ကာပူလ်၊ ဖေဖဝ်ဝါရဳ (၂၁)
ဗ္ဒိုပ်ဖျေံသ္ဇိုၚ်ပၞာန်ဍုၚ်သ္အာၚ် မစွံလဝ်ကၠာတေံဂှ် သွက်ဂွံကၠောန်ပရေၚ်ပိုန်ဒြပ်တုဲ အစဳဇန်သ္ဂောံပြံၚ်လှာဲကၠေံ နဒဒှ်အပိုၚ်အခြာဒေသပရေၚ်ပိုန်ဒြပ်ဗွဲတၟေၚ်ဂှ် ဆက်ကၠောန်အာဏောၚ် မၞိဟ်စၞးသ္ကိုပ်ဝန်ဇၞော်ယာယဳ စပ်ကဵုပရေၚ်ပိုန်ဒြပ် အလဵုအသဳတာလဳဗာန် လလောၚ်တြးလဝ် ပ္ဍဲဂိတုဖေဖဝ်ဝါရဳ (၁၉) တေံရ။
နကဵုဌာနဝန်ဇၞော်ကူသာန်သွံရာန်ဂှ် ကၠောန်ဒၟံၚ် ပ္ဍဲအစဳဇန် သွက်ဗ္ဒိုပ်ဖျေံသ္ဇိုၚ်အမေရိကာန်ကၠာတေံဂှ်တုဲ ပ္တိုန်ထ္ၜးလဝ် သီုဇရေၚ်ကမ္မတဳပရေၚ်ပိုန်ဒြပ်ၜါ နူကဵုမၞိဟ်စၞးသ္ကိုပ်ဝန်ဇၞော်ယာယဳ မသ္ကိုပ်သ္ကဂှ်တုဲ ဒဒှ်ရဒးကေတ်တၚ်သ္ပဒတန် ဇရေၚ်ဂကောံအလဵုအသဳတံဂှ် ပ္ဍဲဂိတုဒဳဇြေမ်ဗာတေံ ဟီုဂးလဝ်ကဵု ဌာန်ပရိုၚ်ရာ်တာတံရ။
ကြဴနူသဳကၠဳစိန်န်ဝုန်န်တုဲဂှ် ဌာနဝန်ဇၞော်ကူသာန်သွံရာန် ကေုာံ ကွတ်စက်ဂှ် နကဵုတၚ်ရန်တၟံ သွက်ဂွံပြံၚ်လှာဲ ဗ္ဒိုပ်တံဏံ နဒဒှ်အပိုၚ်အခြာဒေသပရေၚ်ပိုန်ဒြပ်ဗွဲတၟေၚ်ဂှ် သ္ဂုတ်သွာတ်လဝ် သွက်ဂွံထိၚ်ဒက် ဗ္ဒိုပ်ဖျေံသ္ဇိုၚ်ပၞာန်ဍုၚ်သ္အာၚ် မသှ်ေသၟေဟ်ဒၟံၚ်တံအဆံၚ်ၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
အစဳဇန်စမ်ၜတ်ကိုပ်ကၠာ သွက်ဂွံလှာဲလွေဟ် ဗ္ဒိုပ်ဖျေံသ္ဇိုၚ်ဂမၠိုၚ် ပ္ဍဲကဵုတွဵုရးသ္ကုတ်သၟဝ်ကျာကဵု ဍုၚ်ဇၞော်ကပူလ်ဂှ်လေဝ် ထ္မံက်ထ္ၜးစုတ်လဝ်ကီုရ။
ပရေၚ်ပိုန်ဒြပ် အာဖဂါန်နေဿတာန်ဂှ် ဒးရုန်ဂ္စါန်ဒၟံၚ်တုဲ စနူကဵုတာလဳဗာန်တံ သီကေတ် ပ္ဍဲကဵုသၞာံ ၂၀၂၁ ကြဴနူပေါဲပၞာန် လလအ်ပွိုၚ် (၂၀) သၞာံတုဲဂှ် အေဂျေန်ဇြဳ ပရေၚ်ကဵုအရီုဗၚ်ဂမၠိုၚ် ကဵုလဝ်သတိ ကုအကြေပ်အဂြတ် စပ်ကဵုပရေၚ်ဗ္စာရဏာမၞိဟ် မသ္ကာတ်မြဟ်တံရ။
