ယေန်မာပေန် – ဖေဖဝ်ဝါရဳ (၁၉)
ရးသေတ်ဂါၚ်၊ ပ္ဍဲပွိုၚ်ဍုၚ်ယေန်မာပေန် ကွာန်ဒးလဝ်ဘဲပၟတ် ဒပ်ကံၚ်ဇြဳပၞာန် စံၚ်ပလီုလဝ်မွဲကွာန်ဂှ် နူကဵုညးဍုၚ်ကွာန် ဗစိုပ်ဇရေၚ်ညးဍုၚ်ကွာန် ဂကောံပရဟိတ ကေုာံကဝ်မတဳဗကပ်ဗဗေၚ် ကွာန်သာလေန်ဂျဳပံၚ်ကောံတအ် ပံၚ်တောဲတုဲ ကၠောန်သ္ပကဵုလဝ် ပရေၚ်ရီုဗၚ်ထံက်ပၚ်ရ။
ညးဍုၚ်ကွာန်ဒးလဝ်ဘဲပၟတ်တအ်ဂှ် ထၟာဲဍုၚ်ပုၚ်မွဲမ၊ ပ္ၚာန်ဇိုၚ်စိၚ်သၠာ် မွဲမ၊ ဇရမွဲမ၊ ဇန်မသုန်တၞုၚ်၊ သ္ၚုၜါတၠတ် ကေုာံ ကၠေၚ်မွဲဍေၚ် ထံက်ပၚ်ကဵုလဝ်ရ။
ပွိုၚ်ဍုၚ် ပ္ဍဲကၟိန်ဍုၚ်ဗၟာ (၃၇)ပွိုၚ်ဍုၚ်တအ်ဂှ် ကံၚ်ဇြဳပၞာန်သီအဝဵု လလောၚ်တြးလဝ် ပရေၚ်အုပ်ဓုပ်ပၞာန်တုဲ ပ္ဍဲရးသေတ်ဂါၚ်မ္ဂး ပွိုၚ်ဍုၚ်ယေန်မာပေန်၊ တဇြဳ၊ ယျေဥူ၊ ပလေဝ်၊ သာလေန်ဂျဳ ကေုာံ ပွိုၚ်ဍုၚ်မျောၚ်တအ် လလောၚ်တြးလဝ် ပရေၚ်အုပ်ဓုပ်ပၞာန်ရဂှ် ဂွံတီကေတ်ရ။
ပ္ဍဲကၟိန်ဍုၚ်ဗၟာ ကြဴနူဒပ်ပၞာန်သီအဝဵုတုဲ သ္ၚိဒၟံၚ်ညးဍုၚ်ကွာန်တအ်ကီု သီုကဵုစမြိုၚ်ပရေၚ်ဘာသာ ဟွံအောန်နူ (၅၇၈၀၇)မ ဒးဒုၚ်စံၚ်ပလီုလဝ်ရဂှ် ISP Myanmar လလောၚ်တြးလဝ်ရ။
ပရိုၚ် -သြၚ်လောန်တိုၚ်(မ်)
ဗီုရုပ်- CJ