ဂကောံကုတ်ဗပိုတ် သြန်ဍံက်စောန်ဆီဂှ် သွက်ဂွံအာတ်မိက် အလဵုအသဳသေၚ်္ကာပေါဝ် ကၟိန်ဍုၚ်သွံကဵုဒၟံၚ် လွဟ်ကုဒပ်ပၞာန်သီအဝဵု ဂၠိုၚ်အိုတ်မရနုက်ကဵုတတိယဂှ် ပါလုပ်သီုတၚ် သွက်ဂွံဒေါံကဵု ပရေၚ်သွံကဵုဒၟံၚ်လွဟ်၊ သွက်ဂွံကေတ်ကဵုအရေဝ် ကၟာတ်လဒဵု ပါလုပ် (၃)တၚ်ဂှ် ဗက်ကံက်ကေတ်ဒၟံၚ် စၟတ်တဲညးဍုၚ်ကွာန်တအ် မွဲကိုတ်ရ။ သွက်ဂွံကၟာတ်လဒဵုကေတ်အရေဝ် ကံၚ်ဇြဳပၞာန်မာန်ဂှ် စပ်ကဵုအကာဲအရာ ပကောံပကေဝ်ဒၟံၚ် စၟတ်တဲကီု၊ ပရေၚ်အလဵုအသဳသေၚ်္ကာပေါဝ် ပလန်လဝ်တဲကီု၊ ပရေၚ်အံၚ်ဇၞးကာမ်ပုၚ် ကုတ်ဗပိုတ်သြန်ဍံက်စောန်ဆီ ကေုာံ လၟေၚ်ကမၠောန်ကၠောန် ရေၚ်တၠုၚ်အာဂတတေံတအ်တုဲ ဆက်စၠောံသၟာန်လဝ်ကဵု ကိုဝ်သဝ်အေဝ်မူ နူကဵုဂကောံကုတ်ဗပိုတ် သြန်ဍံက်စောန်ဆီရ။
၁။ ကၠာအိုတ်ဏံ ကၠောန်ရေၚ်တၠုၚ်ဒၟံၚ် သွက်ဂွံထ္ပက်စၟတ်တဲ အာတ်မိက်ဇရေၚ်အလဵုအသဳသေၚ်္ကာပေါဝ် ကၟိန်ဍုၚ်သွံကဵုဒၟံၚ်လွဟ် သွက်ဒပ်ပၞာန်သီအဝဵု ဇၞော်အိုတ်မရနုက်ကဵုတတိယရဂှ် ဂွံတီကေတ်ရ။ ပရေၚ်ညးဍုၚ်ကွာန်တအ်ပါလုပ် ၜိုတ်ဂလိုၚ်လဵု နွံဒၟံၚ်ယျရော။
ပိုဲဂှ် စွံလဝ်တၚ်ပ္တဝ်က္ဍိုပ်ကဵု ဍုၚ်သေၚ်္ကာပေါဝ်တုဲ လွဟ်လက်နက်ဇွောဝ်လုပ်ဒၟံၚ် ပ္ဍဲဒပ်ကံၚ်ဇြဳပၞာန်တအ်၊ သွက်ဂွံကၟာတ်လဒဵု ပရေၚ်ကဵုဒၟံၚ်အခေါၚ် ဒပ်ပၞာန်ပ္ကီုပရာပ်သုၚ် စောဲဒၟံၚ်သၞောတ်ဘဏ္ဍာတအ် ပရေၚ်ချဳဒရာၚ်အာတ်မိက်ဒၟံၚ် အလဵုအသဳသေၚ်္ကာပေါဝ်ဂှ်တှ်ေ ဒှ်ဒၟံၚ် အလန်တတိယရ။ ယဝ်ရကလေၚ်တော်ကဵုဂိတုတှ်ေ ဒှ်အာပွိုၚ်ၜါဂိတု ဆက်ဆက်ယျ။ ပ္ဍဲကဵုၜိုတ်ၜါဂိတုဏံဂှ် ပ္ဍဲကဵုအခိၚ် ကာလပြဟ်ဟ်တေံဂှ် အလဵုအသဳသေၚ်္ကာပေါဝ် ဂကောံညးအရာပ်တအ်၊ ဂကောံဇြဟတ်ပၠန်ဂတးတအ် ပံၚ်တောဲတုဲ ကဵုလဝ်ပညာ ကၠောန်လဝ်ပရေၚ်ချဳဒရာၚ် မွဲရ။ လ္ပာ်ညးတအ် မုလေဝ် ဟွံက္လေၚ်လဝ် ပရိုၚ်ဏီပုဟ်။ သ္ပဟိုတ်ကဵုအရာဏံတုဲတှ်ေ ပိုဲတအ် ထပ်မွဲအလန်ပၠန်တုဲ ကၠောန်ရေၚ်တၠုၚ်ဒၟံၚ် ပရေၚ်ချဳဒရာၚ် ညံၚ်ညးဍုၚ်ကွာန်တအ် ဂွံပါလုပ်ထ္ပက်စၟတ်တဲ ဂွံရ။ တၚ်ပ္တဝ်ပိုဲဂှ်တှ်ေ နူကၠာတေံ သွက်စၟတ်တဲ ၜိုတ်မွဲကိုတ် ကံက်ဏောၚ်ဟီုတုဲ ကၠောန်လဝ်ရ။ ဒဵုကဵုလၟုဟ်ဏံ ဂွံလဝ် ၜိုတ်ပိလ္ၚီဓဝ်ညိကွေံရ။ လၟုဟ်ဂှ်တှ်ေ ညံၚ်စၟတ်တဲ ဂွံပေၚ်မွဲကိုတ်ဂှ်လေဝ် ၜိုတ်ပိုဲသ္ပမာန် ဂစာန်အာဏောၚ်။ ညံၚ်ဂွံပေၚ်လေဝ် ၜိုတ်သ္ပမာန် ဆဝ်ပ္ၚုဟ်အာဏောၚ်။ ယဝ်ရဟွံပေၚ်လေဝ် ၜိုတ်ဂွံကဵုဂွံ ပလံၚ်ဗစိုပ်အာဏောၚ်။ တ္ၚဲသီအဝဵု ပေၚ်လ္ၚီတ္ၚဲ ကၠုၚ်စိုပ်ဂတဏံ ဒှ်ပ္ဍဲဂိတုဂတဏံဏောၚ်။ အခိၚ်ဂှ်တှ်ေ ပံၚ်တောဲကဵု စၟတ်တဲညးဍုၚ်ကွာန်တအ်တုဲ ပလံၚ်ဏာ လိက်ပံက်ထိုၚ်ကဵု အလဵုအသဳသေၚ်္ကာပေါဝ်ဏောၚ်။
၂။ တၚ်လဵုစွံအဓိကတုဲ အာတ်မိက်လဝ် ဇရေၚ်အလဵုအသဳသေၚ်္ကာပေါဝ်ရော။ စပ်ကဵုတၚ်အာတ်မိက်လဝ်တုဲ သောၚ်ထ္ၜးကဵုညိ။
တၚ်မွဲဂှ်တှ်ေ နူကဵုဍုၚ်သေၚ်္ကာပေါဝ် ကုမ္ပဏဳဖျေံသ္ဇိုၚ်သေၚ်္ကာပေါဝ်တအ်၊ နကဵုအလဵုအသဳသေၚ်္ကာပေါဝ် ကၠောန်သ္ပရေၚ်တၠုၚ်ကဵု ပရေၚ်ဂၠိုက်ဂၠာဲစၟဳစၟတ် ကေတ်ကဵုအရေဝ် ညံၚ်ညးဂမၠိုၚ်ဂွံတီ ဟီုတုဲ ပိုဲအာတ်မိက်လဝ်ရ။ လ္တူလိက်ဒုၚ်စဳရေၚ်ကုလသမဂ္ဂ တိတ်ကၠုၚ်လဝ်ဂှ် အခိၚ်အာဆဵုဂဗကဵု ညးတာလျိုၚ်သေၚ်္ကာပေါဝ်တအ်ဂှ် မုဂကောံအလဵုအသဳသေၚ်္ကာပေါဝ် ဟီုလဝ်ရောတှ်ေ စပ်ကဵုကိစ္စဏံတုဲ စပ်ကဵုပရေၚ်သွံကဵုဒၟံၚ် လွဟ်လက်နက်ကၟိန်ဍုၚ်ဗၟာဏံတုဲ ဂၠိုက်ဂၠာဲစၟဳစၟတ်ကဵုဏောၚ်ဟီုတုဲ ညးတအ် ဟီုပ္တိတ်လဝ် နူပါၚ်ညးတအ်ရ။ ဣဏံဂှ် ဟီုလဝ် နူကဵုပ္ဍဲအလဵုအသဳသေၚ်္ကာပေါဝ်ရ။ ကလေၚ်ဂၠာဲရံၚ်ကေတ် အကြာပရိုၚ်တအ် ဂွံဒၟံၚ်။ ညးတအ် ဟီုလဝ်ဗီုဏံတုဲ မုလေဝ် ဟွံကၠောန်ကဵုလဝ် ဒဵုစိုပ်တရဴပုဟ်။ ညးတအ်ကၠောန်ဒၟံၚ် ဇေတ်တ်လေဝ် ကာလဒှ်တှ်ေ ဒှ်ဏောၚ်။ ပိုဲတအ်ဂှ် နဒဒှ်ကဵုဇြဟတ်ဓရိုဟ်မွဲဂှ် ကုမ္ပဏဳဖျေံသ္ဇိုၚ်သေၚ်္ကာပေါဝ် သွံကဵုဒၟံၚ်လွဟ်လက်နက်ကဵု ဒပ်ပၞာန်ပ္ကီုပရာပ်တအ်။ ကုမ္ပဏဳပါလုပ်ဒၟံၚ် ပ္ဍဲပရေၚ်သွံကဵုဒၟံၚ် လွဟ်လက်နက်တအ်ဂှ်၊ ကုမ္ပဏဳစအကြာတအ်၊ ကုမ္ပဏဳပလံဗစိုပ်တအ်၊ အခိၚ်ဂၠိုက်ဂၠာဲစၟဳစၟတ် ကုမ္ပဏဳတအ်ဂှ်တှ်ေ သွက်ဂွံဂၠိုက်ဂၠာဲစၟစၟတ်ကဵု ကၠးကၠးမးမးဂှ် အာတ်မိက်လဝ်တၚ်ဏံရ။
တၚ်မုက်ဂၞန် ၂ ဂှ်တှ်ေ နူကဵုသေၚ်္ကာပေါဝ် မုဟိုတ်ဒှ်ဒှ် ပရေၚ်သွံကဵုဒၟံၚ် ဒပ်ပၞာန်ဗၟာတအ်ဂှ် နကဵုအလဵုအသဳသေၚ်္ကာပေါဝ် ကၟာတ်လဒဵုကဵုညိဟီုတုဲ ပိုဲအာတ်မိက်လဝ်ရ။ တၚ်မုက်ဂၞန် ၃ ဂှ်တှ်ေ ဍုၚ်သေၚ်္ကာပေါဝ်ဂှ် ဒှ်ဗဟဵုပရေၚ်ဘဏ္ဍာ သွက်ဒပ်ပၞာန်ပ္ကီုပရာပ်ရ။ ကဵုဒပ်ပၞာန်သြန် သွက်ကၠေၚ်က္ၜၚ်ကျာတအ်၊ ကဵုဒၟံၚ်သြန် သွက်ဂွံရာန်ကေတ်ဒၟံၚ်လွဟ်လက်နက်တအ်၊ ကၟိန်ဍုၚ်သ္အာၚ်တအ်ဂှ်လေဝ် ကၠောန်ကဵုဒၟံၚ် ပရေၚ်ပ္တိတ်သြန် ပၠုပ်သြန် သွက်ဒပ်ပၞာန် ပၞေတ်ဗဟဵုလှုဲလှာ်လေဝ် ဒှ်ရ။ တုဲမွဲတၚ်ပၠန်ဂှ် သြန်အရန်ဍုၚ်သ္အာၚ် ကၟိန်ဍုၚ်ဗၟာလေဝ် ဗ္ဒာဲပန်ဒဿမ တြဴဗဳလျာန်ဂှ် ကဵုလဝ်အခေါၚ် ဒပ်ပၞာန်သုၚ်စောဲဒၟံၚ်ရလေဝ် ဏး။ သြၚ်အရန်တအ်ဏံဂှ် စွံလဝ် ပ္ဍဲတိုက်သြန် ကၟိန်ဍုၚ်သေၚ်္ကာပေါဝ်ရ။ ဒပ်ပၞာန်ဂှ် သီကေတ်ထိၚ်ဒဝ် အုပ်ဓုပ်လဝ်ကၟိန်ဍုၚ်ဗၟာဂှ်ရ သြန်တအ်ဏံဂှ် အလဵုအသဳသေၚ်္ကာပေါဝ် ကဵုလဝ်ကၟိန်ဍုၚ်ဗၟာ သုၚ်စောဲဒၟံၚ်ရ။ ဒပ်ပၞာန်လေဝ် ကဵုလဝ်အခေါၚ်သုၚ်စောဲ သၞောတ်ဘဏ္ဍာ ကၟိန်ဍုၚ်သေၚ်္ကာပေါဝ်ရ။
ပိုဲဂှ် တၚ်မိက်ဂွံအာတ်မိက် တၚ်မရနုကဵုတတိယဂှ်တှ်ေ ညံၚ်ဟွံကဵု ဒပ်ပၞာန်ပ္ကီုပရာပ် အခေါၚ်သုၚ်စောဲ သၞောတ်ပရေၚ်ဘဏ္ဍာ ကၟိန်ဍုၚ်သေၚ်္ကာပေါဝ်ဂှ် အာတ်မိက်လဝ် တၚ်အဓိက ၃ တၚ်ရ။
၃။ သွက်ဂွံစဵုဒၞာကဵု ပရေၚ်နူကဵုကုမ္ပဏဳဖျေံသ္ဇိုၚ်သေၚ်္ကာပေါဝ်တအ် ပြံၚ်စၠောံသွံကဵုဒၟံၚ် ကပေါတ်ဗၞိက် နဲကဲကွတ်ပညာ အသုၚ်စောဲသွာၚ်ပၞာန် -သွာၚ်အရာပ်ဂှ် ကြဴနူဂကောံညးအရာပ် ပ္ဍဲဍုၚ်မ္ၚးဍုၚ် ဗ္ဒာဲၜါကၠံဂကောံ ပလံၚ်ဗစိုပ်လဝ် လိက်ပံက်ထိုၚ် ဇရေၚ်အလဵုအသဳသေၚ်္ကာပေါဝ်တုဲဂှ် မုတၟေၚ်တၟဟ်ကၠုၚ် နွံကီုရော။
ပိုဲပလံၚ်ဗစိုပ်လိက်တုဲဂှ် နကဵုအလဵုအသဳသေၚ်္ကာပေါဝ် ကလေၚ်နၚ်လဝ်ပရိုၚ် မမိက်ကဵုမွဲမွဲဟၟဲပုဟ်။ ပိုဲလေဝ် ဟွံစၟဳလဝ် ကွေံကွေံကြာန်န်ပုဟ်။ အလဵုအသဳသေၚ်္ကာပေါဝ် ဒးကလေၚ်ကဵုနၚ်ပရိုၚ် လွာဲလၟုဟ်ဏောၚ်၊ ဒးက္လေၚ်ပလန်တဲဏောၚ်ဂှ် ဟွံစၟဳပတှ်ေလဝ်ပုဟ်။ ဍေံကိတ်ညဳအာဟာဟွံတီ။ ကၠာနူဟွံဂွံပလံၚ်လိက်ဏီဂှ် ပရိုၚ်ကၟာတ်လဒဵုကေတ်လဝ်အရေဝ် ကုကောန်ဍုၚ်သေၚ်္ကာပေါဝ် ပၠုပ်ဒၟံၚ်သၞောတ်ဇြောလာ သွက်ဒပ်ပၞာန်ဗၟာၜါတၠဂှ် တိုန်ကၠုၚ်ရ။ ဣဏံဂှ် ဍေံကိတ်အာဟာ။ ဟိုတ်နူပိုဲချဳဒရာၚ်အာတ်မိက်လဝ်ဟာ။ ထ္ၜးဗီုပြၚ်သက်က်ရဟာ၊ ဗီုဂှ်ရ ကေတ်လဝ်အရေဝ် ကၟာတ်လဒဵုလဝ် ကောန်ဍုၚ်သေၚ်္ကာပေါဝ်ၜါတၠဂှ်တှ်ေ ဂွံဆဵုကေတ်ရ။
