တၚ်ဆက်စၠောံသၟာန်သွဟ်လဝ်ကဵု ညးသ္ၚဳဂၠိပ်ပါ်ပါဲပရေၚ်ဍုၚ်ကွာန် ဒံက်တာသိုၚ်ကျဳဇြေန်သဵု။
ဗော်ပရၚ်ေဍုၚ်ကွာန် ပတိုန်လဝ်စရၚ်အခေါၚ်ဒက်ပ္တန်ဗော် ကေုာံဂရၚ်အာတ်လဝ်အခေါၚ်စၟတ်သမ္တီ ပ္ဍဲကဝ်မယှေန်ပေါဲရုဲမာဲကၟိန်ဍုၚ် ကံၚ်ဇြဳပၞာန်ဂှ် (၁၉) ဗော်နွံကၠုၚ်ဒၟံၚ်တုဲ ပ္ဍဲကဵုဂှ် ဗော်စန္ဒက်အလုံမွဲကၟိန်ဍုၚ် (၅)ဗော်ကီု သီုဗော်စန္ဒက် ပ္ဍဲမွဲရးဒေသဇၞော် ဟွံသေၚ်မ္ဂး ပ္ဍဲမွဲတွဵုရးမွဲမွဲဂှ် ပါလုပ် (၁၄)ဗော်ရ။ ဟိုတ်ဂှ်ရ ပ္ဍဲလတူဂရၚ်အာတ်လဝ်အခေါၚ် နဒဒှ်ဗော်ပရေၚ်ဍုၚ်ကွာန် ဇရေၚ်ကံၚ်ဇြဳပၞာန်ဂှ် သာ်လဵုညာတ်ကေတ်ရော။ ပရေၚ်ဂရၚ်အာတ်လဝ်အခေါၚ် နဒဒှ်ဗော်ပရေၚ်ဍုၚ်ကွာန်ဂှ် ဒှ်ပၞော်ပရေၚ်ဍုၚ်ကွာန်ကံၚ်ဇြဳပၞာန်ဂွံတိတ်ဟာ။ အပြေၚ်ရေၚ် ပရေၚ်ဍုၚ်ကွာန်ဗၟာ ဗီုပြၚ်လဵု ဆက်က္တဵုဒှ်ကၠုၚ်မာန်ရော။ စပ်ကဵုအကာဲအရာဏံတုဲ ဆက်စၠောံ သၟာန်သွဟ်လဝ်ကဵု ညးသ္ၚဳဂၠိပ်ပါ်ပါဲပရေၚ်ဍုၚ်ကွာန် သိုၚ်ကျဳဇြေန်သဵုရ။
-အလန်ကၠာအိုတ်ဏံ ပ္ဍဲလ္တူဂရၚ်အာတ်လဝ် နဒဒှ်ဗော်ပရေၚ်ဍုၚ်ကွာန် ပ္ဍဲကံၚ်ဇြဳပၞာန်ဂှ် ဗီုလဵုညာတ်ကေတ်ရော။ ဗော်တအ်ဏံရော နဒဒှ်ဗော်ပရေၚ်ဍုၚ်ကွာန်ဇြဟတ်ဇၞော်မွဲ ဒတူလာၚ်မာန်ဟာ၊ ပ္ဍဲလ္တူဏံ ပါ်ပါဲကဵုညိ။
