က္ၜၚ်ကံၚ် – မာတ်ချ်(၃)
နဒဒှ်ကလေၚ်ဗပေၚ်ဇြဟတ် ပရေၚ်ဂီုကၠီုမဟာမိတ် အကြာကၟိန်ဍုၚ်အမေရိကာန် ကေုာံကၟိန်ဍုၚ်(၆)ကၟိန်ဍုၚ်တုဲ ပရေၚ်ပ္ကတ်ပ္ကေၚ်ပၞာန် Cobra Gold ပ္ဍဲဂၠးတိ ဇၞော်အိုတ် ကၟိန်ဍုၚ်ပါလုပ်စုၚ် ကလေၚ်ပံက်ကၠုၚ်ရဂှ် ညးပိုၚ်ပြဳအဝဵုဂမၠိုၚ် ဟီုသ္ဂးလဝ်ရ။
ဒပ်ပၞာန်ဝၚ်နန်သေံ ကေုာံဌာန်ဂအုပ်ပၞာန်ပသိဖုက်အမေရိကာန် အေန်ဒေါတအ် အစဳဇန်ပံၚ်တောဲ ပွိုၚ်ၜါသတ္တာဟ ကေုာံပရေၚ်ပ္ကတ်ပ္ကေၚ်စှ်ေသၠာတ်တအ်ဂှ် သေၚ်္ကာပေါဝ်၊ ဂျပါန်၊ အေန်ဒေါ၊ ကိုဝ်ရဳယျာသၠုၚ်ကျာကေုာံ မလေယှာတအ်ပါလုပ်ရောၚ်ဂှ် ဂွံတီကေတ်ရ။
ပရေၚ်ဆက်ဆောံ အကြာကၟိန်ဍုၚ် ဒုၚ်သ္ဇိုၚ်ကၠောန်ဗဒှ် ၜါကၟိန်ဍုၚ် ၜိုန်ရအကာဲအရာ ကြံၚ်မ္ၚိုဟ်ဒၟံၚ်ကာလဂၠိၚ်သ္ၚောဲကီုလေဝ် ကြဴနူပရေၚ်ပ္ကတ်ပ္ကေၚ်ပၞာန်တုဲဂှ် ကောန်ဒပ်ပၞာန်အမေရိကာန်(၃၈၀၀)ပြၚ်ကေုာံ ကောန်ဒပ်ပၞာန်သေံ(၃၀၀၀)ပြၚ်ပါလုပ်အာရောၚ်။
ကၟိန်ဍုၚ်သေံဂှ် ၜိုန်ရဒှ်အစေန်အဆက် မဟာမိတ်အမေရိကာန်ကီုလေဝ် ကရောံကၟိန်ဍုၚ်ကြုက်လေဝ် အကာဲအရာ ပရေၚ်သၠုၚ်ပ္တိုန်ဒၟံၚ် ပရေၚ်ဂီုကၠီုရ။
သွက်သ္ဇိုၚ်ဝန်(၇၃၉၄)တၠ ပါလုပ်ဒၟံၚ် ပ္ဍဲပရေၚ်ပ္ကတ်ပ္ကေၚ် ဆေၚ်ရာကဵု ပရေၚ်ဂီုကၠီု ကေုာံပရေၚ်အရီုဗၚ်ထံက်ပၚ်ပရေၚ်မၞိဟ်တအ်ဂှ် မိတ်ပွံၚ်ပ္ကတ်ပ္ကေၚ် နူကဵုကၟိန်ဍုၚ် (၂၃)ကၟိန်ဍုၚ်တၞဟ်တအ်၊ ညးလ္ၚတ်တအ်လေဝ် ပါလုပ်ရောၚ်ဂှ် ဂွံတီကေတ်ရ။
