ဟိုတ်နူလွဟ်လက်နက် ဒပ်ကံၚ်ဇြဳပၞာန် ပန်ပှော်လဝ်တံတုဲ ပ္ဍဲမိုဝ်ဗျေဝ် ကောန်အရာပ်မွဲတၠ ချိုတ်အာ

မိုဝ်ဗျေဝ်၊ ဂျောန် (၄)

ပ္ဍဲလ္တူဍုၚ်မိုဝ်ဗျေဝ် မဒှ်ပယျဵုသေံ−ကရေၚ်ဍာဲ ခရိုၚ်ဒံၚ်ကျဳ၊ သ္ကုတ်သၠုၚ်ကျာတွဵုရးသေံဂှ် ဒၟါနူလွဟ် လက်နက် ကံၚ်ဇြဳပၞာန် မပန်ပှော်လဝ်ဂှ်တုဲ မၞိဟ်တြုံ ဒေသမွဲတၠ ဒးချိုတ်အာလဝ်ရောၚ် ဂကောံပရဟိတ ယှိုဲလွိုၚ်ကဝ် ဟီုဂးလဝ်ရ။

လၟေၚ်ဒဒှ်ဂှ်ဂှ် ပ္ဍဲဂိတုဂျောန် (၃) အခိၚ်နူဂယး ပွဳပွူ (၆) နာဍဳဂှ် ပေါဲဗ္တိုက်ဟွံမွဲမွဲသာ် ကံၚ်ဇြဳပၞာန် ပန်ပှော်စုတ်လဝ် လွဟ်ဇၞော် လ္တူဍုၚ်မိုဝ်ဗျေဝ် ဟွံအောန်နူကဵု (၅) မရ။

လွဟ်လက်နက်ဇၞော်ကံၚ်ဇြဳပၞာန်ဂှ်ဝွံ ဟိုတ်နူဒတုံဗ္တိုဟ်ထ္ကးအာလဝ် လ္တူအရာပ် (ပွဲကုန်း) (၂) လဒေါဝ်ဍုၚ်မိုဝ်ဗျေဝ်ဂှ်ရ မၞိဟ်တြုံအာယုက် (၂၂) သၞာံမွဲတၠ အဃောမတွံဒၟံၚ်ကၟဟ် ဂတမုက်သ္ၚိဂှ် ဒးအာကဝေက်မကမ်လွဟ်ဇၞော်တံဂှ်တုဲ ချိုတ်အာလဝ်ရ။

ဟိုတ်နူလွဟ်လက်နက် ဒပ်ကံၚ်ဇြဳပၞာန် ပန်ပှော်လဝ်တံတုဲ ပ္ဍဲမိုဝ်ဗျေဝ် ကောန်အရာပ်မွဲတၠ ချိုတ်အာ
ဟိုတ်နူလွဟ်လက်နက် ဒပ်ကံၚ်ဇြဳပၞာန် ပန်ပှော်လဝ်တံတုဲ ပ္ဍဲမိုဝ်ဗျေဝ် ကောန်အရာပ်မွဲတၠ ချိုတ်အာ

ဟိုတ်နူဒးအာလဝ်ကဝေက်လွဟ်ဇၞော်တံဂှ်ရ နကဵုဘဲဝပ်က္ဍဟ်ထ္ကးတိတ်အာဂှ်ကီု၊ နကဵုဝပ် ဒးအာပ္ဍဲဗုၚ် ပ္ဍဲထာၚ်ဒဳလ္ပါ်ပုၚ်တံဂှ်တုဲ ဂကောံပရဟိတ ယှိုဲလွိုၚ်ကဝ် ပလံၚ်ဗစိုပ်ကဵုလဝ် ရုၚ်ဂဥုဲညးဍုၚ်ကွာန် လွိုၚ်ကဝ်ကီု လေဝ် ကြဴနူစိုပ်ရုၚ်ဂဥုဲတုဲဂှ် ချိုတ်အာလဝ်ရ။

တုဲကၠုၚ် ပ္ဍဲအကြာတ္ၚဲတံဏံဂှ်လေဝ် ပ္ဍဲလ္တူဂၠံၚ်ကွဳစက် လွိုၚ်ကဝ်−မိုဝ်ဗျေဝ်ဂှ် ကောန်အရာပ်ဂမၠိုၚ် ဒးဒုၚ်ပန် ဂစိုတ်တုဲ ချိုတ်အာတံလေဝ် နွံတုဲ ပ္ဍဲကဵုဂိတုဂျောန် စဏံဂှ် ဟိုတ်နူဒးလွဟ်ဇၞော်တုဲ ညးမဒးချိုတ်အာ နွံကၠုၚ် (၂) တၠယျဂှ် ဂွံတီကေတ်ရ။

အတိုၚ်တၚ်လလောၚ်တြး ဂကောံဇြဟတ် ညးဍုၚ်ကွာန်ကရေၚ်ဍာဲတောတက်ဂှ်မ္ဂး အပ္ဍဲပၞာန်သီအဝဵု ပွိုၚ် (၂) သၞာံဏံ ပ္ဍဲတွဵုရးကရေၚ်ဍာဲဂှ် မၞိဟ်ဒးချိုတ်အာ နွံလဝ် စဵုကဵု (၃၂၆) တၠရောၚ် ဂွံတီကေတ်ရ။

ပရိုၚ်−သြၚ်လောန်တိုၚ်(မ်)

ဗီုဓာတ်−ဂကောံပရဟိတ ယှိုဲလွိုၚ်ကဝ်

Leave a Reply

Your email address will not be published. Required fields are marked *