တၚ်ဆကစၠောံသၟာန်သွဟ်လဝ်ကဵု သ္ကိုပ်ဗိုလ်ဇၞော်သဝ်ကျဝ်ညောအ် ညးမၞုံအခေါၚ်ဟီုဂး ဂကောံဒေါံပန်ပှ်ော ၇ ဂကောံ။
ဂကောံရပ်လွဟ်ကောန်ဍုၚ်အရၚ်(EAOS ) ၇ ဂကောံ ထ္ပက်လဝ်စၟတ်တဲဒေါံပန်ပှော် ပ္ဍဲလိက်ကသုက်တၚ်တုပ်စိုတ် (NCA) ဆေၚ်ရာကဵုပရေၚ်ဒေါံပန်ပှော် အလုံမွဲကၟိန်ဍုၚ်ဂှ် ကော်ဘိက်ကၠုၚ် ကဝ်မတဳဓမံက်ရုပ်ရဴပရေၚ်ၜိုဟ်လလံကံၚ်ဇြဳပၞာန်(NSPNC) သွက်ဂွံဆဵုဂဗသဳကၠဳ ပ္ဍဲဂိတုဏံဗွဲပလးရ။ ဟိုတ်ဂှ်ရ အကာဲအရာ ဂွံဒးကော်ဘိက်ကၠုၚ်ကံၚ်ဇြဳပၞာန် သွက်ဂွံဆဵုဂဗသဳကၠဳဗွဲပလးကီု၊ ပ္ဍဲပရေၚ်လစွံစိုတ်ကံၚ်ဇြဳပၞာန်၊ ပရေၚ်ဆဵုဂဗဗွဲပလးတအ်ဂှ် အရာလဵု သွက်ဂွံသဳကၠဳအာနွံရော။ စပ်ကဵုအကာဲအရာဏံတုဲ ဆက်စၠောံလဝ်ကဵု ညးမၞုံအခေါၚ်ဟီုဂး ဂကောံဒေါံပန်ပှော် ၇ ဂကောံ သ္ကိုပ်ဗိုလ်ဇၞော်သဝ်ကျဝ်ညောအ်ရ။
-အလန်ကိုပ်ကၠာအိုတ်ဏံ ဂကောံဒေါံပန်ပှော် ၇ ဂကောံဂှ် ကော်ဘိက်ကၠုၚ် သွက်ဂွံဆဵုဂဗသဳကၠဳကဵု ကံၚ်ဇြဳပၞာန်ဗွဲပလးရဂှ် ဂွံတီကေတ်လဝ်ရ။ မုဟိုတ်ဂွံဒးကော်ဘိက်ကၠုၚ် သွက်ဂွံဆဵုဂဗရော။
ဂကောံပိုဲ ပ္တိတ်ဒၟံၚ်ဇြဟတ် ၇ ဂကောံလၟုဟ်ဏံဂှ် PPST လေဝ် ဟီုစဟွံဂွံပုဟ်။ နူကဵု PPST ပါဒၟံၚ်တြဴဂကောံ နကဵုဂကောံ PPST ထပ်ပံၚ် ပါလုပ်ဒၟံၚ် မွဲဂကောံရ။ အဓိကဂှ်တှ်ေ နကဵု PPST သဳကၠဳလဝ်ဂှ် ဟၟဲပုဟ်။ ဣဏံဂှ် ပိုဲသုၚ်စောဲလဝ် ဂကောံ NCA-EAOs ၇ ဂကောံရ။ ဂကောံ NCA-EAOs ၇ ဂကောံဟီုဂှ်လေဝ် တၟေၚ်ၚ်တၟဟ်ဟ် ဟွံသေၚ်ပုဟ်။ ပြဟ်ဟ်လၟုဟ်ဏံ ပိုဲဟီုဒၟံၚ်ဂှ် ဂကောံရပ်လွဟ်ကောန်ဍုၚ်အရၚ် တိုန်စိုပ်လဝ် ပေါဲသဳကၠဳပရေၚ်ၜိုဟ်လလံ နစက ကော်ဘိက်လဝ် ပိဝါပေၚ်ပေၚ်တအ်ဂှ်ရ။