တၚ်ကဵုလဝ်နကဵု အရာပျးဌာန်လဝ်ဂှ်ရ။ အကာဲအရာဒှ်ဒၟံၚ်လၟုဟ်တှ်ေ အတိုၚ်တၚ်ပျးဌာန်ဍေံဂှ်တှ်ေ ဒှ်ဟွံမာန်ပုဟ် ဟီုမာန်ရ။ ဒှ်ဟွံမာန်ပုဟ်ဟီုဂှ် နူတံတေံဗော်ပရေၚ်ဍုၚ်ကွာန် ဇြဟတ်ဇၞော်ဟီုဂှ် ပ္ဍဲကၟိန်ဍုၚ်ဗၟာဏံ အောန်လောန်ဒၟံၚ်ရ။ နှေန်ဇြဳတအ် မုတအ်ဂှ်လေဝ် လၟုဟ်ဏံဟၟဲရ။ NLD ဂှ်လေဝ် အတိုၚ်ပိုဲဆဵုဒၟံၚ်လၟုဟ်ဏံ စနူကဵု CEC တအ်ဒှ်တံ ဒကးပရးကၠုၚ်အိုတ်ယျ။ အကြာဇကုကဵုဇကု စတမ်နူပရေၚ်ကယျာန်ဓဝါတ်တအ် ဒှ်ကၠုၚ်အိုတ်ရ။ နကဵုဗော်ဇၞော်ဇၞော်ဗီုဏံ ဂွံဒတူလာၚ်မာန်ဂှ် အခိၚ်ဏံ ဂွံက္လေၚ်ပတူပတိုန်ဂှ် ဝါတ်ဂါတ်ဒၟံၚ်ရ။ ဗီုကဵုဗော်ဥူကိုဝ်ကိုဝ်ဂျဳတအ် ချပ်လဝ်ဂှ်ရ။ သှ်ေနူဂှ် ဗော်လစွံစိုတ်တုပ်မံၚ်၊ ပံၚ်ဂွံမာန်တအ်ဂှ် ပတိုန်စရၚ်စၟတ်သမ္တီဟာဟီုဂှ် နွံမွဲနဲမာန်ရ။ ဟွံသေၚ်တှ်ေ ပ္ဍဲကဵုဒေသဆေၚ်စပ်ကဵုဇကုဂှ်ရ ပ္ဍဲကဵုရးဒေသဇၞော်၊ တွဵုရးတအ်ဂှ်ရ ဗော်ဂစာန်ကၠုၚ် သွက်ဂွံသ္ပစၞး မံက်တိတ်ကၠုၚ်မာန်ဟာ၊ နွံမာန်ရ။ တုဲမွဲပၠန်ဂှ် ပေါဲရုဲမာဲဂတဏံဂှ် ဒစဵုဒစးအာပေၚ်ၚ်ဟာဟီုဂှ် ပရေၚ်ချပ်စန်စာနွံရ။ သွက်ဂွံညာတ်ကေတ်ဗီုပြၚ်ဏံ နွံရ။ တုဲမွဲပၠန်ဂှ် ဗီုညးတအ်ဟီုဂှ်ရ အရာUEC ပျးဌာန်ကၠုၚ်ဗီုဏံ နူကၠၚ်ဏံဂှ်ရ။ အတိုၚ်ဒဳမဝ်ကရေဇြဳဗော်ဇဳတှ်ေ လတူနူဟီုဂးဒၟံၚ် ညံၚ်အလဵုအသဳကိတ်ညဳကဵု ပၟိက်ဆန္ဒညးဍုၚ်ကွာန် ဇေတ်တ် ဂွံမံက်တိုန်ကၠုၚ်ဂှ် ပ္ဍဲလ္ပာ် USDP ဍေံတအ်နွံဒၟံၚ်တုဲတုဲ ဒက်ပ္တန်လဝ်ခိုၚ်ၚ်တုဲဂှ် ဒေါံဟွံဂွံသွက်ဂွံအုပ်ဓလီု သာတုဲ ညံၚ်ဂွံဂွံလ္ပာ်သာဂှ် ချပ်တုဲ ဒှ်ဒၟံၚ်ညံၚ်ကဵုကၠောန်ဓမံက်ဒၟံၚ်ရုပ်ရဴရ ဟီုဂှ် ဟီုတးပါဲဟွံဂွံရ။ ဣဏံဂှ် ညာတ်ကၠးဒၟံၚ်ရ။ အကာဲအရာလၟုဟ်ဏံတှ်ေ ဒၟာနူဒှ်ဒၟံၚ်အကာဲအရာဏံဂှ်ရ ယဝ်ရက္လေၚ်ရံၚ်အာ တၚ်သၟာန်နူကၠၚ်ဏံတှ်ေ ပေါဲရုဲမာဲကၠုၚ်စိုပ်ဂတဏံဂှ် ဍေံတအ်ရမာန်ဏောၚ်။ ဟွံမာန်ညံၚ်ဂွံမာန်ဂှ် ကၠောန်ဏောၚ်ညာတ်ကေတ်ရ။ အတိုၚ်ဗီုပြၚ်ကၠောန်လဝ် သၞာံ ၂၀၁၀တေံရ USDP ဍေံတအ်ရ ဇၞးကေတ်မာဲ သီုဖအိုတ်တုဲ ဒှ်ဗီုပြၚ်ကၠောန်အာဏောၚ်ဂှ်ဟီုဂးမာန်ရ။
-ပရေၚ်အာတ်ဂရၚ်ပ္တီလဝ် နဒဒှ်ဗော်ပရေၚ်ဍုၚ်ကွာန်ဂှ် ကဵုဒၟံၚ်ကံၚ်ဇြဳပၞာန် ပၞော်တိတ်ပရေၚ်ဍုၚ်ကွာန်ဟာ၊ အပြေၚ်ရေၚ်ပရေၚ်ဍုၚ်ကွာန်ကၟိန်ဍုၚ်ဗၟာ ဗီုပြၚ်လဵု ဆက်ဒှ်ကၠုၚ်မာန်ရော။
ဣဏံဂှ် ဒှ်ဒၟံၚ်ဗီုကဵုခၟာဲစာၚ်ကဵု စာၚ်ၝောံရ။ ပြသၞာပထမဂှ် ဒှ်ဝၚ်ဍေံရ။ ၂၀၀၈ လုပ်ကၠုၚ်တၟိရ။ နူကဵု ၂၀၁၀တုဲစဵုကဵု ၂၀၂၀ဂှ် မ ၂၀၀၈ ဏံ ညံၚ်ပလေဝ်ဟွံဂွံဂှ် သ္ကေံရပ်လဝ်ရ။ ပရေၚ်ချူဓဇက်၊ ပရေၚ်ပျးဌာန် ညံၚ်ကလေၚ်ပလေဝ်ဟွံဂွံဂှ် သ္ကေံဇြာပ်လဝ်ရ။ ပရေၚ်ချူဓဇက်လဝ် ပ္ဍဲဂှ်၊ ပရေၚ်ပျးဌာန်လဝ်တအ်ဂှ် ညံၚ်ကလေၚ်ပလေဝ်ဟွံဂွံ ပျးဌာန်လဝ်ရ။ သၟဝ် ၂၀၀၈ ဂှ် ဂွံကလေၚ်ပလေဝ် ၂၀၀၈ ဂှ် ဒုၚ်တဲဟာ။ အရာဒးချု နွံကၠုၚ်ရ။ တၚ်ပျးဌာန် အခေါၚ်ကၠောန်ကဵုလဝ် ပ္ဍဲ ၂၀၀၈ ဂှ် နွံဒၟံၚ်ရ။ ဂၠိုၚ်ၚ်ဂှ် ဟွံသေၚ်။ ကဵုလဝ်ဗီုဏံဂှ်လေဝ် နွံရ။ ပ္ဍဲကဵုဗွိုၚ်တၚ်ပျးဌာန်ဂှ်လေဝ် ညံၚ်ဂွံဒှ်ဒတုဲဖိုလ်ကဵုကဆံၚ်မၞိဟ်ဇကုဇကုဂှ် ရေၚ်တၠုၚ်ပ္တိတ်ဇြဟတ်ဟာဂှ် သွက်ဂွံဒးချပ်နွံမွဲရ။ တုဲတှ်ေ သၞောဝ်သ္ဇိုၚ်ဒက်ပ္တန် ၂၀၀၈ ဂှ် ဟွံဒှ်ကမၠောန်လးလးရပုဟ်။ ဟီုတှ်ေ အဇာဂှ် မံက်တိုန်ကၠုၚ်မွဲတုဲ ရိုဟ်ပလီုထောံ ၂၀၀၈ တုဲ ဗီုကဵုမၞိဟ်လ္ပာ်ပရေၚ်ပၠန်ဂတးတအ် ချပ်လဝ်ဂှ်ရ။
Federal Charter မံက်ကၠုၚ်ရ။ သွက် Federal Constitution ကာလအကြာ ဂွံမံက်တိုန်ကၠုၚ်ကၠုၚ်ဟီုဂှ် ချပ်တုဲကၠောန်ဟာ ဂးတုဲ ကၠောန်ကၠုၚ်ဒၟံၚ်နွံရ။ လၟုဟ် ယဝ်ရံၚ်အာဗွဲယျေဘုယျဏောၚ်တှ်ေ ဒှ်ဒၟံၚ်သဘဴဒစဵုဒစးရ။ မွဲလ္ပာ်ပၠန်လေဝ် ပျးဌာန်လဝ် ညံၚ်ဂွံကလေၚ်ပလေဝ် ဝါတ်ဂါတ်ကီု မၚ်မွဲသစ္စလ္တူ ၂၀၀၈ ဂှ် ဒးစဵုဒၞာရ။ ယဝ်ရ ၂၀၀၈ ဏံဟၟဲတှ်ေ ကၟိန်ဍုၚ်ဏံလီုအာဏောၚ် ဗီုဏံ ဒပ်ပၞာန် ပတှ်ေစှ်ေလဝ်စိုတ် နွံဒၟံၚ်ရ။ ဟိုတ်ဂှ်ရ ယဝ်ရဒပ်ပၞာန်ဒစဵုဒစးကဵု ၂၀၀၈ ဏောၚ်တှ်ေ ဣဏံဂှ် စၟတ်သမ္တီလဝ် သပုန်ကဵုကၟိန်ဍုၚ်တုဲ နကဵုတၚ်ထ္ၜးဟိုတ်ဗတိုက်သရိုဟ်ပရေၚ်ပ္ကီုပရာပ်ဂးတုဲ တၚ်ဒုၚ်ဂိုၚ်ကေတ်လဝ် ဒးဗတိုက်သရိုဟ်အာ ပရေၚ်ဒစဵုဒစးကဵု ၂၀၀၈ ဏံဂှ် နွံဒၟံၚ်ရ။ တၚ်ဒုၚ်ဂိုၚ်ကေတ်လဝ် နွံရ။ ပ္ဍဲကဵုအကြာၜါဏံဂှ် ဗီုပြၚ်လဵုဂွံကလေၚ်ပလေဝ် ၂၀၀၈ ဟီုဂှ် ဟွံမိက်ဟီုရပုဟ် အဲထေၚ်ကေတ်ရ။ ဣဏံဂှ် ဒှ်ဒၟံၚ် ဗဒါမွဲဂၠံၚ်၊ ပသဲမွဲဂၠံၚ် အာဒၟံၚ်အတိုၚ်ဏံပၠန်ရ။ ပရေၚ်ဒစဵုဒစး ပရေၚ်ဗတိုက်မွဲလ္ပာ်ကဵု မွဲလ္ပာ်ဂှ် ဆက်နွံဒၟံၚ်ပၠန်ဏောၚ်။ ပ္ဍဲအကာဲအရာဏံဂှ် ယဝ်ရပါလုပ် ပ္ဍဲပေါဲရုဲမာဲကၠောန်ဗဒှ်လဝ်ကဵု