ၜၚ်ကံက်၊ ဖေဖဝ်ဝါရဳ (၁၁)
စၟတ်သမ္တီဗဳဒဳယော ကေမ္မရာဂီုကၠီု အပ္ဍဲဒေသပရေၚ်အုပ်ဓုပ် ဍုၚ်ဇၞော်ၜၚ်ကံက် BMA တံဂှ် အာတ်မိက် နူကဵုဂၠံၚ်တရဴသၞောတ်အောန်လာၚ် ဟွံသေၚ်မ္ဂး နူကဵုသေန်တာ CCTV (၁၃) တံမာန်ယျဂှ် သ္ကိုပ်စၞောန်ပ္ညုၚ် ဌာနက္ဍိုက်ပ်ပရေၚ်ပလံၚ်ဗစိုပ် ကေုာံ စေဝ်ပၞောန်ယာန် ဟီုလဝ်ရ။
BMA ဝွံ သွက်ဂွံသၠုၚ်ပ္တိုန်ပရေၚ်ဂီုကၠီုညးဍုၚ်ကွာန် ကေုာံ သွက်ဂွံဒုၚ်စဳရေၚ် ကိစ္စပရေၚ်စေဝ်ပၞောန်ယာန် သီုကဵုပါလုပ်ဒုဟ်ဒဏ်တံမာန်ဂှ်ကီု၊ သွက်ဂွံရီုဗၚ် ပရေၚ်ဂၠိုက်ဂၠါဲစၟဳစၟတ်တံမာန်ဂှ် အလုံဍုၚ်ဇၞော်မွဲဂှ် ဗ္ဂပ်စုတ်လဝ် ကေမ္မရာ CCTV တံတုဲ မဒှ်ရ။
ညးမအာတ်ပ္တိုန်စရၚ် သွက်ဂွံကေတ် စၟတ်သမ္တီဗဳဒဳယောတံဂှ်ဝွံ ဒးတောဲပ္တိုန်ထ္ၜးကဵု လိက်ဒုၚ်စဳရေၚ် နူကဵုရုၚ်ဗၠာဲသၟိၚ်တိဍာ် မဆက်စပ်ကဵု ဒၞါဲဒှ်ပရူဂှ်ရောၚ် သ္ဂးရ။
“မွဲကရောံကဵုလိက်အာတ်ပ္တိုန်ဂှ် ဒးတောဲပ္တိုန်ထ္ၜးကဵု လိက်တေၚ်လဝ်ကဵုဗၠာဲသၟိၚ်တံကဵု တၞးကာဒ်ကောန်ဍုၚ် ညးမအာတ်ပ္တိုန်စရၚ်ဂှ်ရောၚ်။ ယဝ်ရ ပ္တိုန်စၞးမ္ဂး လိက်ညးစၞးဂှ်ကဵု တၞးကာဒ်ကောန်ဍုၚ် ညးမအာတ်ပ္တိုန်စၞးတံဂှ် နွံပၟိက်ရောၚ်” သာ်ဝွံ သ္ကိုပ်စၞောန်ပ္ညုၚ် BMA ကဵုသမ္တီဟီုဂးလဝ်ရ။
ညးမၞုံပၟိက် မိက်ဂွံအာတ် စၟတ်သမ္တီဗဳဒဳယောတံဂှ်ဝွံ ပၠောပ်တၞးလိက်နွံပၟိက်တံ ပ္ဍဲကဵုသေန်တာ BMA CCTV မၞုံဒၞါဲ ခရိုၚ်ပါ် ဒေသၜၚ်ကံက် (၁၃) တံတုဲ အာတ်ပ္တိုန်စရၚ်မာန်ရောၚ်ဂှ် သ္ဂးရ။
ဒၞါဲစၟတ်သမ္တီဗဳဒဳယောတြေံတြေံတံဂှ် ဖိုၚ်တၟိတၟိတံ ကေတ်ဒၞါဲထ္ပက်အဇာတံနွံဂှ်ရ ဒှ်ပရူတုဲ အပ္ဍဲအခိၚ်ခြာဟွံလအ်ဂှ်ဟေၚ် သွက်ဂွံပ္တိုန်ကဵု တၞးလိက်အာတ်ပ္တိုန်တံအိုတ်ဂှ် ညး အာတ်မိက်လဝ်ရ။
Ref: Nation Thailand