ဗ္ဒပ်ဗၠာဲသၟိၚ်ၝောံဍုၚ် မၞုံပ္ဍဲတွဵုရးချေၚ်၊ ပွိုၚ်ဍုၚ်ထာန်တလာန်ဂှ် ဒပ်ကောန်ဂကူချေၚ် CNF ကေုာံဒပ်စဵုဒၞာညးဍုၚ်ကွာန် ထာန်တလာန်တအ် လုပ်စိုပ်ဗတိုက်သီကေတ်လဝ် ပ္ဍဲဂိတုဖေဖဝ်ဝါရဳ စၟတ်တ္ၚဲ (၉) အခိၚ်နူဂယးဂှ်တုဲ သီုသီကေတ်ဂွံလဝ် လွဟ်(၄၀) ဒကိုအ်ပြၚ် ကေုာံလက်နက်မကမ်ဗွဲမဂၠိုၚ်လေဝ် သီကေတ် မာန်ကၠုၚ်လဝ်ရ။
ဟိုတ်ဂှ်ရ စပ်ကဵုအကာဲအရာပေါဲဗတိုက် သီကေတ်ဗ္ဒပ်ဗၠာဲသၟိၚ်ၝောံဍုၚ်ထာန်တလာန်၊ ပရေၚ်ကံၚ်ဇြဳ ချဳဒရာၚ်ပရေၚ်ပၞာန်တအ်တုဲ ဆက်စၠောံသၟာန်သွဟ်လဝ်ကဵု သလိုၚ်ထေတ်နဳ ညးမၞုံအခေါၚ်ဟီုဂး ဒပ်ပၞာန်ကောန်ဂကူချေၚ် သလိုၚ်ထေတ်နဳရ။
-အလန်ကိုပ်ကၠာအိုတ်ဏံ စပ်ကဵုပေါဲဗတိုက် သီကေတ်ဗ္ဒပ်ဗၠာဲသၟိၚ်ၝောံဍုၚ်တုဲ သ္ပကဵုဒ္တန်ညိ။
ယွံ တ္ၚဲတုဲကၠုၚ်တေံ ဗ္ဒပ်ဗၠာဲသၟိၚ်ၝောံဍုၚ် ဖျေံသ္ဇိုၚ် ပ္ဍဲထာန်တလာန်ဂှ် ပိုဲလုပ်စိုပ်ဗတိုက်လဝ် ပ္ဍဲအခိၚ်ဗ္တံ နူၜိုတ်(၉) နာဍဳဂှ်ရ။ အခိၚ်နူဂယး (၂)နာဍဳဂှ် ဗတိုက်မာန်ကၠုၚ်ရ။ ပ္ဍဲဒၞာဲဂှ်တှ်ေ ဂွံညာတ်ကေတ် ဇွကၠဵုပၞာန် ကဵုဇွညးဍုၚ်ကွာန်တအ်ရ။ သၞသှ်ေဒၟံၚ်ဂှ် ဂြိပ်တိတ်အာလဝ် ဒှ်မာန်ရ။ ပ္ဍဲဒၞာဲဂှ်တှ်ေ ပ္ဍဲကဵုဒၞာဲဒပ်လပါ်ကၠဵုပၞာန် ဖျေံလဝ်သ္ဇိုၚ် ပ္ဍဲရုၚ်အုပ်ဓုပ်နာနာဂှ် ၜိုန်ရပိုဲလုပ်ဗတိုက်လဝ်ကီုလေဝ် ဍေံတအ် ဟၟဲမွဲရပုဟ်။ ဂွံလဝ်လွဟ် (၄၂)ဒကိုအ်ရ။ လပါ်ပိုဲ ပြဟ်လလုဲအာမၞိဟ်မွဲတုဲ ဂွံလဝ်ဝပ်မွဲတၠရ။
-ကြဴနူသီဗ္ဒပ်တုဲဂှ် ဗီုပြၚ်လဵု လပါ်ကံၚ်ဇြဳပၞာန် ကလေၚ်ပလန်လဝ်တဲ နွံကီုရော။
အေဂှ်တှ်ေ အခိၚ်ကၠာတ္ၚဲဟွံတၟးကဵုတၟး ဒဵုကဵုအခိၚ်လၟုဟ်ရ။ ဂြာတ်ထောံဖျေံဗုမ်ကဵု က္ၜၚ်ကျာ်ဂျေတ်ဖိုက်တာ (၅) ဖ္ဍိုက် ပ္ဍဲကဵုဍုၚ်ထာန်တလာန်ကီု၊ ဗ္ဒပ်ဍေံတအ်ထေၚ် ဒၞာဲပိုဲနွံမာန် ပ္ဍဲမွဲဗွိုၚ်ဂှ်ကီု လုပ်ပန်လဝ် နွံရ။ ဣဏံဂှ်တှ်ေ ပရေၚ်ဇီုကပိုက်ဒးလဝ် ဟၟဲပုဟ်။ အကာဲအရာဂှ်တှ်ေ ဗီုဏံရ။ နူကဵုက္ၜၚ်ကျာဂှ် ဆက်တုဲအကာဲအရာ သွက်ဂွံကၠုၚ်မာန် နွံဒၟံၚ်ဏီ နူကဵုလပါ်ဟာခါ ဍေံတအ်ပလံၚ်နၚ်ပၞာန်ရီု ကဵုကွဳစက်ပၞာန် ပိဖ္ဍိုက်ဂှ်လေဝ် ပိုဲဂွံလဝ်ပရိုၚ်ဗလးတိ ချိုတ်တ်ပၠိုတ်တ်နွံရ။
-အလန်လကြဴအိုတ်ဏံ ကြဴနူသီဗ္ဒပ်တုဲဂှ် ဗီုပြၚ်လဵု လပါ်ကံၚ်ဇြဳပၞာန် ပြေၚ်ကၠုၚ်ပၞာန် ပ္ဍဲလတူဍုၚ် ဗီုပြၚ်လဵုကၠောန်သ္ပဒၟံၚ်ရော။
ဒဵုကဵုလၟုဟ်ဂှ် ဍေံတအ် ဆက်ဇက်ပ္ဍိုက် ဗ္ဂပ်ဒၟံၚ်လွဟ်ဇၞော် လပါ်ဍုၚ်ဟာခါ၊ ထာန်တလာန်ရဂှ် ပိုဲဂွံလဝ်ပရိုၚ်ရ။ ယွံတၚ်ဂုဏ်ရ။