သေၚ်္ကာပေါဝ် – ဖေဖဝ်ဝါရဳ (၁၉)
ပေါဲပၞာန် ပ္ဍဲတိုက်အာယှဂှ် က္တဵုဗဒှ်ကဵုပရေၚ်လီုလာ် ပ္ဍဲတိုက်ဇၞော်သၟးဟေၚ်ဟွံသေၚ် က္တဵုဗဒှ်ကဵု ပရေၚ်လီုလာ် သီုအလုံဂၠးကဝ်မွဲမာန်ရဂှ် ဝန်ဇၞော်စဵုဒၞာသေၚ်္ကာပေါဝ် ဟီုကဵုလဝ်သတိရ။
ပ္ဍဲခုၚ်ပရေၚ်ဂီုကၠီု ပၞာန်ဍာ် မကၠောန်ဗဒှ်လဝ် ပ္ဍဲပေါဲသဳကၠဳပရေၚ်ဂီုကၠီု မျူနေတ် မရနုက်ကဵု (၅၉) ဝါဂှ် ကၟိန်ဍုၚ်ဂၠးကဝ်ဇြဟတ်ဇၞော်ဂမၠိုၚ် သၠုၚ်ပတိုန် ဇြဟတ်ညးတအ် ပ္ဍဲအာယှတုဲ ပရဟ်ဒုၚ်ပွမနှဴပြံက်စုတ် ပရေၚ်ဆိုအ်ဗ ဒှ်ဒၟံၚ်အကာဲအရာဒတုဲရဂှ် ဟီုသ္ဂးလဝ်ရ။
ရန်ကဵု အမေရိကာန်၊ အိန္ဒိယ၊ အဝ်သတြေလျ၊ ဂျပါန် (Quad) ကေုာံ အမေရိကာန်၊ အဝ်သတြေလျ၊ ယူကေ (AUKUS)တအ် ဒက်ပ္တန်ကၠုၚ် ဂကောံစှ်ေဗျူဟာတအ်တုဲ ဗ္ဒပ်ဖျေံသ္ဇိုၚ် မၞုံပ္ဍဲဖိလေတ်ပိုၚ်ဂှ် အမေရိကာန် သာလုပ်စိုပ်ကၠုၚ်တုဲ ကြုက်ပတှ်ေကေတ်လဝ် ပရေၚ်ပလေဝ်ပလေတ်ချဳဒရာၚ် နဒဒှ်ဥပမာဂှ် နိဿဲကဵု ပရေၚ်ပ္ကတ်ပကေၚ်စဵုဒၞာကမ်လှောဝ် ပ္ဍဲကိုဝ်ရဳယျာသၠုၚ်ကျာရတုဲ ဟီုသ္ဂးလဝ်ရ။
စပ်ကဵုသၠုၚ်ပတိုန်လဝ် ဇြဟတ်ပၞာန် ပ္ဍဲဒေသတုဲ ကြုက်ဂှ် နူကဵုပရေၚ်ဂေတ်ကၚ် ပ္ဍဲက္ၜဳကြုက်သၠုၚ်ကျာ က္တဵုဒှ်ဒၟံၚ် ပရေၚ်ကယျာန်ဓဝါတ် က္ၜၚ်ကျာကြုက်တအ် ကၠောံၜက်အာ စဵုကဵုပၞောန် မၞုံပ္ဍဲကလိုဟ်က္ၜဳထိုၚ်ဝါန် က္တဵုဒှ်လဝ်ရဂှ် သ္ကိုပ်ဝန်ဇၞော်စဵုဒၞာသေၚ်္ကာပေါဝ် ဟီုသ္ဂးလဝ်ရ။
ဟိုတ်ဂှ်ရ သီုကဵုၜါလပါ်ၜိုန်ရဟွံခၞံဗဒှ် ပဋိပက္ခဆေၚ်ရာကဵု ရုပ်ဝတ္ထုကီုလေဝ် ထိုၚ်ဝါန်ဂှ် နွံဒၟံၚ် ပ္ဍဲဒၞာဲကဵုသ္ဂုတ်သွာတ်ဗိုန်ခိုၚ်ရဂှ် ညးဟီုလဝ်ရ။
“ပရေၚ်ချဳဒရာၚ် ထံက်ပၚ်ဒၟံၚ်ကဵု ပရေၚ်ဗၠးၜးထိုၚ်ဝါန် သာ်လဵုဟွံဟီု ကြုက်ကေတ်အာအရေဝ် ကလေၚ်ပၠန်အာတဲဏောၚ်ဂှ်ရ အရာဏံဂှ် ဒးရံၚ်ညာတ်ကေတ် နဒဒှ်အခန်လိက်ကသုက် ဟွံညဳသၟဟ် ကဵုဒၟံၚ်ဇြဟတ်ဓရိုဟ် တေၚ်ဂြတ် ကုကြုက်မွဲအခန်တုဲ က္ဍိုပ်သ္ကိုပ်ကြုက်တအ် ဒတူလာၚ်အာ သွက်ဂွံဒုၚ်တဲအရာဏံ မာန်ဟွံသေၚ်ရ” ဂှ် ဝန်ဇၞော်သေၚ်္ကာပေါဝ် ဟီုသ္ဂးလဝ်ရ။
ပ္ဍဲကဵုက္ၜဳကြုက်သၠုၚ်ကျာ က္ၜၚ်ကျာပၞာန်ကြုက် ကေုာံအမေရိကာန်တအ် ပရေၚ်ဆေၚ်မုက်ဇီုဓဗတ်ဒး ပ္ဍဲခရာသ္ၚောဲနကဵုမဳတာတအ်ကီု အခိၚ်တုဲကၠုၚ်ဟွံလအ်ဏံ ပရေၚ်ပရောဂီုထံၚ်ပရိုၚ်ကြုက် က္တဵုဒှ်လဝ် ပ္ဍဲပယျဵုဒၞက်အမေရိကာန်ဂှ် နိဿဲလဝ်တုဲ ပရေၚ်ဒဒှ်သောဲသောဲဗြောဲဗြောဲတအ် က္တဵုဗဒှ်ကဵု ပဋိပက္ခမာန်ဒၟံၚ်ရောၚ်ဂှ် ကဵုလဝ်ဥပမာ ပၞာန်ဂၠးကဝ်ပထမတုဲ ဟီုသ္ဂးကၠုၚ်ရ။
“အကာဲအရာပိုဲ ပြေပြံၚ်ဒၟံၚ် ဟွံသေၚ်ပုဟ်။ ဂမ္တဴပၟတ်ဂှ် ၜိုန်ရဟွံကၞမ်ဒၟံၚ်ကီုလေဝ် တိုန်ကၠုၚ်ဏောၚ်ဂှ် ချိုတ်ပၠိုတ်ရ။ ညံၚ်ဂွံၜိုဟ်ဂံက်စှ်ေဂှ် ၜိုတ်သ္ပမာန် ဒးသ္ပဏောၚ်” ဂှ် ဟီုကဵုသတိ ပရောပရာ စပ်ကဵုဖိုလ်ပၞာန်ပရေံပရေံ ပ္ဍဲအာယှတုဲ ပ္ဍဲဒၞာဲဏံ တၠုၚ်လအာ သွက်ဂွံရုဲစှ်တၞဟ်သ္အာၚ် နွံဒၟံၚ်ဏီရောၚ်ဂှ် ဝန်ဇၞော်သေၚ်္ကာပေါဝ် ဟီုကဵုကၠုၚ်သတိရ။
Ref,CNA