ပ္တိတ်ဂၠေံကဵု သြန်ဂလေံကာလဇမၠေံ ကုတၠကမၠောန်ပရေၚ်ပိုန်ဒြပ်အဇာဍောတ်တအ် ပါလုပ်သီုတၠကမၠောန်ပရေၚ်ပိုန်ဒြပ် ညးအဝဲဟွံဍိုက်ပေၚ်တအ်ရောၚ်ဂှ် နူလပါ်ကံၚ်ဇြဳပၞာန်လလောၚ်တြးကၠုၚ်လဝ်ရ။ နကဵုတၠကမၠောန်ပရေၚ်ပိုန်ဒြပ် ညးအဝဲဟွံဍိုက်ပေၚ် မိက်ဂွံဂၠေံကေတ်သြန်တအ် ဂိတုမာတ်ချ် စၟတ်တ္ၚဲ (၂၄) စွံတ္ၚဲလကြဴအိုတ်တုဲ သွက်ဂွံအာတ်မိက်ဂရၚ်ပ္တီ ပ္ဍဲနေပျဳဒဝ် ဇရေၚ်ဌာနဝန်ဇၞော်သ္ဇိုၚ်ဝန်၊ ပရေၚ်ရီုဗၚ်ဟံၚ်ပြာ် ကေုာံက္လေၚ်ဖျေံဒၞာဲဝါဲ၊ ရုၚ်ဌာနက္ဍိုက်က္ဍိုပ်ပရေၚ်ပတူပတိုန် ပ္ဍဲနေပျဳဒဝ်ညိဂှ် လလောၚ်တြးလဝ်ရ။ ပ္ဍဲအရာပ္တိတ်သြန်ဂလေံဂှ် စပ်ကဵုတၚ်အပိုၚ်ခြာ ပတေၚ်ဂြတ်လဝ်ကီု၊ အခက်ခုဲ၊ တၚ်ကော်ချဴ ညးအဝဲဟွံဍိုက်ပေၚ်တအ် ဒးဆေၚ်ဒၟံၚ်မုက် ပ္ဍဲမွဲကာလဒပ်ပၞာန်သီအဝဵုကီုတုဲ ဆက်စၠောံသၟာန်သွဟ်လဝ်ကဵု ဥက္ကဋ္ဌဖံၚ်ဒေယှေန်ယှိုဲမေန်တာ(မျာန်မာ) ဥူမျေတ်ဒူဝေန်ရ။
-ကိုပ်ကၠာအိုတ်ဏံ ကံၚ်ဇြဳပၞာန်ပ္တိတ်ကဵု သြန်ဂလေံကာဇမၠေံ သွက်တၠကမၠောန်ညးအဝဲဟွံဍိုက်ပေၚ်တအ်ဏောၚ် လလောၚ်တြးလဝ် ဂွံညာတ်ကေတ်ရ။ ဂဂွံသြန်ဏံမာန် တၚ်အပိုၚ်ခြာဗီုလဵု နွံရော။ လ္တူဏံသ္ၚဳဂၠိပ်ပါ်ပါဲကဵုညိ။
နူလက်ထက်အလဵုအသဳ NLD တေံရ သြန်ဒ္တန်တမ်ဟွံကၠေံဗ္ဒန် နူကဵုကၟိန်ဍုၚ်ဂးတုဲ ပ္တိတ်ကဵုလဝ် (၃)ဗဳလျာန်နွံရ။ တမ်ဟွံကၠေံဟီုဂှ် ယဝ်ရပါ်ပရအ်ကဵုထောံ ညးအဝဲဟွံဍိုက်ပေၚ်တအ်တှ်ေ တမ်ဍေံကၠေံအာဏောၚ်လေဝ်။ (၃)ဗဳလျာန်ဟီုဂှ် ၜိုတ်လဵုလေဝ်ဟွံဂၠိုၚ်ပုဟ်။ ညံၚ်ဂွံဂၠိုၚ်တိုန်ဒးကၠောန်ဏောၚ် ပိုဲချပ်လဝ်နွံဒၟံၚ်ရ။ ညံၚ်(၃)ဗဳလျာန်ဏံ ဂွံဂၠိုၚ်တိုန်ကၠုၚ် ဒးကၠောန်ဏောၚ်။ အခိၚ်ကၠောန်ညံၚ်ဍေံဂွံဂၠိုၚ်တိုန်ဂှ် နကဵုဌာနဝန်ဇၞော်ပ္တိတ်ကဵုတၠကမၠောန်ညးအဝဲဟွံဍိုက်ပေၚ်တအ်တိုက်ရိုက်ဏောၚ်။ ယဝ်ရပ္တိတ်ကဵုတိုက်ရိုက်မွဲဂအုမ်ဓဝ်တှ်ေ ဌာနဂၠေံကဵုသြန်ဂှ် လၟေၚ်ကမၠောန်ဒးကၠောန်ဍေံထုဲဂၠိုၚ်အာဏောၚ်။ ဗီုလဵုပိုဲချပ်လဝ်ရောတှ်ေ ဂကောံအကြာမွဲမွဲဂကောံ၊ ကော်ကေတ်ဂကောံတၠကမၠောန်ပရေၚ်ပိုန်ဒြပ်ဏောၚ်။ တၠကမၠောန်ပရေၚ်ပိုန်ဒြပ်ဟီုဂှ်လေဝ် ဒှ်တၠကမၠောန်ပရေၚ်ပိုန်ဒြပ်ကၠောန်ဒၟံၚ်ကမၠောန်ဗ္ဂေတ်သြန်အဇာဍောတ် ပ္ဍဲကဵုဂှ် ဂကောံပရေၚ်ပိုန်ဒြပ်ဗ္ဂေတ်သြန်အဇာဍောတ် ပ္ဍဲကဵုလတူ (၁၀)ဗဳလျာန်ရ။ ကဵုဂကောံဂှ်မွဲကဆံၚ်ဏောၚ်။ ကဵုတုဲတှ်ေ နူကဵုဂကောံဂှ်မွဲကဆံၚ် ဂၠေံပ္တိတ်ကဵုသြန်တအ်ဏောၚ်။ ပ္ဍဲကဵုသြန်ဂၠေံကဵုတအ်ဂှ် ပါ်ပရအ်ကဵုညးအဝဲဟွံဍိုက်ပေၚ်တအ်တိုက်ရိုက်ဟွံသေၚ်တုဲ တၠကမၠောန်မွဲတၠဂှ် ကမၠောန်ညးတအ်ကဵုတုဲမှ ပ္ဍဲကဵုကမၠောန်ဂှ်လေဝ် သြန်တမ်ဒးနွံဒၟံၚ်လတူ(၁၀)ဗဳလျာန်ဏောၚ်မပ္တံဗီုဏံ တၠကမၠောန်တအ်ဂှ် ကလေၚ်ဂၠေံကဵုတၠကမၠောန်တအ်ပၠန်တုဲ ဒးကဵုဏောၚ။ ပ္ဍဲကဵုဂလေံကဵုဂှ် တၠကမၠောန်ညးအဝဲဟွံဍိုက်ပေၚ်တအ်ပါလုပ်ကၠုၚ်မာန်ဏောၚ်။ ဟီုတှ်ေ ပရဲဂွံနၚ်လဝ်ဂှ် အတိုၚ်တၚ်လလောၚ်တြးဍေံတှ်ေ နူကဵုတံဝါဒိတေံရ ပိုဲပါဒၟံၚ်ပ္ဍဲကဝ်မတဳဏံဂှ်ရ ဂွံတီကေတ်ကၠးကၠးပ္ဍးပ္ဍးရ။ ပ္ဍဲကဵုဂှ်မှ ကၠောန်အာပရေၚ်ထံက်ပၚ်ဂကောံညးအဝဲဟွံဍိုက်ပေၚ်တအ်ဏောၚ် ချပ်လဝ်ရ။ ပရဲဂွံနၚ်လဝ်ဂှ်လေဝ် သီုဖအိုတ်ဟွံသေၚ်ပုဟ်။ ပရဲဂွံနၚ်လဝ်လ္ၚဵုဂှ်ဟေၚ်ကၠောန်ဏောၚ် တၚ်ချပ်ဂၞန်လဝ်ဂှ်ရဆက်တုဲချပ်စန်စာအာပၠန်ဏောၚ်ညာတ်ကေတ်ရ။