ဟိုတ်နူပရေၚ်သီအဝဵု တာလဳဗာန်တံဂှ်တုဲ သ္ကဵုက္တဵုဒှ်လဝ် ပွမထပိုတ်ကၠေံ သြန်ဗွဝ်ပရေၚ်ဖောအ်ဗြေဝ်တံကီု၊ သ္ကဵုဒေါအ်ဒေၚ်ကၠေံ ကုပိုန်ဒြပ်အရပ်ရာတိုက်သြန်ဗဟဵု နူကဵုဍုၚ်သ္အာၚ်တံ မထိၚ်ဒက်လဝ်တံဂှ်ကဵု ပရေၚ်တပ်ဒဏ်ကၟာတ်လဒဵု မဖျေံစၟတ်လဝ် လ္တူကဏ္ဍကမၠောန်တိုက်သြန်တံရ။
မၞိဟ်ဂၠိုၚ်ကဵုပြကောဋိကိုဋ်တံဝွံ ဒးဗ္ဒဗ္ဒါဲဒၟံၚ် ကုအရီုဗၚ်စပ်ကဵုပရေၚ်ဗ္စာရဏာမၞိဟ်တံဖိုဟ်တုဲ ဟိုတ်နူတၚ်သ္ဂုတ်သွာတ် အလဵုအသဳတာလဳဗာန် သွက်ဂွံကၟာတ်လဒဵုကၠေံ ညးဗြဴကောန်ကလောန် NGO ဗွဲမဂၠိုၚ် နူကဵုကလောန် သၞာံတုဲတေံဂှ်တုဲ ဖ္တိုက်ဖ္အောဝ်လဝ် အေဂျေန်ဇြဳကဵုအရီုဗၚ်ဂမၠိုၚ် ညံၚ်ဂွံဒေါအ်ဒေၚ်ထောံ မွဲဒကုတ်မွဲဒကဴ နူကဵုကမၠောန်မရေၚ်တၠုၚ်လဝ်တံဂှ်ရ။
နူကဵုပရေၚ်ကူသာန်သွံရာန် ကေုာံ ပရေၚ်ဓလိုက်တမ်ရိုဟ်တံမွဲကဆံၚ် သွက်ဂွံသၠုၚ်ပ္တိုန် ပရေၚ်ပိုန်ဒြပ်ရုမ်ဂပ်တံဂှ် သ္ပဒၟံၚ်အရီုရောၚ် တာလဳဗာန်တံ ဟီုဂးလဝ်တုဲ သီုကဵုပါလုပ်ဟဝ်တေဝ်ယၟုဒယှ်ယှ်မွဲ ကေုာံ သၟာပရေၚ်ပိုန်ဒြပ်ကြုက်တံကဵု ညးဓလိုက်တမ်ရိုဟ်ဍုၚ်သ္အာၚ်လ္ၚဵုတံဂှ် စပ်ကဵုပရေၚ်ဗ္တိုက်အဆက်က်တံဂှ်တုဲ ဒဒှ်မဒှ်ဓဝိၚ်စံၚ်တူဂှ် ထ္မံက်ထ္ၜးလဝ်အိုတ်ရ။
ဆ္ဂးလေဝ် မွဲကရောံဗၞိက်ပလံၚ်ပ္တိုန်တံ သၠုၚ်တိုန်ကၠုၚ်ဒၟံၚ်ဂှ် ညံၚ်သြန်လုပ် ပ္ဍဲသၞာံ ၂၀၂၂ ဂွံညိၚ်ဝတ်ဂှ် ဒဒှ်ရအလဵုအသဳတာလဳဗာန် ထိၚ်ဒက်မာန်လဝ်ဂှ် တိုက်သြန်ဗဟဵု သ္ပလဝ်တၚ်စၟတ်ရ။
Ref; Reuters