တၚ်ပျးဌာန် ၂၀၀၈ဏောၚ်တှ်ေ လ္ပာ်ဟွံမိက်ကဵု ၂၀၀၈ ဏံဟၟဲလးလး ဂကောံဇြဟတ်ပၠန်ဂတးတအ်ဂှ် မၞိဟ်က္လေၚ်ပါလုပ် ပ္ဍဲသၟဝ်က္ဍိုပ်ဏံဂှ် ကလေၚ်ပါလုပ် ပ္ဍဲဝၚ် ၂၀၁၀ ကလေၚ်ပါဗီုဏံ ယဝ်ရကၠောန်တှ်ေ ခိုဟ်ရ။
ဟိုတ်ဂှ်ရ ပၠန်ဂတးဏံဂှ် သစ္စဟၟဲ လ္တူပရေၚ်ကၟိန်ဍုၚ်တၟိဂွံမံက်ဂတဝ်တိုန်ဂှ်ရ။ ဆက်ညာတ်ကေတ်ဒၟံၚ်နဒဒှ်မၞိဟ်ဖံက်သစ္စပၠန်ဏောၚ်ရ။ ဟိုတ်ဂှ် ပရေၚ်ဗတိုကဖ္အောဝ်တအ်ဂှ် ပ္ဍဲကဵုပိုဲလၟုဟ် ဂွံညာတ်ကေတ်ကၠးကၠးဂှ် ဗော်ညးဍုၚ်ကွာန်ဒးပလေဝ်ဏောၚ်။ ဟွံဒးစိုတ်ပုဟ်ဟီုလဝ် နွံရ။ ဆ္ဂးဂှ် ပရေၚ်ပလေဝ်ပလေတ် သွက်ပေါဲရုဲမာဲကၠောန်လဝ်ကဵု ၂၀၀၈ တအ်၊ ပရေၚ်ဒက်ပ္တန်တအ် ဍေံတအ်ကၠောန်ဒၟံၚ်ရ။ အလဵုဍေံတအ်လေဝ် ပ္ဍဲကဵုအရေဝ်ဥူကိုဝ်ကိုဝ်ဂျဳ ဟီုလဝ်ပါဒၟံၚ်ဂှ် ပေါဲရုဲမာဲကၠုၚ်စိုပ်လၟုဟ်ဏံဂှ် ဒှ်သွဟ် ပရေၚ်ဍုၚ်ကွာန်ဟွံသေၚ်ပုဟ်။ ဆ္ဂးဂှ် ဒှ်ဂၠံၚ်တရဴ သွက်ဂွံဂၠာဲသွဟ်ဏံမာန်မွဲဏောၚ် ဟီုဂှ် ဂွံညာတ်ကေတ်လညာတ်ညးပ္ဍဲအေန်တာဗျူရ။
လညာတ်ဏံလေဝ် ပြသၞာနွံမံၚ်ဂှ် နူသၞာံ ၂၀၁၀ တေံလေဝ် အတိုၚ်ဏံရ ဒစဵုဒစးကၠုၚ်လဝ်ကဵု ၂၀၀၈ ရ။ ပ္ဍဲပေါဲရုဲမာဲအကြာ သၞာံ၂၀၁၂ ဂှ် အခိၚ်ဒဝ်သုကလေၚ်စိုပ်ကၠုၚ်ဂှ် လညာတ်ဒဝ်သု ဒှ်ကၠုၚ်အတိုၚ်ဂှ်ရ။ လကြဴအိုတ်ဏံ ညးဟွံထံက်ဂလာန် ၂၀၀၈ ပုဟ်။ အခိၚ်ကလေၚ်လုပ်ကၠုၚ်ဂှ် မၚ်မွဲစဵုဒၞာအာ ၂၀၀၈ ဏောၚ်ဂးတုဲ ယဵုလဝ်ဗ္စာတုဲ ညးတအ်ဒးလုပ်လဝ် ပ္ဍဲကၠတ်ထဝ်ဏောၚ်ဟီုတှ်ေ ကလေၚ်လုပ်အာသၟဝ်၂၀၀၈ တုဲ ဝၚ်ကလေၚ်ပလေဝ် ၂၀၀၈ ဂှ် ဟွံအံၚ်ဇၞးကၠုၚ်လဝ်ရ၊ ဆ္ဂးဂှ် အခိၚ်လၟုဟ်ဏံ မၞိဟ်မိက်ဂွံထပ်ပ္တိတ်စမ်ဒၟံၚ် ဇြဟတ်ဂၠံၚ်တရဴဟွံအံၚ်ဇၞးဏံ နွံဒၟံၚ်ဏီရ။ မၞိဟ်နွံဒၟံၚ်တအ်ဂှ်လေဝ် မွဲလ္ပာ်ဂှ်တၚ်ပတှ်ေလတူ ၂၀၀၈ ဂှ် ညိဟၟဲလးလးရ။ ကဵုဂကောံဇြဟတ်ပရေၚ်ပၠန်ဂတးပတှ်ေကေတ်လဝ် ညံၚ်သၞောဝ်သ္ဇိုၚ်ဒက်ပ္တန်တၟိဂွံဒှ်ကၠုၚ်တအ်ဂှ် ဒှ်ဒၟံၚ်ဗီုပြၚ်သၞရ ဒှ်ဒၟံၚ်အဓိပ္ပါဲဏံဏောၚ် ဂွံဆဵုကေတ်ရ။ အရာဏံဂှ် ပိုဲတအ် လ္တူနူညးဂှ်ဒး၊ ဗၠေတ်ဟီုဂှ် ပြသၞာဒှ်ဒၟံၚ်အဓိကဂှ် အတိုၚ်သၞောဝ်သ္ဇိုၚ်ဒက်ပပ္တန်၂၀၀၈ဂှ် ဒှ်သၞောဝ်သ္ဇိုၚ်ဒက်ပ္တန်ကိတ်ညဳကဵုပၟိက်ဆန္ဒညးဍုၚ်ကွာန်ဟွံသေၚ်ပုဟ်ဂှ် ညံၚ်ပိုဲဂွံကၠိုဟ်တီကၠုၚ်၊ တၚ်ပၟိက်ဆန္ဒညးဍုၚ်ကွာန်ဂှ် ဓမံက်ရုပ်ရဴ နကဵု ၂၀၀၈ ဂွံမာန်၊ ဟွံမာန်။ သွက်ဂွံဓမံက်ရုပ်ရဴဂှ် နူလ္ပာ်ဒပ်ပၞာန် ပရေၚ်ယှအ်ဖျေံကဵု၊ ဗက်ကဵုအလိုက်တအ်ဂှ် ဗီုပြၚ်ဇဳ နွံဒၟံၚ်ရ။ ညးဒေသကောန်ဍုၚ်အရၚ်ဂကူစုၚ်နွံဏောၚ်။ ပရေၚ်ပတေၚ်ယှအ်ကိတ်ညဳကဵုကောန်ဂကူကောန်ဍုၚ်အရၚ်ဗီုဏံဂှ် ၜိုတ်ဂလိုၚ်လဵုပ္ညဳပ္ညပ်ကၠောန်ရေၚ်တၠုၚ်မာန်ရော သွဟ်နွံပ္ဍဲလ္တူဏံဏောၚ်။ ပေါဲရုဲမာဲကၠုၚ်စိုပ်ဏံဂှ် သွဟ်ပရေၚ်ဍုၚ်ဗၟာတိတ်ကၠုၚ်ဟွံသေၚ်ပုဟ်။ သွဟ်ပေါဲရုဲမာဲဂှ် တိတ်ကၠုၚ်ဟွံသေၚ်ပုဟ်။ သာတုဲ ပရေၚ်ဒစဵုဒစး ကြံၚ်မ္ၚိုဟ်မွဲလ္ပာ်ကဵုမွဲလ္ပာ် သွက်ဂွံဒှ်ကၠုၚ်နွံဏောၚ် ညာတ်ကေတ်ရ။
-အလန်လကြဴအိုတ်ဏံ သၞာံဂတဏံ ကံၚ်ဇြဳပၞာန်ကံက်ကေတ်စရၚ်သ္ဂာဗ္တံ အလုံကၟိန်ဍုၚ်ဏောၚ်ဂှ် ဟီုဂးကၠုၚ်ဂွံညာတ်ကေတ်ရ။ ဟိုတ်ဂှ်ရ ပ္ဍဲသၞာံဏံသွက်ပေါဲရုဲမာဲဂွံဒှ်ကၠုၚ်နွံဒၟံၚ်ဏီဟာ။ ဗီုလဵုညာတ်ကေတ်ရော။
တၚ်လလောၚ်တြး ဍေံတအ်ပ္တိတ်လဝ်လၟုဟ်ဏံကီု၊ တုဲပၠန် ကဵုအရာဍေံတအ်ရေၚ်တၠုၚ်ဒၟံၚ်ဂှ်ဏောၚ်ဟီုတှ်ေ ဗီုဍေံတအ်ချပ်လဝ်ဂှ်တှ်ေ လၟုဟ် ထပ်ဂလိုၚ်ပ္တိုန်အာယုက် (၆)ဂိတုရ။ ပ္ဍဲအခိၚ်ဂလိုၚ်ပ္တိုန်ဂှ် ကၠောန်ပေါဲရုဲမာဲဏောၚ် ဗီုပြၚ်ဍေံတအ်ချပ်လဝ်နွံ။ စေဝ်ပၞောန်၊ တၚ်ဒးဒ္ဂေတ်ဗက်ဆေၚ်စပ်ကဵုပေါဲရုဲမာဲတအ်ဂှ် ပရေၚ် UEC ကလေၚ်တုဲ ဓမံက်ကၠုၚ်ရုပ်ရဴဂှ်နွံဒၟံၚ်ရ။ လလောၚ်တြးကၠုၚ်ကိစ္စပတိုန်စရၚ်စၟတ်သမ္တီနွံရ။ ဗီုပြၚ်ဍေံတအ်ချပ်လဝ်ဂှ်တှ်ေ လၟုဟ်ဏံ ဂလိုၚ်ပတိုန်အာယုက် (၆)ဂိတုဏောၚ်၊ ကၠောန်ပေါဲရုဲမာဲဏောၚ်၊ အလဵုအသဳမွဲတန် ဒှ်ကၠုၚ်ဏောၚ်။ အလဵုအသဳဂှ်မံက်တိုန်ကၠုၚ်တုဲတှ်ေ ကိစ္စသှ်ေနူဏံ အလဵုအသဳလဵုတိုန်န်ပ္ဍဲကဵုဂၠံၚ်တရဴကၟိန်ဍုၚ်ဗၟာအာဒၟံၚ်လၟုဟ်ဏံ ဒးကၠောန်ဗက်အာအတိုၚ်လၟေၚ်ကမၠောန်ဏောၚ်ဂှ် ဗီုပြၚ်ချပ်လဝ်နွံရ။ ဆ္ဂးဂှ် ပ္ဍဲကဵုသၟဝ်ဂလာန်မ္ဂး အကာဲအရာသာမညဟွံသေၚ်ပုဟ်ဂှ် ဟိုတ်နူဒှ်အကာဲအရာသာမညဟွံသေၚ်တုဲ ကၠောန်ဗဒှ်ပေါဲရုဲမာဲဟွံဂွံပုဟ်ဂးတုဲ ယဝ်ရဒှ်အာတှ်ေ နကဵုဍေံတအ် ညံၚ်ဂွံကလေၚ်ဒှ်အကာဲအရာပကတိပၠန် ညံၚ်ဂွံညိၚ်ဝတ်ကၠုၚ်ဂှ် သွက်ဂွံကၠောန်ဂှ် နကဵုကဵုဒပ်ပၞာန်ဍေံတအ် တာလျိုၚ်နွံဒၟံၚ်ဏောၚ်ဂှ် နူတမ်တေံ ဗီုပြၚ်ဒုၚ်ဂိုၚ်ကေတ်လဝ်နွံရ။
