မတ်မလီု – မာတ်ချ်(၁၄)
ကိုဝ်ဖုမ်မဝ် ကေုာံကိုဝ်သိုဝ်နိုၚ် မဒှ်ကွးတက္ကသိုလ်ကွတ်စက်လဂုၚ် တဵုကလုတ်ကဵုလဝ်အာဲ မဗဳဇစိုတ်ဓာတ်လုပ်ပေါဲဗတိုက်ဂှ် သ္ပဇြိုဟ်နက်တုဲ သ္ပရှ်ေသှ်ေပတိုန်ဏာဂုဏ်စရာဲ အာဇာနဲ ပြဟ်လလုဲကၠုၚ်လဝ် မွဲဒမြိပ်ဝၚ်ပၠန်ဂတးဒဳမဝ်ကရေဇြဳသီုဖအိုတ်ရဂှ် အလဵုအသဳ NUG ပလံၚ်ဗစိုပ်လဝ်လိက်သဝဏ်ရ။
ပ္ဍဲတ္ၚဲကိုဝ်ဖုမ်မဝ် ကေုာံ ကိုဝ်သိုဝ်နိုၚ်တအ် ပြဟ်လလုဲ ပေၚ် (၃၅)သၞာံဂှ် သ္ကိုပ်ဝန်ဇၞော်မာန်ဝေန်ခိုၚ်တာန် စၞးအလဵုအသဳပရေၚ်ညဳသၟဟ်ကောန်ဂကူ ဒဒှ်ဗှ်ဗၞုဟ်ဂွံဒၟံၚ်သတိကီု သီုဂွံအခေါၚ်ပလံၚ်ဗစိုပ်လိက်သဝဏ် တၚ်ဏာဂုဏ်ရဂှ် ဟီုသ္ဂးလဝ်ရ။
အခိၚ်လောန်ကၠုၚ် (၃၅)သၞာံတေံ ကြဴနူတၠအဝဵုပၞာန် ပြိုက်ဂစိုတ်လဝ် ကိုဝ်ဖုမ်မဝ် ကေုာံကိုဝ်သိုဝ်နိုၚ်တုဲဂှ် ခမဳခရှ်ကွးဘာညးဍုၚ်ကွာန်တအ် ဆက်မံၚ်တရဴဒဳမဝ်ကရေဇြဳဂှ် ပ္ဍဲ သၞာံ ၂၀၂၁ ဂိိတုဖေဖဝ်ဝါရဳ စၟတ်တ္ၚဲ(၁) ဟိုတ်နူကံၚ်ဇြဳပၞာန်ကြအ်အဝဵုတုဲ ဒးက္လေၚ်စိုပ်အာ အကာဲအရာတြံပၠန်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
ညးဒုၚ်သၠးလဝ် သွက်ဒဳမဝ်ကရေဇြဳ ခေတ်အဆက်က်၊ ပရေၚ်အခေါၚ်အရာမၞိဟ် ကေုာံပရေၚ်ကဆံၚ်တုပ်သၟဟ်တအ်ဂှ် ညးဒယှ်တှ်ပြာကတ်ကီု ကဵုဒှ်၊ သရာဲဂၟံၚ်အညတရ ကဵုဒှ်၊ ပရေၚ်ဒးဒုၚ်ဆောံလေၚ် ဂကောံကၟိန်အိန်ထံၚ်ညးတအ်သီုဖအိုတ်ဂှ် ဂိုဟ်ကဟောံတုပ်သၟဟ်တုဲ ဇၟာပ်ပ်ဒုၚ်သၠးလဝ်ဂှ် ဟွံဂွံဒှ်အလဟဿတုဲ မွဲဒမြိပ်တရဴ ညံၚ်တၠအဝဵုပၞာန်သီုဖအိုတ် ဂွံသရိုဟ်ဒေါံကၟိုၚ်အာ၊ ပရေၚ်ကဆံၚ်ကောန်ဍုၚ်အရၚ်သီုဖအိုတ် ဂွံတုပ်သၟဟ်၊ သွက်ဂွံက္လိဂွံဒဳမဝ်ကရေဇြဳ ကေုာံအခေါၚ်အရာမၞိဟ် ကောန်ဍုၚ် ဍိုက်က်ပေၚ်ၚ်ဂှ် ချူစွံလဝ်နဒဒှ်သ္ဇိုၚ်ရိုဟ်ကၞဟ်ရဂှ် ဟီုသ္ဂးလဝ်ရ။
ကိုဝ်ဖုမ်မဝ် ကွးဘာတက္ကသိုလ်ကွတ်စက်ဂှ် ဟိုတ်နူပရေၚ်လုလောန် ဒပ်ပ္ဍဵုကောပ်အဓိကိုရ် ဒးချိုတ်လဝ်တုဲ ပ္ဍဲကဵုပရေၚ်ပရော က္တဵုဗဒှ်ကဵုပရေၚ်ပၠန်ဂတး ဒ္စာံပန်မ လုပ်ဝၚ်ပရေၚ်ချဳဒရာၚ်ဒဳမဝ်ကရေဇြဳကၟိန်ဍုၚ်ဗၟာဂမၠိုၚ် ပရေၚ်ပရောဏံဂှ် ဒှ်ပရေၚ်ပရော ကွးဘာချဳဒရာၚ် ပၟိက်ကိစ္စဇၞော်မွဲရ။
ဟိုတ်နူအကာဲအရာတအ်ဏံတုဲ ပရေၚ်ပၠန်ဂတးဒ္စာံပန်မ လုပ်ဝၚ်မံက်ဂတဝ်တိုန်ကၠုၚ်တုဲ သၞောတ်တၠအဝဵုမွဲဗော် ဒးသရိုဟ်စှ်ေအာလဝ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – Mahn Winn Khaung Thann – Prime Minister of NUG