နေပျဳဒဝ် – ဖေဖဝ်ဝါရဳ(၉)
အခန်ကၞာဇက်ဂၠောဲတိုန် ပေါဲပၠဒပ် စၟတ်သမ္တီ ဒက်ပ္တန် တံဒပ်ဒေသပၞာန်ပါ် စၟတ်-၈၀၄ ဌာန်ဂအုပ်ပၞာန် ရးပၞာန်လဒေါဝ် အလဵုအသဳပရေၚ်ညဳသၟဟ်ကောန်ဂကူ၊ ပေၚ်မွဲသၞာံဂှ် ကၠောန်ဗဒှ်လဝ် ပ္ဍဲဂိတုဖေဖဝ်ဝါရဳ တုဲကၠုၚ် စၟတ်တ္ၚဲ (၇)ဂှ်ရ။
တံဒပ်စၟတ် – ၈၀၄ ဂှ် စဒက်ပ္တန်လဝ် ပ္ဍဲသၞာံတုဲကၠုၚ် ဂိတုဖေဖဝ်ဝါရဳ စၟတ်တ္ၚဲ (၂) ဂှ်တုဲ နကဵုပရေၚ်ရီုဗၚ်ညးဍုၚ်ကွာန်ကီု၊ နကဵုဇြဟတ်ဆီပဠ သ္ဂံၚ်ဂမၠိုၚ်ကီု ရုန်ဂစာန်ကၠုၚ်တုဲ တ္ၚဲတံဒပ်ပေၚ်ကၠောံသၞာံဂှ် ကၠောန်ဗဒှ်လဝ် ပ္ဍဲတိဍာ်ဗၠးၜးမွဲဒၞာဲရဂှ် ဂွံတီကေတ်ရ။
အခန်ကၞာပၠဒပ်ဂှ် ညးစၞး ကေုာံညးတာလျိုၚ် နူဒပ်ပၞာန်ကွးဘာ ပရေၚ်ဗၠးၜးညးဍုၚ်ကွာန် (PLSF)၊KNDF BO-5၊KNDF BO-6၊ KRU မဒှ်ဂကောံကောဒေမဟာမိတ်ကီု၊ ဒေသပၞာန်(၃) ရးဒေသပၞာန်လဒေါဝ် တံဒပ်စၟတ် ၁၀၀၅ ကီု၊ ဒေသပၞာန် (၃) တံဒပ်ရးပၞာန်လဒေါဝ် တံဒပ်စၟတ် -၁၀၀၈၊ ဌာန်ဂအုပ်ပၞာန် ရးဒေသပၞာန်လဒေါဝ် တံဒပ်စၟတ် – ၈၀၃၊ ဌာန်ဂအုပ်ပၞာန် ရးဒေသပၞာန်လဒေါဝ် တံဒပ်စၟတ် – ၈၀၅၊ ဌာန်ဂအုပ်ပၞာန် ရးဒေသပၞာန်လဒေါဝ် တံဒပ်စၟတ် – ၉၀၂ တအ်တိုန်စိုပ်လဝ်ရဂှ် ဂွံတီကေတ်လဝ်ရ။
ဗီုရုပ်- CJ