တုဲပၠန် သွက်ဂွံမၚ်မွဲထိၚ်ဒဝ် သၞောဝ်သ္ဇိုၚ်ဒက်ပ္တန် ၂၀၀၈ နွံပ္ဍဲဍုၚ်ဗၟာဂှ် တာလျိုၚ်နွံဒၟံၚ်ပ္ဍဲဒပ်ပၞာန်ဏောၚ်ဂှ် ဒုၚ်ဂိုၚ်ကေတ်လဝ်ရ။ ဟိုတ်ဂှ်ရ ညံၚ် ၂၀၀၈ ဏံဟွံဂွံလီုလာ်အာ တုဲတှ်ေ ညံၚ်ဂွံစိုပ်အကာဲအရာပကတိဂှ် နူကဵုဒပ်ပၞာန်ဒးပ္တိတ်ဇြဟတ်ကၠောန်ရေၚ်တၠုၚ်အာပၠန်ဏောၚ်ဂှ် နကဵုဍေံဟွံဒှ်ညံၚ်ဂွံဒှ် ဍေံဓမံက်အာရုပ်ရဴဏောၚ်။ ဟီုတှ်ေ ဂၠံၚ်တရဴနူတမ်တေံဂှ် ကၠောန်ပေါဲရုဲမာဲဏောၚ်၊ အလဵုအသဳမံက်တိုန်ဏောၚ်၊ ယဝ်ရမံက်တိုန်ကၠုၚ်တှ်ေ ပရေၚ်ရေၚ်တၠုၚ်သွက်ညးဍုၚ်ကွာန် သီုပရေၚ်ကံက်ကေတ်စရၚ်သ္ဂာဗ္တံကီု အရာဒက်ပ္တန်ညံၚ်ယန္တရာပရေၚ်အုပ်ဓုပ်ဂွံခိုန်ဗိုန်ကီု၊ ပရေၚ်ပြုပြေၚ်ပြံၚ်သၠာဲကီု ကမၠောန်အရာတအ်ဏံ နူကဵုအလဵုအသဳဒးကၠောန်ဏောၚ်။ ကမၠောန်တအ်ဏံ ဍေံတအ်ကၠောန်ဏောၚ် ကေတ်တာလျိုၚ်ဟာ။ ဟွံသေၚ်တှ်ေ နကဵုအလဵုအသဳမံက်တိတ်ကၠုၚ်နူပေါဲရုဲမာဲညံၚ်ဂွံကၠောန်မာန် ဍေံတအ်ပြံၚ်စၠောံကဵုဟာ။ အရာတအ်ဏံ တန်တဴကဵုအကာဲအရာရ။ အကာဲအရာပေါဲရုဲမာဲဂတဏံရ။ ကၠောန်မာန်ဟွံမာန်၊ ဒုၚ်တဲမာန်၊ ဟွံမာန်။ တုဲအာတှ်ေ ပရေၚ်ဇီုကပိုက် ပရေၚ်ဍုၚ်ကွာန်တၞဟ်၊ ပရေၚ်ဆက်ဆောံ ပရေၚ်ပြံၚ်သၠာဲတဴတက်မုနွံကၠုၚ်၊ တုဲတဴကဵုလတူဏံတုဲ သွဟ်တိတ်ကၠုၚ်ဏောၚ်။