လဂုၚ် – မာတ်ချ်(၁၁)
ပ္ဍဲရးလဂုၚ်၊ ပွိုၚ်ဍုၚ်လာမ်မတဝ် ရပ်ဂွံလဝ် ညးကၠောန်ပ္တိတ် သွံတြးဒၟံၚ်ကွာၚ်ကော်ကဳ စုတ်လဝ်ဂဥုဲဘၚ် (၂)တၠရဂှ် ဓမံက်ထ္ၜးလဝ် ပ္ဍဲမဳဒဳယာသၟဝ်တဲကံၚ်ဇြဳပၞာန်ရ။
ဂိတုမာတ်ချ် ပ္ဍဲစၟတ်တ္ၚဲ (၈) တုဲကၠုၚ်တေံဂှ် ကံၚ်ဇြဳပၞာန်ရပ်ကေတ်လဝ် မထေတ်ယျတနာဥူ အာယုက်(၂၄)သၞာံ ဒၟံၚ်ဂၠံၚ် (၁၆) အရာပ်စၟတ်(၇) ဍုၚ်လာမ်မတဝ် ကေုာံ ကိုဝ်ဇြဝ်လေန်နောၚ် အာယုက်(၂၁)သၞာံ ဒၟံၚ်ပ္ဍဲဗဟိုဝ်ဇြဳအုၚ်ယျာ(ဗဟိုစည်အိမ်ယာ) အရာပ်စၟတ်(၁) ပွိုၚ်ဍုၚ်လာမ်မတဝ်တအ်ရ။
ဟိုတ်နူညးတအ် ကၠောန်ပ္တိတ်သွံတြးဒၟံၚ်ကွာၚ်ကော်ကဳ ကၠောန်လဝ်နကဵုဂဥုဲဘၚ် မွဲမ္ဂး အကြာ(၆၀၀၀)ဒ္ကေဝ် စဵုကဵု(၁၀၀၀၀)ဒ္ကေဝ် သွံတြးဒၟံၚ်ပ္ဍဲအောန်လာၚ်ဂှ်ရ ဒးဒုၚ်ရပ်လဝ်ရဂှ် ဂွံတီကေတ်ရ။
အခိၚ်လၟုဟ်ဏံမ္ဂး ကၠောန်ရေၚ်တၠုၚ်ဒၟံၚ် သွက်ဂွံစောဲဂဗုတ်ကုညးတအ်တုဲ ဗီုပြၚ်လဵုကၠောန်ရေၚ်တၠုၚ်အာရောဂှ်မ္ဂး အခေါၚ်ဟီုဂးဟၟဲရဂှ် ညးစုက်လုက်ကဵု ဂကောံဗၠာဲသၟိၚ်ရးလဂုၚ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ကြဴနူဒပ်ပၞာန်သီအဝဵုတုဲ ပ္ဍဲကဵုဘာ ကေုာံနိုက်ကလာပ် မၞုံဍုၚ်လဂုၚ်တအ် ၜိုန်ရသုၚ်စောဲကၠုၚ်ဒၟံၚ် ဂဥုဲၜူမာဲဂကူစုၚ် မံက်က်ဂတဝ်ဂတဝ် နွံဒၟံၚ်ကီုလေဝ် ပရေၚ်ရပ်စပ်ကေတ်အရေဝ် နူလပါ်ကံၚ်ဇြဳပၞာန် ဟၟဲကၠုၚ်တုဲ ညးစုက်လုက်ကဵုဍေံတအ်လေဝ် အာစိုပ်သုၚ်စောဲနွံဒၟံၚ်ရဂှ် ညးစုက်လုက်တအ် ဟီုသ္ဂးလဝ်ရ။
ပရိုၚ်-သြၚ်လောန်တိုၚ်(မ်)