ထဝါဲ၊ မေ (၁၁)
ပ္ဍဲရးဒေသဇၞော်တၞၚ်သဳ၊ ပွိုၚ်ဍုၚ်ထဝါဲ၊ ဒေသ(အရှေ့တော) ဗ္ဒါဲကွာန်( ဥယျာဉ်ကြီး) ကေုာံ ဗ္ဒါဲကွာန်အညာဖျာတံဂှ် ဟိုတ်နူကရောၚ်ပၞာန်ကံၚ်ဇြဳပၞာန် ဒးအာမာၚ်ဂှ်ရ ကောန်ဒပ်ကံၚ်ဇြဳပၞာန် (၁၀) တၠ ကလိဂွံလဝ်ဝပ်ရောၚ် ညးတာလျိုၚ်ဂကောံဒပ်စဵုဒၞါ (အရှေ့တော) ထဝါဲ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကရောၚ်ပၞာန်ကံၚ်ဇြဳပၞာန် ဇြဟတ်ဒပ် ၜိုတ်ဗၞတ် (၈၀) ပြၚ်ပါဂှ်ဝွံ ပ္ဍဲဂိတုမေ (၉) ၜိုတ်အခိၚ်နူဂယး (၈) နာဍဳ အခိၚ်သၠာဲဒပ် လ္ပာ်ထဝါဲ ကၠုၚ်နူပယျဵုထဳခဳ နကဵုတရဴတွာ်ဂှ် ဒးအာလဝ်မာၚ် ဂကောံဒပ်စဵုဒၞါဒေသတံ မဗစူလဝ်ဂှ်ရ။
ဟိုတ်နူဒးအာလဝ်မာၚ်ဂှ်ရ ကောန်ဂကောံဒပ်ကံၚ်ဇြဳပၞာန် (၁၀) တၠ ကလိဂွံလဝ်ဝပ်တုဲ ပ္ဍဲကဵုညးဒေသ မရပ်ကော်ဏာလဝ် နဒဒှ်ဇွောံစဵုဒၞါပၞာန်မွဲတၠဂှ်လေဝ် ဒးအာကဝေက်မာၚ် ကလိဂွံလဝ်ဝပ်တံရောၚ်ဂှ် သ္ဂးရ။
ဒပ်ကံၚ်ဇြဳပၞာန် မဒးလဝ်မာၚ်ဂှ်ဝွံ ကလေၚ်ကော်ဏာ ကောန်ဂကောံဒပ် မကလိဂွံလဝ်ဝပ်တံဂှ်တုဲ စိုပ်အာ လ္ပာ်ဂကောံဒပ်ကံၚ်ဇြဳပၞာန် မၞုံ ၈ မိုၚ် မဖျေံလဝ်ဒပ်တေံယျဂှ် ဂွံတီကေတ်ရ။
ဆ္ဂး ဒပ်ကံၚ်ဇြဳပၞာန်ဝွံ ညးဒေသ (၅) တၠ ဍေံတံမရပ်ဒက်လဝ် နဒဒှ်ဇွောံစဵုဒၞါပၞာန်ဂှ် ပ္ဍဲကဵုတ္ၚဲဂှ် ဇိုၚ်သဝ်တ္ၚဲဂှ်ဟေၚ် ကလေၚ်ဗလးကဵုလဝ်ရ။
ပ္ဍဲဂိတုမေ (၁၀) အခိၚ်ပယျာံနူဂယးဂှ် ကရောၚ်ပၞာန်ကံၚ်ဇြဳပၞာန်ဝွံ တိတ်စ္ဍးအာ လ္ပာ်ဗ္ဒိုပ်ကံၚ်ဇြဳပၞာန် ဖျေံသ္ဇိုၚ်ပွိုၚ်ဍုၚ်တယိတ်ချံၚ်တံရောၚ်ဂှ် ဂွံတီကေတ်ရ။
ပ္ဍဲလ္ပာ်ဒေသ (အရှေ့တော) ထဝါဲဂှ် ကြဴနူဒပ်ပၞာန်သီအဝဵုတုဲ အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံ ဂကောံဇြဟတ်ပၠန်ဂတးတံဂှ် ပေါဲဗ္တိုက်ဆေၚ်မုက်တံ မွဲဏှမွဲဏှဟီုဂွံ က္တဵုဒှ်ဒၟံၚ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−Social Media
sanlontai