လဂုၚ် – မေ(၁၃)
ပန်လဝ် ရုၚ်အလဵုအသဳကံၚ်ဇြဳပၞာန် သ္ကိုပ်ဝန်ဇၞော်ရးဒေသလဂုၚ်ဂ္ဇအ်ဒၟံၚ်ရုၚ် နကဵုမခတိုဟ် ၄၀ – မမ ရဂှ် ဂကောံဇြဟတ်ပၠန်ဂတးဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပရေၚ်ဒဒှ်ဂှ် တ္ၚဲဏံ ဂိတုမေ စၟတ်တ္ၚဲ (၁၂) အခိၚ်နူဂယးပြဟ် ပ.က.ဖ ခရိုၚ်သ္ကုတ်ပလိုတ်(အနောက်ပိုင်းခရိုင် )၊ တံဒပ်လ္ပာ်(၁)ကေုာံ ပ.က.ဖ သာန်ချောၚ်တအ်ပံၚ်တောဲတုဲ ပန်ဗတိုက်လဝ် နကဵု မခတိုဟ် ၄၀-မမရဂှ် ဂွံတီကေတ်ရ။
ကြဴနူလ္ပာ်ကံၚ်ဇြဳပၞာန် ဒးဒုၚ်ပန်လဝ်တုဲ ဂၠိုက်ဂၠာဲစၟဳစၟတ်လဝ် ပ္ဍဲမွဲဗွိုၚ်ဂှ်ကီု သီုပတေၚ်ဂြတ်လဝ် ပရေၚ်ဂီုကၠီုရဂှ် ကောန်ဍုၚ်အလိုန်(အလုံ)တအ် ဟီုသ္ဂးလဝ်ရ။
“ပန်လဝ်ဂှ် ဒှ်ကွေံ။ ပြဟ်ဟ်ဏံတှ်ေ မုဟီုဟွံဂွံဏီပုဟ်။ ဂလိုၚ်ပ္တိုန်လဝ် ပရေၚ်ဂီုကၠီုရ” ဂှ် ဂကောံဗၠာဲသၟိၚ်ရးဒေသလဂုၚ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
အခိၚ်လၟုဟ်ဏံမ္ဂး စပ်ကဵုပရေၚ်ပန်ပှ်ောဏံတုဲ အကာဲအရာဇီုကပိုက်ဒးလဝ်သောဲသောဲဗြောဲဗြောဲ ဟွံဂွံတီကေတ်လဝ်ဏီရ။
ကောန်ညးဍုၚ်လဂုၚ်တအ်ဂှ်မ္ဂး ဟိုတ်နူပန်ဗတိုက်လဝ်ရုၚ်ရးဒေသ မဒှ်ဒၞာဲအဓိကကံၚ်ဇြဳပၞာန်မာန်ဂှ်ရ ဒဒှ်ရမိပ်စိုတ်ဂှ် ချူဓမံက်လဝ် နွံဒၟံၚ်အိုတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – ရုၚ်ဂကောံအလဵုအလဵုအသဳရးဒေသလဂုၚ်
sanlontai