လဂုၚ် – ဖေဖဝ်ဝါရဳ(၂၅)
ရးဒေလဂုၚ်၊ ပွိုၚ်ဍုၚ်ကျောက်တတာဂှ် ပ္ဍဲဂိတုဖေဖဝ်ဝါရဳ စၟတ်တ္ၚဲ (၂၄) အခိၚ်နူဂယး နူကဵုမၞိဟ်ကၠုၚ်ပ္တိတ်သြန် ပ္ဍဲတိုက်သြန် CB ဂှ် ဒးဒုၚ်ပၠံၚ်ၜးကေတ်ဏာလဝ်သြန် ကိုတ် (၃၀၀၀) ရဂှ် ညးဒေသဂမၠိုၚ် ဟီုကဵုဌာန်ပရိုၚ်သြၚ်လောန်တိုၚ်(မ်)ရ။
မၞိဟ်ဒးဒုၚ်ပၠံၚ်ၜးဏာလဝ်သြန်တအ်ဂှ် ဒှ်မၞိဟ် နူကဵုကမၠောန်ပြၚ်စၠောံသြန်ယုမ်ယှေန်(ယုံရှၚ်း)တအ်တုဲ ပ္တိတ်နၚ်သြန် နူကဵုတိုက်သြန် CB မၞုံပ္ဍဲတာဝါဆာကူရာ အခိၚ်ကလေၚ်စဴဂှ် မၞိဟ်ၜိုတ် (၅)တၠ သီုကဵုၜုန်မြတအ် ပၠံၚ်ၜးကေတ်ဏာလဝ်ရဂှ် ဂွံတီကေတ်ရ။
“ဒှ်ဒၟံၚ်ဗီုကဵု တီဒၟံၚ်အခါန်ပ္တိတ်လှုဲတုဲ ပၠံၚ်ကေတ်ဏာလဝ်ရ။ လှုဲဂှ် စုတ်လဝ်ကဵုထိုၚ်ရိုက်ပဳနာန် (၂)မ ပါအာသီုဖအိုတ်ရ”ဂှ် ညးစုက်လုက်ကဵု ဗၠာဲသၟိၚ်ရးဒေသလဂုၚ်မွဲတၠ ဟီုကဵု ဌာန်ပရိုၚ်သြန်လောန်တိုၚ်(မ်)ရ။
သ္အာၚ်နူဂှ်ပၠန် မၞိဟ်ပၠံၚ်ၜးကေတ်ဏာလဝ်သြန်တအ်ဂှ် ဗျာံလဝ်ၜုန်ကဵု သၟာဒဳကွဳစက် ကေုာံတခဳရုၚ်(ဗြဴ) ပါကၠုၚ်ပ္ဍဲကွဳစက်တအ်ဂှ်တုဲ ပၠံၚ်ကေတ်ဏာလဝ်ရဂှ် ညးဟီုသ္ဂးလဝ်ဏီရ။
ကြဴနူ ဒးဒုၚ်ပၠံၚ်ၜးကေတ်ဏာလဝ်သြန်ဂှ် ဒပ်ကံၚ်ဇြဳပၞာန် ကေုာံဗၠာဲသၟိၚ်တအ် စိုပ်ကၠုၚ်တုဲ ၜိုန်ရစၟဳစၟတ်ဂၠိုက်ဂၠာဲလဝ်ကီုလေဝ် စဵုကဵုအခိၚ်လၟုဟ်ဏံ ရပ်ကေတ်မၞိဟ်ပၠံၚ်ၜးဏာလဝ်တအ် ဟွံဂွံဏီရဂှ် ဂွံတီကေတ်ရ။
ပ္ဍဲဒၞာဲက္တဵုဒှ်လဝ်ပရေၚ်ပရောဂှ် ဒှ်ဒၞာဲ မၞုံဗ္ဒာဲၝောံခန်ဍုၚ်လဂုၚ် ဒပ်ကံၚ်ဇြဳပၞာန် ကေုာံ ဗၠာဲသၟိၚ်တအ် ဖျေံလဝ်ပရေၚ်ဂီုကၠီု ဇြဟတ်ပေၚ်ၚ်ရ။
ပရိုၚ်-သြၚ်လောန်တိုၚ်(မ်)