ဗိက် – ဖေဖဝ်ဝါရဳ (၁၅)
ပ္ဍဲဒေသတၞၚ်သဳ ပွိုၚ်ဍုၚ်ဗိက်ဂှ် ဂိတုဖေဖဝ်ဝါရဳ တုဲကၠုၚ် စၟတ်တ္ၚဲ (၁၃) အခိၚ်နူဂယးဂှ် သမ္ဘာတၠသ္ၚိညးၜါ ဒၟာနူဖာပ်ဗ္စၜဲၜိုဟ် နာမ်ပျာ ပ္ဍဲတ္ၚဲစၟတ်သမ္တီ တ္ၚဲသ္ကိုပ်ဗိုလ်အံသာန်ဒှ်က္တဵုမၞိဟ်တုဲ ဒးဒုၚ်ကော်စၟဳစၟတ်လဝ်ရဂှ် ညးဒေသဂမၠိုၚ် ဟီုကဵုဌာန်ပရိုၚ်သြၚ်လောန်တိုၚ်(မ်)ရ။
သမ္ဘာတၠသ္ၚိညးၜါဏံဂှ် ဒှ်ကောန်အရာပ်ပါရမဳ ဍုၚ်ဗိက်တုဲ ဒၟာနူညးတအ်ဖာပ်ဗ္စ ၜဲၜိုဟ်နာမ်ပျာတုဲ ကံၚ်ဇြဳပၞာန်ရပ်ကော်ဏာရလဝ်ဂှ် ဂွံတီကေတ်ရ။
သမ္ဘာတၠသ္ၚိညးၜါဂှ် ဟိုတ်နူဖာပ်ဗ္စၜဲၜိုဟ် နာမ်ပျာတုဲ ကံၚ်ဇြဳပၞာန်ရပ်ကော်ဏာလဝ်သီုညးၜါ ရပ်ဏာလဝ် နူအခိၚ်နူဂယးတုဲ ကလေၚ်ဗလးကဵုလဝ် အခိၚ်လဒေါဝ်တ္ၚဲရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
သ္အာၚ်နူဂှ်ပၠန် သ္ၚိဒၟံၚ် မၞုံပ္ဍဲဍုၚ်ဗိက်လ္ၚဵုတအ်ဂှ် ၜိုန်ရစဳဇန်လဝ် သွက်ဂွံဖာပ်ဗ္စၜဲၜိုဟ်နာမ်ပျာကီုလေဝ် ဟိုတ်နူပရိုၚ်တြုံကဵုဗြဴ နူကဵုအရာပ်ပါရမဳ ညးၜါ ဒးဒုၚ်ရပ်လဝ်ဂှ်တုဲ ဒးပါ်ပရအ်လဝ် ၜဲၜိုဟ်နာမ်ပျာဂွဳဟေၚ်ရဂှ် ဂွံတီကေတ်ရ။
ဇၟာပ်ပ်သၞာံ စိုပ်ဂိတုဖေဖဝ်ဝါရဳ စၟတ်တ္ၚဲ (၁၃) မ္ဂး ပွမဖာပ်ဗ္စ ၜဲၜိုဟ်နာမ်ပျာ နဒဒှ်စၟတ်သမ္တီ တ္ၚဲသ္ကိုပ်ဗိုလ်အံၚ်သာန်က္တဵုဒှ်မၞိဟ်၊ ပွမကၠောန်ဗဒှ်အခန်ကၞာစၟတ်သမ္တီတအ် ညးဍုၚ်ကွာန်ဂမၠိုၚ် ကၠောန်ဗဒှ်ကဵုဒၟံၚ်အိုတ်ရ။
နဒဒှ်ကဆံၚ်ကၟိန်ဍုၚ်လေဝ် စၟတ်သမ္တီလဝ် နဒဒှ်တ္ၚဲကောန်ၚာ်ကၟိန်ဍုၚ်ဗၟာတုဲ သ္အာၚ်နူကၠောန်ဗဒှ်ကဵု ပေါဲမိပ်မြဟ် ပ္ဍဲကဵုဘာထိၚ်ဒဝ်ကောန်ၚာ်တုဲ ကၠောန်သ္ပကၠုၚ် ပေါဲဟီုတွံလိက်ပတ်တအ်လေဝ် နွံကၠုၚ်ဒၟံၚ်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ်- CJ(ဗီုတြေံ)