ဂျာကာတာ၊ ဖေဖဝ်ဝါရဳ (၁၀)
ညံၚ်ရဴတၚ်ကဵုသတိ မကၠောန်သ္ပကၠုၚ်လဝ် လောန်ကၠုၚ် (၇) သၞာံတေံကီု ပ္ဍဲရာသဳကညၚ်ကၠုၚ်စိုပ်ဏံ ညံၚ်ပၟတ်ဂြိုပ်တူဇၞော်ဇၞော် ဂွိုအ်က္တဵုဒှ်ဂှ် ကၠောန်သ္ပပရေၚ်စဵုဒၞါဟာ၊ ဒးပ္တိတ်ထောံ နူကမၠောန်ဟာဂးတုဲ သမ္မတအေန်ဒိုဝ်နဳယှာ ဂျဵုကိုဝ်ဝဳဒိုဝ်ဝ် ပ္တိတ်လဝ်ခန်သၟာန် ကဵုလဝ်သတိ ကုဂကောံဒပ်ဗၠာဲသၟိၚ်တံရ။
အေဝ်လ်နဳညဵု ဟွံသေၚ်မ္ဂး အကာဲအရာ ရာသဳဥတုကညၚ်တံဂှ်ဝွံ ခြာဟွံလအ်ဏံ အလုံဍုၚ်အေန်ဒဵုနဳယှာမွဲ ဒှ်ကၠုၚ်ဏောၚ်ဂှ် ချိၚ်ခယျလဝ်ရ။ ယဝ်ရ အကာဲအရာရာသဳဥတုတုဲ ပၟတ်ဂြိုပ်တူဇၞော်ဇၞော် က္တဵုဒှ်ကၠုၚ်မ္ဂး သၞာဲဒဴဗၠာဲသၟိၚ် နူဒေသမဆေၚ်စပ်၊ တွဵုရးမဆေၚ်စပ်တံဂှ် ပ္တိတ်အာ နူကဆံၚ်ဒၞါဲတံရောၚ်ဂှ် သမ္မတဂျဵုကိုဝ်ဝဳ ကဵုလဝ်သတိရ။
“တၚ်ကဵုသတိ လောန်ကၠုၚ်(၇) သၞာံတေံဂှ် ဒဵုကဵုလၟုဟ် လုပ်ဒၟံၚ်အဝေါၚ်ဏီဏောၚ်။ ပ္ဍဲတွဵုရး ယဝ်ရပၟတ်တူဇၞော်ဇၞော်က္တဵုဒှ်မ္ဂး သ္ကိုပ်ကောပ်ကာဲ ဒေသဆေၚ်စပ်တံ၊ သ္ကိုပ်ဗၠာဲသၟိၚ် ဒေသဆေၚ်စပ်တံ တာလျိုၚ်နွံရ” သာ်ဝွံ နိဿဲကေတ် ဂလာန်ဂျဵုကိုဝ်ဝဳ မဟီုဂးလဝ်ဂှ်တုဲ CNBC Indonesia ထ္မံက်ထ္ၜးလဝ်ရ။
သမ္မတ နူကဵုသၞာံ ၂၀၁၆ ဂှ်ဝွံ သွက်ဂွံစဵုဒၞါ ညံၚ်ပၟတ်ဂြိုပ် ကေုာံ တိဗ္ၚတူတံ ထပ်ဂွိုအ်က္တဵုဒှ်ဂှ် ယဝ်ရတာလျိုၚ်လီုအာမ္ဂး ကမၠောန်ကၟိတ်ဗၠာဲသၟိၚ်တံ ကေုာံ သၞာဲဒဴစပ်ကဵုလ္ပာ်ပၞာန်တံ ဆောံလေၚ်ရောၚ်ဂှ် ဒဒှ်ရဘပဠလဝ်ဂှ် ဌာန်ပရိုၚ် Jakarta Globe ကေၚ်ထ္မံက်ထ္ၜးလဝ်ရ။
“ပ္ဍဲတိဍာ်မၞးတံ ယဝ်ရရပ်စပ် ပရေၚ်ပၟတ်တူတံ ခိုဟ်ဟ်ဟွံမာန်မ္ဂး မူဝါဒဂှ် တုပ်ပ်ရ၊ မၞး ဒးဒုၚ်ပ္တိတ်နူ ကမၠောန်ဏောၚ်” ဂှ် ဟီုလဝ်ကဵု ညးမတိုန်စိုပ်လဝ် ကောံဓရီုပ္ညဳပ္ညပ် ကဆံၚ်ကောန်ဂကူ စပ်ကဵုပရေၚ်ထိၚ်ဒက်ပၟတ်ဂြိုပ် ကဵု တိဗ္ၚတူ သၞာံဂှ်ရ။
နဒဒှ်သွက်သ္ဂောံစဵုဒၞါ ပၟတ်ဂြိုပ်တူတံဂှ် သုၚ်စောဲအာ ကွတ်နဲပညာရာသဳဥတုပြံၚ်လှာဲ မသ္ကဵုဗြဲပ္တောံဂူစှ်ေ လ္တူတိဒြၚ်ဗအက်တံရောၚ်ဂှ် သၟိၚ်တၠတံ ဟီုဂးလဝ် ပ္ဍဲကဵုသတ္တာဟဏံ အခိၚ်ပြဟ်ဟ်တေံရ။
ပ္ဍဲကဵုဂိတုတုဲကၠုၚ်တေံဂှ်လေဝ် ဝန်ဇၞော်ပရေၚ်ထိၚ်ဒက်ပွဳပွူဂှ် ကမ္ပဏဳ မသ္ကဵုပၟတ်ဂြိုပ်တူတံဂှ် ကေတ်အာအရေဝ်သ္ကာတ်တ်မြဟ်ဟ်ရောၚ် ကဵုလဝ်သတိဏီရ။
နူကဵုအေဂျေန်ဇြဳ ဗြဲကျာ၊ ရာသဳဥတု ကေုာံ ဘူမိဗေဒ ဍုၚ်အေန်ဒိုဝ်နဳယှာ (BMKG) ဂှ် ဍုၚ်အေန်ဒိုဝ်နဳယှာဝွံ နူဂိတုဨပရဴ သၞာံဏံ စဵုကဵုဂိတုမေ အခိၚ်ဂိတုက္ညၚ်လုပ်ဂှ် အန္တရာယ်ပၟတ်ဂြိုပ် သၠုၚ်တိုန်ကၠုၚ်မာန်ရောၚ်ဂှ် ချိၚ်ခယျလဝ်ရ။
Ref; CNA