သဓီု၊ မာတ်ချ် (၂)
သၞေဟ်ကၚ်စၟဳတ်ကံၚ်ဇြဳပၞာန် (၂) မၞုံဒၟံၚ်လ္ပာ်တွဵုရးကရေၚ်ကဵု တွဵုရးမန် နူဒဒန်ဒုမ်တမိ၊ ဂကောံကွာန်ဒူရေန်သုက်၊ ပွိုၚ်ဍုၚ်သဓီု၊ တွဵုရးဍုၚ်မန်ဂှ် အာစိုပ်ဗ္တိုက်လဝ် ကဵုဒရုၚ်ရောၚ် ညးဒုၚ်တာလျိုၚ် PDF ခရိုၚ်သဓီု ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုမာတ်ချ် ပယျာံဂယး ၜိုတ် (၁၁) နာဍဳဂှ် ဂကောံဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA တံ အာစိုပ်ဗ္တိုက်လဝ် သၞေဟ်ကၚ်စၟဳတ်ကံၚ်ဇြဳပၞာန် (၂) နကဵုဒရုၚ်ရ။
ပ္ဍဲပရေၚ်ဗ္တိုက်ကဵုဒရုၚ်ဂှ် မဗုမ်ဂမၠိုၚ် ဒၟါနူဒတုံဗ္တိုဟ်ထ္ကးအာလဝ် ဂတမုက်သၞေဟ်ကၚ်စၟဳတ်ကံၚ်ဇြဳပၞာန်တဝ်ဝ်ဂှ်တုဲ ကောန်ဒပ်ကံၚ်ဇြဳပၞာန်တံ ဇီုကပိုက်ချိုတ်ဂျိုၚ် နွံမာန်တုဲ ဗွဲလစှ်ေဂှ် ဂၠိုက်ဂၠါဲဒၟံၚ်ဖိုဟ်ရောၚ် ညးဒုၚ်တာလျိုၚ် PDF ခရိုၚ်သဓီု ကိုဝ်ဨမေန်ထောန် သ္ဂးရ။
ဟိုတ်နူသၞေဟ်ကၚ်စၟဳတ်ကံၚ်ဇြဳပၞာန်တံ ဒးဒုၚ်ဗ္တိုက်ကဵုဒရုၚ်ဂှ်ရ ဂကောံဒပ်ကံၚ်ဇြဳပၞာန်တံဂှ် ဟီုတဴ ဂၠံၚ်တရဴဒရုၚ်ကၠုၚ်ဂးတုဲ ပန်ပှော်လဝ် လွဟ်ဇၞော်ဂမၠိုၚ် ပ္ဍဲကွာန်ကျုၚ်မုၚ်ရ။
ဟိုတ်နူမကမ်လွဟ်ဇၞော် လ္ပာ်ဒပ်ကံၚ်ဇြဳပၞာန်တံ မပန်ပှော်လဝ်ဂှ်တုဲ ညးဍုၚ်ကွာန်ကောန်အရာပ် ဒၟံၚ်ကွာန်ကျုၚ်မုၚ်တံကဵု သ္ၚိဌာန်ဂမၠိုၚ် ဇီုကပိုက်လီုလာ် နွံ၊ ဟွံမွဲဂှ် နကဵုသြၚ်လောန်တိုၚ်(မ်) ဆက်ဂၠိုက်ဂၠါဲဒၟံၚ်ဖိုဟ်ရ။
သၞေဟ်ကၚ်စၟဳတ်ကံၚ်ဇြဳပၞာန်တံ ဒးဒုၚ်ဗ္တိုက်လဝ် ကဵုဒရုၚ်ဂှ်ရ ဂၠံၚ်ကွဳစက်သဓီု−ဘာအၚ် လလအ်ပွိုၚ်ဘာ်နာဍဳ ဂၠံၚ်ကၟာတ်အာလဝ်ဂှ် ဂွံတီကေတ်ရ။
ပ္ဍဲဂိတုနဝ်ဝေမ်ဗာ (၉) တုဲကၠုၚ်တေံဂှ်လေဝ် သၞေဟ်ကၚ်စၟဳစၟတ်ကံၚ်ဇြဳပၞာန် မၞုံဗ္ဒါဲတိုဝ်ဂိတ် ဂျာပါန်၊ ပွိုၚ်ဍုၚ်သဓီု ဒးဒုၚ်ဗ္တိုက်ကဵုဒရုၚ် ဂြာတ်လဝ်ဗုမ်ဂှ်တုဲ ကောန်ဒပ်ကံၚ်ဇြဳပၞာန် (၁) တၠ ဇီုကပိုက်ကလိဂွံလဝ်ဝပ်ဏီရ။
ပရိုၚ်−သြၚ်လောန်တိုၚ်(မ်)