သဓီု၊ မာတ်ချ်(၉)
ပ္ဍဲကွာန်ကျုၚ်မုၚ်၊ ပွိုၚ်ဍုၚ်သဓီု၊ တွဵုရးဍုၚ်မန်ဂှ် ဇီုကပိုက်ဒးလွဟ်ဇၞော်ကံၚ်ဇြဳပၞာန်ပန်ပှ်ောလဝ်ဂှ် ကောန်ၚာ်(၂)တၠဒးချိုတ်အာတုဲ ဂွံလဝ်ဘဲဝပ်(၂)တၠရဂှ် ညးဒေသကီု သီုဂကောံဇြဟတ်ပရေၚ်ပၠန်ဂတးဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ဂိတုမာတ်ချ် စၟတ်တ္ၚဲ(၈) အခိၚ်နူဂယး ၜိုတ်(၆)နာဍဳဂှ် ဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA ကၠုၚ်စိုပ်ဗတိုက်လဝ် တံဒပ်ပၞာန်တိုက် ကံၚ်ဇြဳပၞာန် ဖျေံသ္ဇိုၚ်ပွိုၚ်ဍုၚ်သဓီု ခမရ(၁) ကေုာံတံဒပ်အမၠံက် စၟတ်(၄၀၂) နကဵုဒရုမ်ရ။
ကြဴနူပရေၚ်ပန်ပှော်တုဲဂှ် နူဒပ်ပၞာန်တိုက်ကံၚ်ဇြဳပၞာန် ဖျေံသ္ဇိုၚ်ကွာန်ကျာပါန် ခလရ(၂၄)ဂှ် ပန်ဖျေံနၚ်လွဟ်ဇၞော် ပ္ဍဲကွာန်ကျုၚ်မုၚ်ကြာန်ကြာန်ရ။
မကမ်လွဟ်ဇၞော်ကံၚ်ဇြဳပၞာန် ပန်ဖျေံနၚ်ဂှ် ဟိုတ်နူဒတုံပြဟ်ခတိုဟ်လဝ် ပ္ဍဲကွာန်ကျုၚ်မုၚ်တုဲ ကောန်ၚာ်အာယုက်(၇)သၞာံ ကေုာံ (၁၃)သၞာံ (၂)တၠ ဒးချိုတ်လဝ်တုဲ မၞိဟ်ဗြဴညးဒေသမွဲတၠကီု သီုကောန်ၚာ်တၞဟ်မွဲတၠလေဝ် ဂွံလဝ်ဘဲဝပ်ရ။
ညးဒေသ ဇီုကပိုက်ဒး မကမ်လွဟ်ဇၞော် (၂)တၠတအ်ဂှ် ပလံၚ်ဗစိုပ်ဏာလဝ် ရုၚ်ဂဥုဲ ပွိုၚ်တိုက်ဖလာန် ခရိုၚ်သဓီု ဒပ်မဟာ(၁) ဗော်သွးကောန်ဂကူကရေၚ်ရဂှ် ဂွံတီကေတ်ရ။
ပ္ဍဲပွိုၚ်ဍုၚ်သဓီုဂှ် ကြဴနူဒပ်ပၞာန်သီအဝဵုတုဲ နူကဵုဗ္ဒပ်ဖျေံသ္ဇိုၚ်ကံၚ်ဇြဳပၞာန်တအ် ပန်ဖျေံဒၟံၚ်လွဟ်ဇၞော် ပ္ဍဲကွာန် ခြာဟွံလအ်ဟွံလအ်ဂှ်ရ ညးဒေသ ဟွံအောန်နူ(၅)တၠ ဒးချိုတ်လဝ်တုဲ (၁၅)တၠပြၚ် ဂွံလဝ်ဘဲဝပ်ရ။
ပရိုၚ်-သြၚ်လောန်တိုၚ်(မ်)