“အခေါၚ်ကောန်ပၞာန်တအ် ဗ္တောန်ပညာ၊ အခေါၚ်လုပ်သှ်လိက်၊ အခေါၚ်တိုန်တက္ကသိုလ်အဝေတေန်ဒှ်တံ ကၟာတ်လဝ်ဖအိုတ်ရ၊ အဓိကဂှ် လ္ပာ်ဍေံတအ် (ကံၚ်ဇြဳပၞာန်) ဂွိၚ်ဒၟံၚ် ဖေက်ကောန်ဒပ်တအ် ဂြိပ်တိတ်ဒၟံၚ်ရ”
ဟိုတ်နူပၞာန်ဒုၚ်ဒဝ်ပၠန်ဂတးညးဍုၚ်ကွာန်တအ်တုဲ မွဲကရောံကဵု ဇြဟတ်ဒပ် ဒးလေၚ်ဒိုက်ကၠုၚ်ဒၟံၚ်ဂှ် ပ္ဍဲကဵုဒပ်ကံၚ်ဇြဳပၞာန် သီုစိုတ်ဓာတ်ဒးစှ်ေကၠုၚ်ဒၟံၚ်ဂှ် ဟိုတ်နူဟွံမိက်တိတ်မုက်ပၞာန် ဟွံမိက်ဗတိုက်ပၞာန်တုဲ ပရေၚ်ဟွံကလၚ်အမိၚ် ဂၠိုၚ်တိုန်ကၠုၚ်ဒၟံၚ်တုဲ ကောန်ဒပ်ဂြိပ်တိတ်တအ်လေဝ် သာဂၠိုၚ်ကၠုၚ်ဒၟံၚ်ရ။ အတိုၚ်လိက်ဒုၚ်စဳရေၚ် ပၞာန်ဒုၚ်ဒဝ်စဵုဒၞာညးဍုၚ်ကွာန် အလဵုအသဳညဳသၟဟ်ကောန်ဂကူ ပေၚ်ၜါသၞာံဂှ်မ္ဂး ပ္ဍဲမွဲကာလဒပ်ပၞာန်သီအဝဵုဏံ ကောန်ဒပ်ပၞာန် ကေုာံဗၠာဲသၟိၚ် ၁၃၀၀၀ ပြၚ်တအ် ပါလုပ်လဝ် ပ္ဍဲပရေၚ်ချဳဒရာၚ်ဒစဵုဒစးအဝဵု ဟွံပ္ကီုပရာပ် CDM ရဂှ် လလောၚ်တြးလဝ်ရ။ ဟိုတ်ဂှ်ရ စပ်ကဵုအကာဲအရာ ပ္ဍဲဒပ်ပၞာန်သီအဝဵုကီု၊…