မတ်မလီု၊ မာတ်ချ်(၁၅)
စဵုကဵုစၟတ်တ္ၚဲ မာတ်ချ်(၁၄) အတိုင် AAPP တအ် လလောင်တြးထ္မံက်ထ္ၜးလဝ်ဂှ် အလုံကၟိန်ဍုင်ဗၟာဏံအခိင်ပၞာန်သီအဝဵုတုဲ အပ္ဍဲ (၇၇၂)တ္ၚဲဂှ် ညးဍုင်ကွာန်မှာဇန် မဒးဒုင်ဂစိုတ်ထောံ နကဵု ပကီုပရာပ်ဂှ် မၞုံကၠုင် စဵုကဵု(၃၁၂၄)တၠဂှ် ဂွံတီကေတ်ရ။
လၟိဟ်ညးမဒးဒုင်ရပ်လဝ်ဂှ် မၞုံကၠုင် (၂၀၃၅၉)တၠ မဒှ်တုဲ၊လၟိဟ်ညးမကလေၚ်ဗၠးတိတ်ကၠုၚ်ဂှ် မၞုံကၠုင် (၃၈၄၁)တၠ မဒှ်ရ။
ဟိုတ်နူဘဲပကီုပရာပ် ကံၚ်ဇြဳပၞာန်သီအဝဵုတုဲ နူကဵုလ္တူဍုင်လ္ဂုင်ဂှ် ညးမဒးပြဟ်လလုဲအာ ဂၠိုင်အိုတ်တုဲ၊အပ္ဍဲတွဵုရးဍုင်မန် ညးမဒးပြဟ်လလုဲအာဂှ် မၞုံကၠုင် (၁၄)တၠကီု၊ညးမဒးဒုင်ရပ်လဝ်ဂှ် မၞုံကၠုင် (၄၀၀)ပြင်မဒှ်တုဲတ္ၚဲတုဲကၠုင်လဝ်တေံဂှ် ကလေင်ဗၠးတိတ်ကၠုင်(၂၀၀)ပြင် မဒှ်ရ။
ပရိုင်-သြၚ်လောန်တိုၚ်(မ်)
နိတ်သဲ -AAPP