“Cobra Gold အခိၚ်တ္ၚဲဏံဂှ် ဒှ်ပရေၚ်ပ္ကတ်ပ္ကေၚ် ပ္တဝ်လဝ်ကဵု အနာဂတ်မွဲဂကူသက်က်ရ။ တၚ်ကော်ချဴ ယှုက်ယှုဲထုဲထံၚ်မွဲ ကၟိန်ဍုၚ်မွဲဓဝ် သောၚ်ကလးဟွံမာန်တအ်ဂှ် ကၟိန်ဍုၚ်နွံဒၟံၚ် ပ္ဍဲအလုမ် မွဲဂၠးကဝ် (၃၀)ကၟိန်ဍုၚ်တအ်ဂှ် ဂၠာဲသွဟ်ပသောၚ်အာ မွဲကရောံ မွဲစွံဏောၚ်။ ပရေၚ်ပံၚ်တောဲရေၚ်တၠုၚ်ဂှ်ရ သွက်ဂွံဆေၚ်မုက် အကြာတၚ်ကော်ချဴပိုဲကီု သီုသွက်ဂွံထိၚ်ဒဝ် ပရေၚ်ဂီုကၠီုဇကုဇကု” ရဂှ် ညးစၞးအမေရိကာန် ယိုက်ဂၠေၚ်ဒၟံၚ်တာလျိုၚ် မၞုံပ္ဍဲဗ္ဒပ်ဖျေံသ္ဇိုၚ်ဍုၚ်သေံဂှ် ဟီုသ္ဂးလဝ်။
စတမ်နူသၞာံ ၁၉၈၂ တုဲ Cobra Gold ဂှ် ရေၚ်တၠုၚ်ကဵုလဝ် ပရေၚ်ပ္ကတ်ပ္ကေၚ်ဒပ်ဍာ် အကြာကၟိန်ဍုၚ်သေံကဵု ကၟိန်ဍုၚ်အမေရိကာန်တုဲ သ္အာၚ်နူကဵု လၟေၚ်ပရေၚ်ကမၠောန် သၠဲလးတအ်ဂှ် ပရေၚ်ပ္ကတ်ပ္ကေၚ်စှ်ေသၠာတ်ကီု ပရေၚ်ပ္ကတ်ပ္ကေၚ် ကဆံၚ်သၞာဲဒဴကောပ်ကာဲတအ်ကီု၊ ပရေၚ်စဵုဒၞာ ဘဲအန္တရာပ်ပရေၚ်စဵုဒၞာကီု သီုကဵုပရေၚ်ပ္ကတ်ပ္ကေၚ် အရီုဗၚ်ထံက်ပၚ်ပရေၚ်မၞိဟ်တအ် ပါလုပ်ဒၟံၚ်ရ။
ပ္ဍဲပရေၚ်ပ္ကတ်ပ္ကေၚ်သၞာံဏံဂှ် နဒဒဒှ်အလန်ပထမကိုပ်ကၠာအိုတ်ဂှ် ပရေၚ်ပ္ကတ်ပ္ကေၚ်စပ်ကဵု အန္တရာယ်အာကာသဒှ်ကၠုၚ်မာန်ဂှ်လေဝ် သွက်ဂွံစုတ်ပၠုပ် နွံဒၟံၚ်ရဂှ် ဂွံတီကေတ်ရ။
ပရေၚ်ပ္ကတ်ပ္ကေၚ် Cobra Gold သေံကေုာံအမေရိကာန်ပံက်ကၠုၚ်လဝ်ဍိုက်က်ပေၚ်ၚ်ဂှ်ကၟိန်ဍုၚ်ကမ္ဘောဒဳယျာ၊ သေံလဴ၊ ဘရာဇြဳ၊ ပါကေဿတာန်၊ ဗဳယာတ်နာမ်၊ ဂျာမနဳ၊ ဇြဳဒေန်၊ ဂရဳ၊ ကူဝုက် ကေုာံသဳရိလၚ်္ကာလတအ် ပါလုပ်နဒဒှ်ကၟိန်ဍုၚ်လ္ၚတ်ရ။
Ref,ABC News