ခရိုၚ်ဘာပန် ပ္ဍဲပွိုၚ်မွဲဂိတု လၟိဟ်ပေါဲဗတိုက် စဵုကဵု (၂၀၀) ဝါ က္တဵုဒှ်လဝ်

ဘာပန်၊ ဂျောန်(၄)

ပ္ဍဲခရိုၚ်ဘာပန် ပရေၚ်ပၞာန်ကြံၚ်မ္ၚိုဟ် သ္ကာတ်မြဟ်ဒၟံၚ်ဂှ် အကြာဒပ်ကံၚ်ဇြဳပၞာန် ဒပ်ပမၚ်ပယျဵု BGF ကဵု ဒပ်ပၞာန်ဗၠးၜးကောန်ဂကူကရေၚ် KNLA ဒပ်မဟာ (၅)တအ် ပွိုၚ် မွဲဂိတုဏံ ပေါဲဗတိုက် စဵုကဵု (၂၀၀) ဝါက္တဵုဒှ်လဝ်ရဂှ် ဒပ်မဟာ (၅) လလောၚ်တြးလဝ် ပ္ဍဲဂိတုဂျောန် စၟတ်တ္ၚဲ (၂)ရ။

နူကဵုဂိတုမေ စၟတ်တ္ၚဲ (၁) စဵုကဵု စၟတ်တ္ၚဲ (၃၁) ပ္ဍဲပွိုၚ် မွဲဂိတုဂှ် ပ္ဍဲပေါဲဗတိုက်က္တဵုဒှ်လဝ် ခရိုၚ်ဘာပန် KNU ဂှ် လ္ပာ်ကံၚ်ဇြဳပၞာန် BGF သီုသ္ကိုပ်ဒပ်လ္ပာ် (၁)တၠ၊ ဒုသ္ကိုပ် ဒပ်လ္ပာ် (၂)တၠ၊ အကြာပ်ဒပ်ဇၞော် (၃)တၠ၊ အကြာပ်ဒပ် (၁) ဒးချိုတ်လဝ် (၁၂၂) တၠတုဲ ဒးလဝ်ဘဲဝပ် (၄၈)တၠရဂှ် ဓမံက်လဝ် ပ္ဍဲတၚ်လလောၚ်တြးရ။

သ္အာၚ်နူဂှ်ပၠန် ပလီုပလာ်လဝ်ယာဉ်ကွဳစက်ထံက်ပလံၚ် လွဟ်လက်နက်ဇွောံမ ဒပ်ကံၚ်ဇြဳပၞာန် (၆)ဖ္ဍိုက်မာန်လဝ်ကီု ချေံဠာ ၆ လေဝ် ပြိုက်ဂစိုတ် ပသောၚ်ထောံမာန်လဝ်ရဂှ် ဟီုသ္ဂးလဝ်ရ။

ပ္ဍဲပေါဲဗတိုက်ဂိတုမေ ပွိုၚ်မွဲဂိတုဂှ် ဒပ်ပၞာန်ဗၠးၜးကောန်ဂကူကရေၚ် KNLA နူဒပ်မဟာ (၅) ကောန်သ္ဂံၚ် ၂ တၠ ဒးပြဟ်လလုဲလဝ်တုဲ ဒးလဝ်ဘဲဝပ် (၁၀)တၠရဂှ် ဒပ်မဟာ (၅) လလောၚ်တြး ဟီုသ္ဂးလဝ်ရ။

ဒပ် မၚ်ပယျဵု BGF သၟဝ်တဲကံၚ်ဇြဳပၞာန်ဂှ် ပန်ဖျေံလဝ် အမၠံက် မကမ်ဇၞော် လၟိဟ် ဗ္ဒာဲ (၆၀) မ ပ္ဍဲဒၞာဲညးဍုၚ်ကွာန်တအ်မံၚ်တန်တဴဒၟံၚ်ကီု သီုကဵုဒၞာဲကၠောန်ကမၠောန်ဂယိုၚ်ဒၟံၚ်လမျီု သီုကဵုတၚ်ရန်တၟံနွံနွံဂှ် ကောန်အရာပ် (၁) တၠ ဒချိုတ်တုဲ က္လိဂွံလဝ်ဘဲဝပ် (၂)တၠ သ္ၚိဒၟံၚ် (၂)မလေဝ် ဇီုကပိုက် ဒးလီုလာ်လဝ်ရ။

ပ္ဍဲကဵုဂိတုမေဂှ်မ္ဂး ဒပ်ကံၚ်ဇြဳပၞာန် ကၠတ်ဗတိုက် ပၠံၚ်ၜးကေတ်လဝ် ကပေါတ်ညးဍုၚ်ကွာန်ပိုၚ် မပ္တံကဵု သြန်၊ ဖုၚ် ဗွဲအဓမ္မရဂှ်လေဝ် ဂွံတီကေတ် အတိုၚ်စရၚ်သရောပ် တၚ်လလောၚ်တြး ဒပ်မဟာ (၅)ရ။

ပရိုၚ်-သြၚ်လောန်တိုၚ်(မ်)

ဗီုရုပ်-KNLA

Leave a Reply

Your email address will not be published. Required fields are marked *