-သြန်ဂလေံဏံ သွက်တၠကမၠောန်ပရေၚ်ပိုန်ဒြပ်ညးအဝဲဟွံဍိုက်ပေၚ်တအ် အကာဲအရာဂွံဂွံမာန် အခက်ခုဲနွံဒၟံၚ်ဟာ။ ဗီုလဵုညာတ်ကေတ်ရော။
ယွံ ဍာံရ။ ဒၞာဲဏံဂှ်တှ်ေ စတမ်နူကဵုတိုက်သြန်တအ်ဒှ်တမ် ကြပ်ဒှ်ဒၟံၚ်ဆေၚ်အပံၚ်ပ္ဍဲအရာပ်တအ်ရ။ သွက်ဂွံဂွံသြန်ဂလေံနူတိုက်သြန်ဂှ်မှ ဒးကေတ်သက်သဳတၚ်ဂၞၚ်ဗွဲမဂၠိုၚ်ရ။ မတေံ မဏံ မပ္တံဗီုဏံ နွံဗွဲမဂၠိုၚ်ရ။ ပ္ဍဲကဵုညးအဝဲဟွံဍိုက်ပေၚ်ပိုဲဂှ် ဒဵုကဆံၚ်ဂှ် အလဵုဂွံနွံမာန်ရော။
ၜိုတ်ဂလိုၚ်လဵုဂေတ်ဒၟံၚ် ၜိုတ်ဂလိုၚ်လဵုပရေၚ်ပိုၚ်ပြဳနွံ ၜိုတ်ဏံမှတှ်ေ အလဵုဂွံဂလေံကဵုရော။ ပ္ဍဲပိုဲဂှ် ဂၠေံကဵုဏာအိုၚ်ဒဳယာဟီုဂှ်ဟၟဲပုဟ် ပိုၚ်လဝ်ဂလိုၚ်ဂှ်ဏောၚ်တှ်ေ ညးပိုၚ်လဝ်ဂှ်ရ သာတုဲနွံအာမာန်ရ။ ပ္ဍဲကဵုမၞိဟ်ဟၟဲတအ်ဂှ် ဂၠေံကဵုဏောၚ်ဟီုတုဲ အခိၚ်အာတ်ပရေၚ်ပိုၚ်ပြဳဗွဲမဂၠိုၚ်ဂၠေၚ်ဂှ် ပ္ဍဲပိုဲအခက်ခုဲနွံရ။ အရာဏံဂှ် ဒှ်ချုတ်ပၠိျုရ။
အခိၚ်အာတ်ကေတ်ဂၠိုၚ်ဂၠိုၚ်တှ်ေ အခက်ခုဲပ္ဍဲပိုဲနွံရ။ အရာဏံဂှ် ချိုတ်ပၠိုတ်ရ။ ဂွံဍုၚ်ကွဳလိုန်ဓာတ်ဇကုဇကုပ္ဍဲတွဵုရးဟွံသေၚ်ပုဟ်။ ညးအဝဲဟွံဍိုက်ပေၚ်ပိုဲတအ်ဂှ် ဒးလိၚ်စကဵုတ္ၚဲ နကဵုဇိုၚ်ပတောံတုဲ ဒးဒဳဗက်ဒၟံၚ်ရ။ မိက်ဂွံရာန်ကေတ်ကွဳလိုန်ဓာတ်ဇကုအပိုၚ်တုဲ လိၚ်စဏောၚ်တှ်ေ ပရေၚ်ပိုၚ်ပြဳဍေံတဴတိုန်ရ။ ဣဏံဂှ် ပ္ဍဲပိုဲ ခက်ခုဲနွံဒၟံၚ်ရ။ ပရေၚ်ပိုၚ်ပြဳတအ်အာတ်မိက်ဒၟံၚ်ရ။ ပရောသေတ်သောၚ်စရၚ်သြန်တအ်သီုဖအိုတ် ခက်ခုဲနွံဂၠိုၚ်ရ။ ကမၠောန်ဖျေံစသြန်လ္ၚဵုတအ်ဂှ်နွံဒၟံၚ်ရ။ ညံၚ်ကဵု ကဵုဖျုန်ညးအဝဲဟွံဍိုက်ပေၚ်ညံၚ်ညံၚ် မုညံၚ်ညံၚ်တုဲ ဇေတ်တ်တေံဂှ် အတိုၚ်ဂှ်ရ။ ဟိုတ်နူကိစ္စဂိုဝ်ဝေတ်တုဲ ပိုဲဆာပ်သြန်အခိၚ်ဍာံဍာံဟွံမာန်တုဲ ဒၟာနူဒှ်ညးအဝဲဟွံဍိုက်ပေၚ်တုဲဂွံမုက်ဏောၚ်လ္ပထေၚ်။ ပါဲထောံလဝ်ရ ဟီုတှ်ေ ကမၠောန်ဂှ် ခိုဟ်ဟ်ဂှ်ခိုဟ်ဒၟံၚ်ရ။ ဗွဲမဂၠိုၚ်ဂှ်တှ်ေ ဒးက္လေၚ်ပလေဝ်ပလေတ်ဏောၚ်ထေၚ်ကေတ်ရ။ အတိုၚ်ဏံတှ်ေ ဂွံဇွောဝ်စိုပ်ညးအဝဲဟွံဍိုက်ပေၚ်တိုက်ရိုက်ဂှ်တှ်ေ ဝါတ်ဂါတ်ခက်ခုဲဏောၚ် ထေၚ်ကေတ်ရ။
-ပ္ဍဲမွဲကာလဒပ်ပၞာန်သီအဝဵုပွိုၚ်ၜါသၞာံဏံ နကဵုညးအဝဲဟွံဍိုက်ပေၚ်တအ် အခက်ခုဲဗီုလဵုဒးဒုၚ်ဆေၚ်ဒၟံၚ်မုက်ရော။
ပ္ဍဲဗလးပရေၚ်ဍုၚ်ကွာန် ဗလးပရေၚ်ပိုန်ဒြပ်ဂှ် ပိုဲစိုပ်မံၚ်ဒဒိုက်ဇၞော်ဇၞော်ရ။ သာတုဲပရေံကၠုၚ်ဂှ် ကြဴနူဏံ ၂ သၞာံ ၃ သၞာံတှ်ေ PLAN ပိုဲမုရောဂှ် ပိုဲဟီုရ။ PLAN ဍာ်ဇမၠိၚ်ဂတနူဏံ ၂ သၞာံ ၃ သၞာံဂှ် ပကၠောန်ဒၟံၚ်ရ ပြဟ်ဟ်ဏံ ဂွံစသုၚ်ဂှ်ဟၟဲပုဟ်။ မၞိဟ်တအ်လေဝ် ချပ်ကဵုနတဲစှ်ေစှ်ေညိ ဂှ် သုၚ်စောဲဒၟံၚ်မအရေဝ်ဏံတွဵုရ။ ညးအဝဲဟွံဍိုက်ပေၚ်တအ်ဂှ်ပရေၚ်စသုၚ်မံၚ်စံၚ်ကြေပ်ဂြတ်ကၠုၚ်ဒၟံၚ်ရ။ မုဒှ်ရောတှ်ေ သြန်လုပ်ဟၟဲပုဟ်။ အခေါၚ်ဂါံကေပာန်ကမၠောန်တအ် အောန်ကြဳကၠုၚ်ရ။ ကမၠောန်နွံဒၟံၚ်တုဲတုဲတအ်လေဝ် ဒးဆောံလေၚ်အာတၟာဂလိုၚ်ရ။ ဒးဂၠာဲဗ္စဒၟံၚ်သမ္ဘာ နိဿဲဒၟံၚ်ကဵုပိုဲ တြုံတၠသ္ၚိနိဿဲဒၟံၚ်ကဵုပိုဲတအ်ရ။ ဒးဗ္စဒၟံၚ်ကောန်ဇာတ်တအ်ရ။ ညးတအ်ဂှ်ဒှ်အာညးကမၠောန်ဟၟဲအိုတ်ယျ။ ကမၠောန်ကၟိတ်ပိုဲပရေံစှ်ေကၠုၚ်ဒၟံၚ်အိုတ်ယျ။ ဒှ်ကၠုၚ်တှ်ေ ပြသၞာလကြဴဂှ်နံကၠုၚ်ဏောၚ်။ ပရေၚ်ထတ်ယိုတ်၊ ပြသၞာပရေၚ်မၞိဟ်တအ် နွံကၠုၚ်ရ။ ပြသၞာပရေၚ်စိုတ်ဓာတ်တအ်နွံကၠုၚ်ရ။ ကၠာတေံတှ်ေ ညးအဝဲဟွံဍိုက်ပေၚ်စိုတ်ဓာတ်ကြံၚ်မ္ၚိုဟ်ဒၟံၚ်တအ်လေဝ် လၟုဟ်တှ်ေစိုတ်ဓာတ်စှ်ေကၠုၚ်ဒၟံၚ်ဂှ် ဂွံညာတ်ကေတ်ရ။ ပ္ဍဲ ၂ သၞာံ၊ ၃ သၞာံဏံ အကာဲအရာပရေၚ်မၞိဟ်ပိုဲ ထ္ပက်စှ်ေဒၟံၚ်လံက်ဂတးရဂှ် ဟီုဂွံရ။ မၞိဟ်ခိုဟ်ဒၟံၚ်တအ်လေဝ် နွံမာန်ရ။ သွက်ညးတအ်ဂှ် သက်ဒးဟီုဟၟဲရ။ ဗွဲမဂၠိုၚ်တှ်ေ ဂတက်စှ်ေဒၟံၚ်သၟးရ။
-လၟိဟ်ညးအဝဲဟွံဍိုက်ပေၚ်ပ္ဍဲလက်ထက်ကံၚ်ဇြဳပၞာန်ဏံ ဂၠိုၚ်တိုန်ဒၟံၚ်ၜိုတ်ဂလိုက်လဵုရော။ စပ်ကဵုလၟိဟ်ညးအဝဲဟွံဍိုက်ပေၚ်တအ်ဂၠိုၚ်တိုန်ဒၟံၚ်ဂှ် ဟီုထ္ၜးကဵုဟိုတ်ဍေံညိ။
ဂၠိုၚ်တိုန်ကၠုၚ်ဒၟံၚ်ရ။ ဂၠိုၚ်တိုန်ဒၟံၚ်ဏောၚ်ဟီုစဂွံရ။ အရာဏံဂှ် ဟွံထေက်ကဵုဂၠိုၚ်တိုန်တုဲ ဂၠိုၚ်တိုန်ဒၟံၚ်ရဂှ် ဒးဟီုရ။ ဂကူညးအဝဲဟွံဍိုက်ပေၚ်တအ်နွံဗွဲမဂၠိုၚ်ရ။ လၟိဟ်ဂကူညးအဝဲဟွံဍိုက်ပေၚ်တအ်ဂှ် ဟွံဟီုရပုဟ် ဟိုတ်ဂွံဒှ်ကၠုၚ်ညးအဝဲဟွံဍိုက်ပေၚ်ဂှ် နွံ(၃)ဂကူဓဝ်ရ။ ပ္ဍဲဂၠးကဝ်ဏံ ဟိုတ်ဂွံဒှ်ကၠုၚ်ညးအဝဲဟွံဍိုက်ပေၚ်ဂှ် နွံပိဂကူဓဝ်ရ။ မွဲဂှ်တှ်ေ နူစၜံၚ်။ အာရီုမတ်ကဵုဒှ် အာရီုမိၚ်ကဵုဒှ်။ မုက်ဂၞန်မွဲနူစၜံၚ်တိတ်။ ပါကၠုၚ်နူဂဝ်ဂှ် မုလေဝ်သ္ပဟွံဂွံပုဟ်။ အဲလေဝ်နူစၜံၚ် ပါကၠုၚ်နူဂဝ်ရ၊ ၜါဂှ်တှ်ေ အန္တရာယ်သဘာဝ။ ကျာလဗိုတ်ကပိုက် တူပၟတ်ရ။ တိချဳ။ တိုက်ခရိုဟ်တအ်ရ။ ဂုဏ်နူဒှ်ကၠုၚ်ဗီုဏံတုဲ ဒှ်အာညးအဝဲဟွံဍိုက်ပေၚ်ရ ဆဂးဂှ် အရာစိုတ်ဟွံခိုဟ်မွဲဂှ်တှ်ေ သွက်မၞိဟ်ဒှ်အာညးအဝဲဟွံဍိုက်ပေၚ်ဒၟာနူမၞိဟ်ကၠောန်တုဲ အရာဏံဂွံဒုၚ်တဲမာန်ဂှ်ဝါတ်ဂါတ်ဒၟံၚ်ရ။ ဟိုတ်နူပယောဂသဘာဝဟွံသေၚ်တုဲ ပယောဂမၞိဟ်တုဲ စိုပ်အာဘဝညးအဝဲဟွံဍိုက်ပေၚ်ရ ပ္ဍဲဗွိုၚ်မၞိဟ်ယဝ်ရစိုပ်မွဲအခိၚ်တှ်ေ ပရေၚ်တအ်ဏံ ဒှ်သွက်ဂွံဟီုဂးရ။ အရာဏံ သွက်ပိုဲဂွံဒုၚ်တဲမာန်ဂှ် ဝါဂါတ်ဒၟံၚ်ရ။ အဲမိက်ဂွံဟီုၜိုတ်ဏံရ။
-လကြဴအိုတ်ဏံ စပ်ကဵုအခက်ခုဲညးအဝဲဟွံဍိုက်ပေၚ်တအ်ဒးဆေၚ်ဒၟံၚ်မုက်တုဲ မုမိက်ဂွံထပ်ဟီုဗပေၚ်နွံဏီရော။
လၟုဟ်ဂှ်တှ်ေ မအရေဝ် ဟီုဒၟံၚ် ပိုဲဆာန်ဍူတုဲ ပိုဲရီုဗၚ်ထံက်ပၚ်ကဵုဒၟံၚ်ဟီုဂှ်ရ တၚ်ဒုၚ်ဂိုၚ်ကေတ်ဗီုဏံဂှ် ဟွံဒးစိုတ်ပုဟ်။ မာန်မာနပိုဲလေဝ်နွံဒၟံၚ်၇။ အခိၚ်လၟုဟ်ပြဟ်ဟ်ဏံတှ်ေ ဟွံအာလိုၚ်ဏံဟွံဂါံဂှ်ရ ဟွံမိက်အာတ်သွက်ညးအဝဲဟွံဍိုက်ပေၚ်တအ်ရပုဟ်။ အာတ်မိက်ၜါတၚ်ရ မွဲတၚ်ဂှ်တှ်ေ နဒဒှ်ဆာန်ဍူကၠိုဟ်ကေတ်တုဲ မိက်ဂွံကဵုချပ်ကဵုကမၠောန်ရ။ တုဲပၠန်တှ်ေ မုမိက်ဂွံကၠောန်ကၠောန် ဂွံဆဵုကေတ်ဒၟံၚ်အရီုဗၚ်ထံက်ပၚ်စပက်ဵုဇွောံမစၞစတအ်ဂၠိုၚ်ဗွဲမဂၠိုၚ်ရ။ ပ္ဍဲကဵုဂှ် သွက်ညးအဝဲဟွံဍိုက်ပေၚ်တအ်ဟွံပါလုပ်ပုဟ် ။ အရၚ်ဏံလေဝ် မိက်ဂါံချပ်ကီုရ။ မိက်ဂွံအာတ်မိက်ၜါတၚ်ဏံရ။ ဖန်ဗဒှ်ကဵုကမၠောန်ဂၠိုၚ်ၚ်ညိ။ ပရေၚ်မၞိဟ်ပရေၚ်ပိုန်ဒြပ်ဆုတ်စှ်ေဒၟံၚ်ယျ။ ကမၠောန်ရီုဗၚ်ဟံၚ်ပြာတၞဟ်သ္အာၚ်တအ်ဂှ်ရ။ ပ္ဍဲကဵုကမၠောန်ရီုဗၚ်ဟံၚ်ပြာ်ပရေၚ်မၞိဟ် သွက်ညးအဝဲဟွံဍိုက်ပေၚ်တအ်ဂှ်လေဝ် မိက်ဂွံကဵုချပ်ဗွဲတၟေၚ်ရဂှ် အာတ်မိက်ဒုၚ်ဏာဂှ် ဗွဲမေတ္တာရ။