြာဟွံလအ်ဏီဂှ်ရ ကိစ္စဂှ်ဝွံ ဒှ်ကၠုၚ်သ္ဇက်စိုတ်လုပ်စရ။
ညးမဒှ်မိ အာယုက်(၄၃) သၞာံဂှ် ပ္ဍဲလ္တူဂၠံၚ် ဒၞါဲမၞိဟ်ဂၠိုၚ်တံဂှ် ရပ်လဝ် တၞးလိက် မချူလဝ် “ ရီုဗၚ်ကဵုညိ ကောန်အဲ နွံပၟိက်ဒၟံၚ်ကဵု တၞးဘၚ်ဏောၚ်” ဂှ်တုဲ ဗွဲကြဴအာတ်မိက်အရီုဗၚ်သာ်ဏံတုဲဂှ် ကိစ္စဏံ ပြးထၞာန်အာ ညံၚ်ရဴဝဳရုသ်ကီုရ။
ပါလဳမာန် အေန်ဒိုဝ်နဳယှာဝွံ ခြာဟွံလအ်ကၠုၚ်ဏီဂှ် သဳကၠဳလဝ် သွက်ဂွံပဠေဝ်စေဝ်ပၞောန် စပ်ကဵုရပ်စပ်စကာတၞးဘၚ်ဂှ်တုဲ လ္ၚတ်အာ ဒတုဲဖဵုဂုန်ဍေံ သၠဲသၠဲလးလးရောၚ်ဂှ် ဟီုဂးလဝ်ရ။
ဇၟာပ်ပရေၚ်ချဳဒရာၚ် သွက်သ္ဂောံကဵုအခေါၚ် ဗွဲမလုပ်သၞောဝ်ဂှ်ဝွံ အတိုၚ်လၟေၚ်ကမၠောန် ကၟိန်ဍုၚ်သေံ မပံက်ကၠုၚ်ဂၠံၚ် ထ္ၜးကၠုၚ်ပၟတ်သာ်တ္ၚေက်မာန် ကုတၞးဘၚ် ကိုပ်ကၠာအိုတ် အပ္ဍဲဒေသတုဲ ပ္ဍဲသၞာံဏံ မကဵုလဝ်အခေါၚ် ရပ်စပ်စကာ ကေုာံ အခေါၚ်တဵုလွဳတၞးဘၚ်တံ မဒှ်ရဂှ် ဂွံတီကေတ်ရ။
Ref: CNA