မတ်မလီု – ဖေဖဝ်ဝါရဳ(၁၄)
အခန်ကၞာစၟတ်သမ္တီ တ္ၚဲ (ထ္ပက်စၟတ်တဲလိက်ကသုက်ပေန်လုမ် မရနုက်ကဵု (၇၆) သၞာံ ) မရနုက်ကဵု (၇၆) ဝါအလဵုအသဳပရေၚ်ညဳသၟဟ်ကောန်ဂကူ က္ဍိုက်က္ဍိုပ်ကၠောန်ဗဒှ်လဝ်ဂှ် ဂကောံကောန်ဍုၚ်အရၚ်ဂမၠိုၚ်ကီု၊ ကဝ်မတဳဗကပ်ဗဗေၚ်တအ်ကီု သီုကဵုဂကောံညးအရာပ်ဂမၠိုၚ် ပလံၚ်ဗစိုပ်လဝ် လိက်သဝဏ်ရ။
တၠအဝဵုခေတ်အဆက်က်ဂမၠိုၚ် တူရူကဵု သွက်ဂွံကေံဇျှာပ်လဝ်အဝဵုမာန်တုဲ ဟိုတ်နူပ္တိတ်ကၠုၚ်ဇြဟတ် ညံၚ်ဂွံအုပ်ဓလီု အဝဵုကၟိန်ဍုၚ် နကဵုဇြဟတ်လွဟ်မာန်တုဲ စဵုကဵုစိုပ်အခိၚ်တ္ၚဲဏံ ရေၚ်တၠုၚ်ဓမံက်ကၠုၚ်ဒၟံၚ်ရုပ်ရဴ ပရေၚ်အခေါၚ်အရာတုပ်သၟဟ်၊ ပရေၚ်ဒဳမဝ်ကရေဇြဳ ကေုာံပရေၚ်ပိုၚ်ပြဳ ပျးဌာန် အခေါၚ်ကံကုသိုလ်ဇကုဇကုတအ် ဟွံမာန်ကၠုၚ်ဏီရဂှ် ဓမံက်ထ္ၜးလဝ် ပ္ဍဲလိက်သဝဏ် ကဝ်မတဳ သ္ပစၞးကၠတ်ထဝ်ကၟိန်ဍုၚ် (CRPH) ရ။
သ္အာၚ်နူဂှ်ပၠန် ပရေၚ်ဗၠေတ်မှာ အခိၚ်ကောန်တုဲကၠုၚ်တေံဂှ် ကၟိန်ဍုၚ်နာနာတအ်လေဝ် သွက်ဂွံဝေၚ်ပါဲအာ၊ ပ္ဍဲကာလပရေၚ်သီအဝဵုလောန်ၜက်တုဲ အခိၚ်ပြံၚ်သၠာဲဗီုပြၚ်ဂှ် နွံဒၟံၚ်ပၟိက်ကဵု ပေါဲသဳကၠဳပရေၚ်ဍုၚ်ကွာန် ပါလုပ်သီုညးဖအိုတ် ကေုာံ ပရေၚ်ပံၚ်ကောံဓမံက်ရုပ်ရဴ အနာဂတ်ကၟိန်ဍုၚ် ဒေါံဟွံဂွံရဂှ် ဟီုသ္ဂးလဝ် ပ္ဍဲလိက်သဝဏ် KNU ရ၊
နကဵု NUG သွက်ဂွံထပ်ပ္တိတ်ဇြဟတ် ယူနေတ်ဖေတ်ဒရေဝ် ဒုၚ်သ္ဇိုၚ်ကဵု စိုတ်ဓာတ်ပေန်လုမ် သွက်ဂွံက္တဵုဒှ် ပ္ဍဲကဵုဒေသမဆေၚ်စပ်တအ် နကဵုဇြဟတ်ဇၞော်ဇၞော်ဂှ် ကဝ်မတဳက္ဍိုက်က္ဍိုပ်ပေါဲဗတိုက်ဗ္ကပ်ဗဗေၚ်ညးဍုၚ်ကွာန် မုမ်ယွာ ဗတိုက်ဖ္အောဝ်လဝ်ရ။
ကဝ်မတဳသ္ပစၞးကၠတ်ထဝ်ကၟိန်ဍုၚ် (CRPH)၊ ဗော်သွးကောန်ဂကူကရေၚ် (KNU) ၊ အဆက်တၞောဝ် ၈၈ (ဂကောံမၞိဟ်ၜိုဟ်လလံ ကေုာံကၠးတၟး)၊ ကံၚ်ဇြဳကဵုကသပ်ကောန်ဂကူချေၚ် ကာလအကြာ(ICNCC)၊ ဗော်ဒဳမဝ်ကရေဇြဳကောန်ဂကူ(NLD) ၊ Kachin Political Interim Coordination Team(KPICT)၊ ကဝ်မတဳကဵုကသပ်တအာၚ်(TPCC)၊ ဂကောံအ္စာဆေၚ်ရာကဵုကွတ်ပညာနဲကဲ(TTF)၊ ကဝ်မတဳက္ဍိုက်က္ဍိုပ် ပေါဲဗတိုက်ဗက်ဗဗေၚ်ညးဍုၚ်ကွာန်မုမ်ယွာ၊ ယာတ်တေတ်ဝန်တေတ် ကေုာံ Women’s Peace Network နူမပ္တံကဵုဂကောံဂမၠိုၚ်တအ်ဝွံ ပလံၚ်ဗစိုပ်လဝ် လိက်သဝဏ်ရ။
ပရိုၚ်-သြၚ်လောန်တိုၚ်(မ်)