၄။ နကဵုဂကောံကုတ်ဗပိုတ် သြန်ဍံက်စောန်ဆီဂှ် သွက်ဂွံဗတိုက်သရိုဟ် ကုတ်ဗပိုတ်ရိုဟ်ကၞက်သၞောတ်တၠအဝဵုပၞာန်မာန်ဂှ် မုစဳဇန်လဝ် သွက်ဂွံဆက်ကၠောန်ရေၚ်တၠုၚ်အာ နွံရော။
ယွံ။ ပ္ဍဲပိုဲဂှ် တၚ်ပ္တဝ် နွံဒၟံၚ်ရ။ အခိၚ်လၟုဟ်ဏံဂှ်တှ်ေ ပ္တဝ်လဝ်ကဵု အလဵုအသဳသေၚ်္ကာပေါဝ်ရ။ အတိုၚ်ဗီုဟီုလဝ် နူကၠာဂှ်ရ။ ကၟိန်ဍုၚ်သေၚ်္ကာပေါဝ်ဂှ် သွက်ဂွံဂၠိုက်ဂၠာဲစၟဳစၟတ်ကဵု ပရေၚ်ပၠုပ်နၚ်ဒၟံၚ် လွဟ်လက်နက်ကီု၊ ညံၚ်ပရေၚ်ပၠုပ်နၚ်ဒၟံၚ်လွဟ်လက်နက်တအ်ဂှ် ဂွံဒေါံအာပေၚ်ၚ်ကီု၊ တုဲမွဲပၠန်ဂှ် ညံၚ်ဟွံဂွံကဵု ဒပ်ပၞာန်သုၚ်စောဲ သၞောတ်ဘဏ္ဍာကီု ပ္ဍဲအရာအာတ်မိက်လဝ် ၃ တၚ်ဏံဂှ် ဂကောံညးအရာပ်တအ်၊ ဂကောံဇြဟတ်ပၠန်ဂတးတအ် အာတ်မိက်လဝ် ဂကောံ ၂၀၀ ဂကောံရ။ ထပ်တုဲပၠန် အကာဲအရာညးဂမၠိုၚ် ဂွံပါလုပ်မာန်မွဲဂှ် ထပ်တုဲ ပိုဲဖန်ဗဒှ် ပ္တိတ်ဒၟံၚ်ဇြဟတ်တုဲ ဆက်တုဲ ကဵုအာဇြဟတ်ဓရိုဟ်ကဵု အလဵုအသဳသေၚ်္ကာပေါဝ်ဏောၚ်။ အတိုၚ်တၚ်သ္ဂုတ်သွာတ်ဂှ် သွက်ဂွံကဵုအာဇြဟတ်ဓရိုဟ်အလဵုအသဳသေၚ်္ကာပေါဝ် လၟုဟ်ဂှ်ကီု ပ္ဍဲတ္ၚဲသီအဝဵုပေၚ် လ္ၚီတ္ၚဲဂှ် သွက်ဂွံပလံၚ်ဗစိုပ်ဏာ ဇရေၚ်အလဵုအသဳသေၚ်္ကာပေါဝ် စၟတ်တဲကီုဂှ် နွံဒၟံၚ်ရ။ ပရေၚ်ချဳဒရာၚ် ပ္တဝ်လဝ်ကဵု အလဵုအသဳသေၚ်္ကာပေါဝ် မွဲတန်ဂှ်တှ်ေ ပိုဲကံက်ကေတ်ဒၟံၚ်စၟတ်တဲရ။ ဣဏံဂှ် ဒှ်သွက်ပရေၚ်ချဳဒရာၚ်ဏံရ။ ပ္ဍဲကဵုတၚ်ပ္တဝ်ပိုဲဂှ် တၚ်ပ္တဝ်ဗီုကဵုအလဵုအသဳသေံလေဝ် ပါဒၟံၚ်။ ဗီုကဵုဂကောံ ပဳတဳတဳလေဝ် ပါဒၟံၚ်။ အရာထံက်ပၚ်ကဵုဒၟံၚ် ဒပ်ပၞာန် သြန်ဂၠိုၚ်အိုတ်တအ်ဂှ် ပါလုပ်ဒၟံၚ်ဗွဲမဂၠိုၚ်ရ။
