လံၚ်လုၚ်၊ မာတ်ချ် (၁၁)
ပ္ဍဲဂိတုမာတ်ချ် (၁၀) အခိၚ်နူဂယးဂှ် ဟိုတ်နူဒပ်ကံၚ်ဇြဳပၞာန် လုပ်စိုပ်စံၚ်လဝ်ကွာန်ပညေတ်၊ ပွိုၚ်ဍုၚ်လံၚ်လုၚ်၊ ရးဒေသဇၞော်တၞၚ်သဳဂှ်ရ အလုံကွာန်မွဲ ဒးဂြိပ်ဒဴဒၟံၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကရောၚ်ပၞာန်ကံၚ်ဇြဳပၞာန် ဇြဟတ်ဒပ် (၆၀) ပြၚ်ပါဂှ်ဝွံ တ္ၚဲဏံ ၜိုတ်အခိၚ်နူဂယး ၇ နာဍဳ ကြဴနူလုပ်စိုပ်ကၠုၚ် ကွာန်ကယျေန်ကျဳ၊ ပွိုၚ်ဍုၚ်လံၚ်လုၚ်တုဲဂှ် ဟိုတ်ဟွံမွဲမွဲသာ် စံၚ်ပလီုလဝ် သ္ၚိဒၟံၚ်ညးဒေသတံရ။
ဟိုတ်နူဒပ်ကံၚ်ဇြဳပၞာန် စံၚ်လဝ်ဂှ်ရ ပြဟ်ဟ်ဏံ သ္ၚိဒၟံၚ်ညးဒေသ ဟွံအောန်နူကဵု (၃) မ ပၟတ်တူလီုလာ်အာလဝ်တုဲ ပၟတ်ဆက်တူဒၟံၚ်ဂှ် ဂွံတီကေတ်ရ။
ဒပ်ကံၚ်ဇြဳပၞာန် မစံၚ်လဝ်ကွာန်ပညေတ် ဟိုတ်နူဆက်နွံဒၟံၚ် ပ္ဍဲကွာန်ဂှ်ရ ညးဒေသ ၇၀၀ ပြၚ်ဝွံ ဒးဂြိပ်ဒဴဒၟံၚ် ပ္ဍဲကဵုကွာန်မစုက်တံကဵု ဒၞါဲဗၠးဘဲဒဵုဂြိုပ်တံရောၚ်ဂှ် သ္ဂးရ။
ပ္ဍဲဂိတုမာတ်ချ် (၈) တုဲကၠုၚ်တေံဂှ်လေဝ် ကရောၚ်ပၞာန်ကံၚ်ဇြဳပၞာန်ဝွံ ဟိုတ်နူစံၚ်ပလီုပလာ်လဝ် ကွာန်ကယျေန်ကျဳဂှ်ရ သ္ၚိဒၟံၚ် ဟွံအောန်နူကဵု ၅ မ ပၟတ်တူလီုလာ်အာလဝ်ရ။
ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် အပ္ဍဲပွိုၚ်ဍုၚ်လံၚ်လုၚ်ဂှ်ဝွံ ဂေတ်ကွာန်တုဲ ဟိုတ်နူဗက်စံၚ်ဒၟံၚ်ဂှ်ရ ညးဒေသ ဂၠိုၚ်ကဵုလ္ၚီ နူကဵုကွာန် ၜိုတ် ၇ ကွာန် သီုကဵုပါလုပ် ကွာန်ကယျေန်ကျဳ၊ တေန်ဗဝ်သုက်၊ ကာန်ပနဳ၊ ကျံက်ဇြေန်တံ ဒးဂြိပ်ဒဴဒၟံၚ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)