ပိုဲပ္တိတ်ဇြဟတ်ဟီုဂှ်လေဝ် ပ္တိတ်ဒၟံၚ်ဇြဟတ် သွက်ဂွံဆဵုဂဗသဳကၠဳ ဗွဲပလးမာန်ရ။ Process ပိုဲအာဒၟံၚ်ဂှ် ညံၚ်ဂွံဒှ်ပြေၚ်ရေၚ် သီုၜါလ္ပာ်ဂွံကွာ်ဗက်အာပြေပြံၚ်ဂှ် အခိၚ်ပိုဲဂွံဆဵုဂဗသဳကၠဳ ဒၞာဲဂွံဆဵုဂဗ ပရောပရာတအ်ဒှ်တမ်ရ။ ပ္ဍဲအခိၚ်ကၠာနူဟွံဂွံကၠောန်ပရေၚ်သဳကၠဳ က္ဍိုပ်သ္ကိုပ်က္ဆံၚ်လတူတအ်ဏီဂှ် နူကဵုဂကောံပ္ညဳပ္ညပ်ဗွဲပလးဏံတုဲ ပိုဲဆဵုဂဗအာ ဗွဲပလးဏောၚ်။ ပိုဲကၠောန်အာ ပရေၚ်ပရဟ်ဒုၚ်သဳကၠဳ ဗၠးဗၠးၜးၜး သောၚ်ၚ်ကၠးကၠးဏောၚ်။ တ္ၚဲဗြဲလဵု အခိၚ်အခါလဵု ဒၞာဲလဵုကၠောန်ရော။ မုပရောသဳကၠဳရော ဟီုဂှ် ပိုဲစသဳကၠဳအာ ဗွဲပလးဏောၚ်။ နူကဵုသဘဴပလးပိုဲဂှ် ပြေၚ်ရေၚ် သွက်သီုၜါလ္ပာ် ဂွံပြေပြံၚ်မာန်၊ အရၚ်သီုၜါလပါ်ရလေဝ်။ ညံၚ်ဂွံဒှ်ပြေၚ်ရေၚ် Joint ownership မွဲမာန် အပြေၚ်ရေၚ်သွက်ပိုဲ သီုညးၜါလ္ပာ်ပြေပြံၚ်မာန်မွဲဂှ် ပရဟ်ဒုၚ်တုဲ ပရေၚ်သဳကၠဳ က္ဍိုပ်သ္ကိုပ်က္ဆံၚ်လ္တူပိုဲ သဳကၠဳလုပ်သၞောဝ်ဂှ် ညံၚ်ပိုဲဂွံကၠောန်မာန်ဂှ် ပ္တိတ်ဒၟံၚ်ဇြဟတ်ရ။
ယဝ်ရဒးဟီုခ္ဍန်ထောံတှ်ေ ပရေၚ်ပိုဲကၠောန်သ္ပဒၟံၚ်လၟုဟ်ဂှ် က္ဍိုပ်သ္ကိုပ်က္ဆံၚ်လ္တူပိုဲကဵု နကဵု PPST လေဝ်ဟွံသေၚ်ပုဟ်။ နူကဵုဂကောံသဳကၠဳပ္ညဳပ္ညပ် ဗွဲပလး EAOs ၇ ဂကောံ ဒက်ပ္တန်လဝ် နူကဵုက္ဍိုပ်သ္ကိုပ်ကဆံၚ်လတူပိုဲဂှ် ကဵုဂကောံ NSPNC ပိုဲ ညံၚ်ဂွံဆဵုဂဗသဳကၠဳဗွဲပလးမာန်ဂှ် ပိုဲစပ္တိတ်ဒၟံၚ်ဇြဟတ်ရ။
-ပရေၚ်ကော်ဘိက် ဂကောံဒေါံပန်ပှ်ော ၇ ဂကောံဂှ် နူလ္ပာ်ကံၚ်ဇြဳပၞာန် ဗီုလဵုကဵုနၚ်လဝ်ပရိုၚ် နွံရော။
စိုပ်အခိၚ်ထေက်ကဵုဟီုတှ်ေ ပိုဲဟီုကဵုဏောၚ်။ စနူအခိၚ်လၟုဟ်တုဲ ပိုဲဆက်စၠောံ ပ္ညဳပ္ညပ်ဒၟံၚ်ရ။ ကော်ဘိက်ရ။ သွက်ပရေၚ် ဆဵုဂဗသဳကၠဳဗွဲပလးပိုဲဂွံဒှ်ဂှ် စတမ်နူလ္ပာ်ပိုဲတုဲ ပ္တိတ်ဒၟံၚ်ဇြဟတ်သီုၜါလ္ပာ် နွံဒၟံၚ် ဗွဲခမ္ဍန် ၜိုတ်ဏံရ ဟီုဂွံဏောၚ်ထေၚ်ကေတ်ရ၊
နကဵုပိုဲဗီုပြၚ်လဵုကဵုလဝ်ပရိုၚ်ရော။ ဗီုလဵုလလောၚ်တြးလဝ်ရော မပ္တံကဵုဗီုဏံဂှ်တှ်ေ ဒဵုကဵုကဆံၚ်ဏံဂှ် ဟွံဒှ်ဏီပုဟ်။ ပိုဲဂှ် ဗွဲပလးဟီုတှ်ေ အတိုၚ်ပရေၚ်ဍုက်ကေဝ်ပိုဲ ညံၚ်ဂွံကၠောန်ပရေၚ်ပ္ညဳပ္ညပ်သဘဴပလးဗီုဏံမာန်ဂှ် စတမ်နူကဵု ညးတာလျိုၚ် ထ္ၜးလဝ်တုဲ တအ် ကဆံၚ်ပရေၚ်ပ္တိတ်ဇြဟတ်ရေၚ်တၠုၚ်ဒၟံၚ်ဓဝ်ရ နွံဒၟံၚ်။
