မတ်မလီု – မာတ်ချ် (၁၄)
ပ္ဍဲရးဒေသဇၞော် ကေုာံတွဵုရး (၁၁) မပါလုပ်သီုတွဵုရးဍုၚ်မန်ဂှ် နူ(၃)တ္ၚဲ စဵုကဵု(၅)တ္ၚဲ ဗြဲဂူစှ်ေမာန်ရောၚ်ဂှ် နူဌာနက္ဍိုက်က္ဍိုပ်သ္ကိုပ်စၞောန်ပ္ညုၚ်ဗြဲကျာကၟိန်ဍုၚ်ဗၟာ သၟဝ်တဲကံၚ်ဇြဳပၞာန် လလောၚ်တြး ကဵုကၠုၚ်သမ္တီရ။
စတမ်နူ ဂိတုမာတ်ချ် စၟတ်တ္ၚဲ (၁၃)တုဲ ဗြဲဟွံသေၚ်ကဵုအခိၚ် ဂူစှ်ေမာန်ဂှ်ရ ပ္ဍဲရးဒေသဇၞော် ကေုာံတွဵုရး (၁၁)တအ်ဂှ် လတူနူဂူဒၟံၚ်လၟိုန် ဂူစှ်ေဂၠိုၚ်မာန်ဏောၚ်ဂှ် ဟီုသ္ဂးလဝ်ရ။
ပ္ဍဲတွဵုရးဍုၚ်မန်၊ တွဵုရးကရေၚ်၊ တွဵုရးကရေၚ်ဍာဲ၊ တွဵုရးချေၚ်၊ တွဵုရးသေံ သ္ကုတ်ဗၟံက်၊ တွဵုရးကချေၚ်၊ ရးဒေသဇၞော်တၞၚ်သဳ၊ ရးဒေသဨရာဝတဳ၊ ရးဒေသလဂုၚ်၊ ရးဒေသဗဂေါတအ်ဂှ် ဗြဲဟွံသေၚ်ကဵုအခိၚ် သာတုဲဂူစှ်ေမာန်ဏောၚ်ဂှ် လလောၚ်တြးလဝ်ရ။
သ္အာၚ်နူဏံပၠန် ပ္ဍဲနေပျဳဒဝ်၊ ရးသေတ်ဂါၚ်သ္ကုတ်သၟဝ်၊ ရးအၚ်ဝ၊ ရးမဂွေ၊ တွဵုရးသေံ(သၟဝ်ကျာကေုာံသၠုၚ်ကျာ) ကေုာံ တွဵုရးရခေၚ် တ္ၚဲဗြဲဂူစှ်ေမာန်ဂှ် နူအကြာ ပွိုၚ်(၁)တ္ၚဲ ကဵု(၂)တ္ၚဲ ဂူစှ်ေမာန်ဏောၚ်ဂှ် ဓမံက်ထ္ၜးလဝ်ရ။
ဗြဲဟွံသေၚ်ကဵုအခိၚ်ဂူစှ်ေဂှ် ဟိုတ်နူအသိၚ်ဇွိုန်လပှ်ကျာ ချဳပြံၚ်ကၠုၚ် နူကဵုဒိုဟ်ပလိုတ်၊ ကျာ်ဂမ္တဴ နူကဵုဗလးက္ၜဳကပ္ပလဳ ကေုာံ က္ၜဳဘၚ်္ဂလာအဝ်တအ်ကဵု ကျာဂံက် ချဳကၠုၚ်နူဒိုဟ်ဗၟံက်တအ် ဇီုဓဗတ်ဒးတုဲ ဒှ်ကၠုၚ်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)