ဟိုတ်နူက္ၜၚ်ကျာထံက်ကၚ်အမေရိကာန် စိုပ်ကၠုၚ်တုဲ က္ၜၚ်ကျာကိုဝ်ရဳယာသၟဝ်ကျာ ပဝ်တိုန်အာ
sanlontai ပျုမ်ယာမ် – အဝ်ဂေတ်(၂၀) ဟိုတ်နူက္ၜၚ်ကျာထံက်ကၚ်အမေရိကာန် လုပ်စိုပ်ကၠုၚ် ပ္ဍဲအပိုၚ်ခြာပရေၚ်ပိုန်ဒြပ်တၟေၚ် ကိုဝ်ရဳယာသၟဝ်ကျာတုဲ က္ၜၚ်ကျာပၞာန်တအ် ဒးပဝ်တိုန်လဝ်ရဂှ် သၞာဲဒဴကိုဝ်ရဳယာသၟဝ်ကျာတအ် ဟီုလဝ် ပ္ဍဲဂိတုအဝ်ဂေတ် စၟတ်တ္ၚဲ(၁၈)ရ။ ပရေၚ်ပရောက္တဵုဒှ်လဝ် ပ္ဍဲဂိတုအဝ်ဂေတ် စၟတ်တ္ၚဲ (၁၇)တုဲကၠုၚ်တေံဂှ် ဒှ်လောန်ၜက်ပရေၚ်ပၞာန် အန္တရာယ်နွံဒၟံၚ်တုဲ ကိုဝ်ရဳယာသၟဝ်ကျာဂှ် သွက်ပရေၚ်ပရောက္တဵုဒှ်ကၠုၚ်ပ္ဍဲအနာဂတ်ဂတဏံမာန်လေဝ် ချပ်ဇန်လဝ် အကာဲအရာကၠောန်ရေၚ်တၠုၚ် တာဒၞာအာရောဂှ် ညးယိုက်ဝန်ဆေၚ်ကဵုသွာၚ်ပၞာန်မွဲတၠ ဟီုသ္ဂးလဝ်ရ။ ပရေၚ်ဒဒှ်ဏံ က္တဵုဒှ်လဝ် ကၠာဟွံဂွံကၠောန်ဗဒှ်ကောံဓရီုကဆံၚ်လ္တူ ကၟိန်ဍုၚ်အမေရိကာန်၊…