-ပေါဲဆဵုဂဗသဳကၠဳဗွဲပလးဏံဂှ် ပ္ဍဲဂိတုမာတ်ချ်ဏံ ဒှ်ကၠုၚ်မာန်ဟာ။ ဗီုလဵုညာတ်ကေတ်ရော။
ဂစာန်ဒၟံၚ်ရ။ ပိုဲစွံလဝ်တၚ်ရန်တၟံ မွဲရ။ ဆဂးဂှ်လေဝ် ဒှ်မာန်ဟာ ဒှ်ဟွံပုဟ်ဟာဂှ်လေဝ် ဗီုဟီုလဝ်တုဲကၠုၚ်ဂှ်ရ အခိၚ်ဒှ်ဒတုဲသီုကဵုၜါလ္ပာ်ဂှ် အခိၚ်ပြေပြံၚ်၊ တုဲတဴကဵုအပြေၚ်ရေၚ် သီုၜါလ္ပာ် ရေၚ်တၠုၚ်ဒ္ဂေတ်ဗက်ၜိုဟ်ဟ်သြိုဟ်ဟ်တုဲ ၜိုတ်ဂိတုမာတ်ချ်ဏံ ဒှ်မာန်ဟာ၊ ဒှ်ဟွံမာန်ပုဟ်ဟာဟီုဂှ် တုဲကဵုပရေၚ်ပ္ညဳပ္ညပ် ပိုဲညးၜါလ္ပာ်ရ။ ပိုဲတအ်ဂှ်တှ်ေ စွံလဝ်တၚ်စၟဳပတှ်ေ မွဲရ။ စွံလဝ် Target မွဲရ။ ညံၚ်ဂွံဒှ်မာန်လေဝ် ပိုဲညးၜါလ္ပာ် သီုညးဖအိုတ်ဂှ် ဂိုတ်ဂစာန် ရေၚ်တၠုၚ်အာဏောၚ်လေဝ်။
-အလန်လကြဴအိုတ်ဏံ ယဝ်ရဒှ်ဆဵုဂဗကဵုကံၚ်ဇြဳပၞာန်တှ်ေ ဂကောံဒေါံပန်ပှော် ၇ ဂကောံတအ် အရာလဵုသွက်ဂွံသဳကၠဳအာ နွံရော။ နကဵု PPST ပိုဲဂှ်တှ်ေ အခက်ခုဲဒးဆဵုဂဗဒၟံၚ် ပ္ဍဲကၟိန်ဍုၚ်ၚ်ပိုဲ လၟုဟ်ဏံ၊ သွက်ဂွံတတ်ကၠောံအာ အကြေပ်ဂြတ်မာန်ဂှ် ညံၚ်ဂွံဒှ်သဳကၠဳပရေၚ်ဍုၚ်ကွာန် ညးဆေၚ်စပ်သီုဖအိုတ် ဂွံပါလုပ်ဂှ်တှ်ေ ဒှ်ပရေၚ်ပရောပိုဲသဳကၠဳအာ အဓိကရ။ ဣဏံဂှ် ဒှ်ပရေၚ်လ္ပာ် PPST မိက်ဂွံဟီုဂးရ။ ဆ္ဂးဂှ်လေဝ် အပြေၚ်ရေၚ်ပိုဲအာဒၟံၚ်လၟုဟ်ဏံဂှ် အတိုၚ်ပိုဲမိက်ဂွံဒှ်လေဝ် ဟွံသေၚ်ရ။ ပ္ဍဲကဵုပရော ပိုဲမိက်ဂွံသဳကၠဳမွဲလ္ပာ်ဂှ်ရ ညံၚ်ဂွံဒှ်ပရောပရာမွဲလ္ပာ်တေံဂွံသဳကၠဳပြေပြံၚ်ဂှ် ပိုဲပ္ဍဲကဵုပေါဲဆဵုဂဗသဳကၠဳဗွဲပလးဂှ် ပရောလဵု သဳကၠဳမာန်ရော၊ ပရောလဵုဒှ်သဳကၠဳရောဟီုဂှ် မ္ၚးနူအဲမွဲဓဝ်ဟီုဂှ်တှ်ေလေဝ်။ နူကဵုဂကောံပ္ညဳပ္ညပ်ဆဵုသဳကၠဳဗွဲပလးပိုဲဂှ် ဒှ်သဳကၠဳပရေၚ်ပရောပြေပြံၚ် သွက်သီုညးၜါလ္ပာ်ဏောၚ်ဂှ် အတိုၚ်မူတှ်ေ ကၠိုဟ်ကေတ်လဝ်ဗီုဏံရ။