ဟိုတ်နူကျာလဗိုတ် မိုဝ်ခါတုဲ လၟိဟ်မၞိဟ်ပ္ဍဲကၟိန်ဍုၚ်ဗၟာ ဗ္ဒာဲ (၂)ပြကောဋိကိုတ် ဇီုကပိုက်ဒးမာန်

လဂုၚ်၊ မေ(၁၂)

ဟိုတ်နူလဗိုတ်ကျာဇြိုၚ်ကလုမ် ဇြဟတ်ခိုဟ်ဒၟံၚ်ဂှ်တုဲ လၟိဟ်မၞိဟ်မၞုံပ္ဍဲကၟိန်ဍုၚ်ဗၟာ ဗ္ဒာဲ ၂ ပြကောဋိကိုတ် ဇီုကပိုက်ဒးမာန်ရောၚ်ဂှ် တၚ်လလောၚ်တြးကဵုသတိအန္တရာယ်သဘာဝ ကေုာံ သၞောတ်ပရေၚ်ပံၚ်တောဲရေၚ်တၠုၚ် (GDACS) လလောၚ်တြးလဝ်ပ္ဍဲဂိတုမေ စၟတ်တ္ၚဲ (၁၁)ဏံရ။

အတိုၚ်တၚ်ချိၚ်ခယျ GDACSမ္ဂး လဗိုတ်ကျာဇြိုၚ်ကလုမ်မိုဝ်ခါဂှ် ပ္ဍဲဂိတုမေ စၟတ်တ္ၚဲ ၁၄ ဂှ် တတ်ကၠောံလုပ်စိုပ်ပ္ဍဲအကြာ ဍုၚ်ကအ်ဗဇြာ ဒိုဟ်အဂၞဲ ကၟိန်ဍုၚ်ဘၚ်္ဂလာဒေတ်ရှ် ကေုာံ ပွိုၚ်ဍုၚ်ကျောက်ဖျူ မဒှ်ဒေသပြၚ်က္ၜဳရခိုၚ်ကၟိန်ဍုၚ်ဗမာတုဲ လုပ်စိုပ်ကၠုၚ်မာန်ရောၚ်ဂှ် ဟီုသ္ဂးလဝ်ရ။

ဟိုတ်နူလဗိုတ်ကျာဇြိုၚ်ကလုမ်မိုဝ်ခါတုဲ ပ္ဍဲတွဵုရးရခေၚ် လၟိဟ်မၞိဟ် (၉) ကိုတ်ပြၚ်ကေုာံ အလုံမွဲကၟိန်ဍုၚ်ညးဍုၚ်ကွာန် ၁ ပြကောဋိကိုတ်ပြၚ်တအ်ဂှ် ဟိုတ်နူဘဲဒဏ်လဗိုတ်ကျာဇၞော်တုဲ ဇီုကပိုက်ဒးမာန်ရောၚ်ဂှ် ချိၚ်ခယျကေတ်လဝ်ရ။

အဲဒီဆိုင်ကလုန်း မုန်တိုင်းမိုခါကြောင့် ရခိုင်ပြည်နယ်အတွင်း လူဦးရေ ၉ သိန်းကျော်နဲ့ နိုင်ငံတဝန်းက ပြည်သူ ၁ သန်းကျော်ဟာ အားပြင်းတဲ့မုန်တိုင်းဒဏ်ကြောင့် ထိခိုက်နိုင်တယ်လို့ ခန့်မှန်းထားပါတယ်။

လဗိုတ်ကျာဇြိုၚ်ကလုမ်မိုဝ်ခါ သ္ကုတ်ဂမ္တဴ စၟတ်သမ္တီလဝ်ကဆံၚ်သာ်​ဗ္ကေတ်ဂှ် မွဲနာဍဳမ္ဂး ဗ္ၜတ်ကျာလပိုက်ဂၠိုၚ်အိုတ် ၁၆၇ ကဳလောမဳတာလ္ပာ်လ္တူနွံဒၟံၚ်မာန်တုဲ နကဵုကၟိန်ဍၚ်ဗၟာ ဒှ်ပရေၚ်ဒးဒုၚ်ဇီုကပိုက်ဒးဂၠိုၚ်အိုတ်မာန်ဒၟံၚ်ကီု နွံကၠုၚ်ပၟိက်ကဵုအရီုဗၚ်ဗ္စာရဏာပရေၚ်မၞိဟ်မာန်ဒၟံၚ်ရောၚ်ဂှ် လလောၚ်တြးလဝ်ရ။

ဌာန်စမ်ၜတ်ဗြဲကျာကံၚ်ဇြဳပၞာန်လေဝ် ဃောလဗိုတ်ကျာဇြိုၚ်ကလုမ်မိုဝ်ခါဂှ် ဇြဟတ်ဇၞော်ဒၟံၚ်ဏံဂှ် ဂၠိုၚ်အိုတ်မ္ဂး ပ္ဍဲမွဲနာဍဳ ဗ္ၜတ်ကျာထတ် နူမိုၚ် ၉၀ စဵုကဵု ၁၀၀ ကပိုက်ကၠုၚ်မာန်ရောၚ်ဂှ် ချိၚ်ခယျကေတ်လဝ်ရ။

အခိၚ်လဗိုတ်ကျာဇြိုၚ်ကလုမ်မိုဝ်ခါ တတ်ကၠောံဒၟံၚ်ဂှ် ပ္ဍဲသေတ်တွေ တွဵုရးရခေၚ်ကေုာံ ပ္ဍဲခရိုၚ်မောၚ်တဝ်တအ်ဂှ် သၠုၚ်လပှ်ဍာ် နူကဵု ၁၀ ပေ စဵုကဵု ၁၄၊ ပ္ဍဲကဵုခရိုၚ်ကျောက်ဖျူကေုာံခရိုၚ်မျေတ်ဝ ကေုာံ မျေတ်လေတ်တအ်ဂှ် သၠုၚ်လပှ်ဍာ် နူကဵု ၇ ပေ စဵုကဵု ၁၀ ပေ သၠုၚ်မာန်ရောၚ်ဂှ် ကဵုလဝ်သတိရ။

ဟိုတ်နူအသိၚ်လဗိုတ်ကျာတုဲ နူဂိတုမေ စၟတ်တ္ၚဲ ၁၁ စဵုကဵုစၟတ်တ္ၚဲ ၁၅ အလုံမွဲကၟိန်ဍုၚ် ဒေသနာနာတအ်ဂှ် ဗြဲဇၞော်သ္ကာတ်မြဟ် ဂူစှ်ေရောၚ်ကီု သီုဂဂဵုတးဂူစှ်ေမာန်ရောၚ်ဂှ် လလောၚ်တြးလဝ်ရ။

ပရိုၚ်-သြၚ်လောန်တိုၚ်(မ်)

ဗီုရုပ် – CJ