ဗီုဏံဂှ် ယဝ်ရအလဵုအသဳ ဗီုကဵုသေံတှ်ေ လကြဴတှ်ေ စွံတၚ်ပ္တဝ်တုဲ ဆက်ကၠောန်အာ ပရေၚ်ချဳဒရာၚ်ဏောၚ်။ ညံၚ်ညးဍုၚ်ကွာန်တအ် ဂွံပါလုပ်မာန်လေဝ် ရေၚ်တၠုၚ်အာဏောၚ် ။တုဲပၠန် နူကဵုအလဵုအသဳအမေရိကာန် မွဲကဆံၚ် သွက်ဂွံအာတ်မိက်ချဳဒရာၚ်အာ ညံၚ်ဂွံဖျေံကဵုသာန်ယှေန် သီုအလုံသၟုဟ်ဓာတ်သဘာဝကၟိန်ဍုၚ်ဗၟာမွဲဂှ်လေဝ် လကြဴတှ်ေ ပိုဲစဳဇန်လဝ် နွံဒၟံၚ်ရ။
အခိၚ်အာတ်မိက်ချဳဒရာၚ်ဂှ်တှ်ေ ကဵုဇြဟတ်ပိုဲသၟးဂှ် မုလေဝ် ကၠောန်ဟွံဂွံပုဟ်။ ပံၚ်ကဵုညးဂမၠိုၚ်တုဲတှ်ေ ချဳဒရာၚ် အာတ်မိက်အာဏောၚ်ဂှ်ရ ပ္ဍဲအခိၚ်ဗီုလၟုဟ်ဏံလေဝ် ဆက်တုဲ ကံက်ကေတ်အာစၟတ်တဲတအ် ဗီုကဵုပရေၚ်ချဳဒရာၚ် သ္ပစၟတ်သမ္တီ ပရေၚ်ညးဂမၠိုၚ် ဂွံပါလုပ်တအ်ဂှ်လေဝ်။ သွက်ဂွံကၠောန်ရေၚ်တၠုၚ်ချဳဒရာၚ်အာဗီုဏံ နွံဒၟံၚ်ရ။ အခိၚ်လၟုဟ်ဏံဂှ်တှ်ေ ကၠောန်ဒၟံၚ်ပရေၚ်ချဳဒရာၚ် ထ္ပက်စၟတ်တဲ ပ္တဝ်လဝ်ကဵု အလဵုအသဳသေၚ်္ကာပေါဝ်ရ။
၅။ အလန်လကြဴအိုတ်ဏံ ကာမ်ပုၚ်ဇြောယှေဝ်မဳဒဳယာ ကုတ်ဗပိုတ် သြန်ဍံက်စောန်ဆီ ဆေၚ်ကဵုဂၠးကဝ်ဂှ် ၜိုတ်ဂလိုၚ်လဵု စိုပ်ဒၟံၚ်တရဴဏောၚ် ညာတ်ကေတ်ရော။
နဒဒှ်ပရေၚ်ချဳဒရာၚ် အလုံမွဲဂၠးကဝ်ဂှ် ကြဴနူကၠောန်ဗဒှ်တုဲ သ္ကုတ်လကြဴတေံ PTT ဂှ်မုရော၊ ဗီုလဵုရော၊ ဗီုပြၚ်လဵု ပါလုပ်ဒၟံၚ်ရော။ PTT ဂှ် ၜိုတ်ဂလိုၚ်လဵု ပၟိက်ဇၞော်ဒၟံၚ်ရောဟီုဂှ် ကောန်ဍုၚ်ဗၟာ မံၚ်ဒၟံၚ်ပ္ဍဲကၟိန်ဍုၚ်ဗၟာတအ် တီကေတ်အာရ။ တၚ်ၜါဂှ်တှ်ေ ပရေၚ်ချဳဒရာၚ်ဗကပ်ဗဗေၚ် ကပေါတ်ဗၞိက်ကၠောန်ပ္တိတ် နူ PTT ဂှ်တှ်ေ ၜိုတ်ထေက်ကြိုက် အံၚ်ဇၞးလဝ်ရ။ အေန်ဂျေန်ဝိုၚ် PTT တအ်၊ ဗီုကဵုဆေၚ်တောဲကမၠောန်ကဝ်ဖဳတအ် ဟၟဲကၠုၚ်တအ်ရ။ ပိုဲဂွံညာတ်ကေတ် ဗီုပြၚ်တအ်ဏံရ။ ဒဵုကဵုလၟုဟ် ဗကပ်ဒၟံၚ်ဗဗေၚ်ဖိုဟ်ဟာ။ ဗကပ်ဟာ၊ ဟွံဗကပ်ဟာဂှ် ၜိုန်ရဟွံဂွံပကောံပကေဝ်လဝ်တၚ်ဂၞၚ်ကီုလေဝ် ပရေၚ်ချဳဒရာၚ်ပိုဲဂှ် စိုပ်လဝ်တရဴဏောၚ်ဂှ် သ္ပဂွံဒၟံၚ်သတိရ။
တၚ်တတိယဂှ်တှ်ေ ပ္ဍဲကဵုအကြာပွဳဗွိုၚ်ကၟိန်ဍုၚ်နာနာဂှ် တၚ်တၟေၚ်တၟဟ် ဒးထ္ၜးဏောၚ်တှ်ေ နူကဵုကုမ္ပဏဳ PTT နုက်တိတ်အာလဝ် ဂကောံယှေဝ်ယာ။ ဇီုကပိုက်ဒး ဒဝ်ဠာဂၠိုၚ်ကဵုပြကောဋိကိုတ်ရ။ တုဲတှ်ေ သွက်ကုမ္ပဏဳ PTT လေဝ် ဇီုကပိုက်ဒးဂိလေဝ် ဒှ်လဝ်ရ။
တၚ်ပန်ဂှ်တှ်ေ ကုမ္ပဏဳတအ်ဏံ တိတ်အာတုဲတှ်ေ PTTOR ကဵု ဂကောံကမ္ဘောဇ ပံၚ်တုဲတှ်ေ သွက်ဂွံပံက်အာဆေၚ်ကၠေၚ်ပါ် ပ္ဍဲကၟိန်ဍုၚ်ဗၟာ စဵုကဵု ၁၀၀ ဆေၚ်ပြၚ်နွံဒၟံၚ်ရ။ ကိုန်စဳမာန်ဏံ ဒးပလီုလဝ်ရ။ ပလီုရုပ်လဝ်ရဂှ် လလောၚ်တြးလဝ် ပေၚ်ၚ်ရ။ ဣဏံဂှ် ဒှ်အဆက်တောဲ ပရေၚ်ကဵုဇြဟတ်ဓရိုဟ် လ္တူ PTT ပေၚ်ၚ်ရ။
လကြဴအိုတ်မွဲပၠန်ဂှ်တှ်ေ သွက်ဍုၚ်လဂုၚ် ပ္ဍဲကဵုသဳလဝါဟာဟွံတီပုဟ်။ ကၠောန်လဝ် သွက်ဂွံသိုၚ်ရုၚ်ကဵုဇြဟတ်ဓာတ်လလဳနွံရ။ PTT ကဵု ကမ္ဘောဇပံၚ်တုဲ ဣဏံဂှ်လေဝ် ဒေါံလဝ်ရ။ နဒဒှ်ကမၠောန် PPOR ဂှ် ဒေါံထောံလဝ်ရ။ ဟီုတှ်ေ တအ်ဏံဂှ် ပ္ဍဲအရာကၠောန်ဒၟံၚ် ပရေၚ်ချဳဒရာၚ် ဆေၚ်ကဵုဂၠးကဝ်ဂှ် ဖိုလ်အဆက်တောဲကြဴ ပိုဲဂွံလဝ်တအ်ဂှ်တှ်ေ ပံက်ကေတ်အဓိပ္ပါယ်ဂွံ နွံရ။