ရေဝ်၊ ဂျောန် ၂၉
ပ္ဍဲတွဵုရးဍုၚ်မန် ပွိုၚ်ဍုၚ်ရေဝ် ဒၞါဲဒေသဒပ်ပၠန်ဂတးတအ် ချဳဒရာၚ်ဇြဟတ်ခိုဟ်ဂှ် လ္ပာ်ကံၚ်ဇြဳပၞာန် ထပ်ဗပေၚ်ဒၟံၚ် ဇြဟတ်ဒပ်ဂမၠိုၚ်ရောၚ် ဒပ်ပၠန်ဂတးဖျေံသ္ဇိုၚ်ဒေသ ကေုာံ ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
အပ္ဍဲဂိတုဏံ ဒပ်ကံၚ်ဇြဳပၞာန် ဗပေၚ်လဝ်ဇြဟတ်ဒပ် နူကဵုသၞေဟ်ပါန်တာ ကွာန်အစေန် ပွိုၚ်ဍုၚ်ရေဝ်ဂှ် ဟွံအောန်နူပိဝါနွံတုဲ မွဲဝါမ္ဂး ဗွဲတွဵုမအောန် ဇြဟတ် ၜိုတ် ၁၀၀ ပြၚ် ပါလုပ်ရောၚ် သ္ဂးရ။
ကောန်ဒပ်ကံၚ်ဇြဳပၞာန် မစိုပ်ကၠုၚ်နူကဵုဂၠံၚ်ဍာ်တအ်ဂှ် ကောံပ္ဍဲဌာန်ဂအုပ်ကောပ်ကာဲပရေၚ်ပၞာန် စၟတ် (၁၉) ဖျေံသ္ဇိုၚ်ပွိုၚ်ဍုၚ်ရေဝ်ဂှ်တုဲ ကလေၚ်တြးဒၟံၚ်ဇြဟတ် ဇရေၚ်တမ်ဒပ်မဆေၚ်စပ်ဂမၠိုၚ်ရ။
ကောန်ဒပ်ကံၚ်ဇြဳပၞာန် ဗပေၚ်ဒၟံၚ်ဇြဟတ်ဒပ်ဂှ်ဝွံ ကၠောန်ကၠုၚ်ဒၟံၚ် ညံၚ်တိဍာ်ညးတံအုပ်ဓလီု ပ္ဍဲပွိုၚ်ဍုၚ်ရေဝ် ဂွံဂၠိုၚ်ကၠုၚ် သွက်ပေါဲရုဲမာဲကၠုၚ်စိုပ်ဏံဂှ် ဒှ်မာန်ရောၚ် ညးဒုၚ်တာလျိုၚ် ဒပ်စဵုဒၞါညးဍုၚ်ကွာန်ရေဝ် ဗိုလ်ယာန်နာၚ် ဟီုရ။
အတိုၚ်ပရိုၚ် ဒပ်ပၠန်ဂတးတအ်ဂှ်မ္ဂး ပပ္တံနူဂိတုဂျူလာၚ်ဏံတုဲ ဒပ်ကံၚ်ဇြဳပၞာန် ဂွံထ္ပက်ကရောၚ်ပၞာန် ပ္ဍဲတိဍာ်ဒပ်ပၠန်ဂတးတအ် ထိၚ်ဒက်လဝ် ပ္ဍဲကဵုပွိုၚ်ဍုၚ်ရေဝ်ဂှ် နွံဒၟံၚ်ရ။
သွက်ပေါဲရုဲမာဲကၠုၚ်စိုပ်ဏံဂှ် ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန် နကဵုဟိုတ်ၚးတးတိဍာ်ဂှ် နွံကၠုၚ်မာန်ဂှ်ရ နကဵုညးဍုၚ်ကွာန်ဂမၠိုၚ် ဒစးဒုၚ်ပလေဝ်ပလေတ်လဝ်ဂှ် ဒပ်ပၠန်ဂတးဂမၠိုၚ် ဖတိုက်ဖ္အောဝ်လဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