ၜဳကလေၚ်၊ ဂျာန္နဝါရဳ (၃၁) အပ္ဍဲကွာန်ဒိုက်ယိတ်၊ ပွိုၚ်ဍုၚ်ၜဳကလေၚ်၊ တွဵုရးဍုၚ်မန်ဂှ် ဟိုတ်နူပရေၚ်ပန်ပှော်လွဟ်ဇၞော် ဒပ်ကံၚ်ဇြဳပၞာန် ပ္ဍဲကဵုဂိတုဂျာန္နဝါရဳ (၂၉) ဂှ်တုဲ ညးဒေသ (၂) တၠ ကလိဂွံလဝ်ဝပ်တုဲ သ္ၚိဒၟံၚ် (၄) မ လီုလာ်အာလဝ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲကဵုတ္ၚဲဂှ် အခိၚ်ဗ္တံၜိုတ် (၇) နာဍဳကဝါ်ဂှ် နူကဵုဒပ်အမၠံက်ဇြဳဝန် ကံၚ်ဇြဳပၞာန် ဖျေံသ္ဇိုၚ်ပွိုၚ်ဍုၚ်ၜဳကလေၚ်…
မတ်မလီု၊ ဂျာန္နဝါရဳ (၃၁) စဵုကဵုစၟတ်တ္ၚဲ ဂျာန္နဝါရဳ (၃၀)အတိုင် AAPP တအ် လလောင်တြးထ္မံက်ထ္ၜးလဝ်ဂှ် အလုံကၟိန်ဍုင်ဗၟာဏံအခိင်ပၞာန်သီအဝဵုတုဲ အပ္ဍဲ (၇၂၉)တ္ၚဲဂှ် ညးဍုင်ကွာန်မှာဇန် မဒးဒုင်ဂစိုတ်ထောံ နကဵု ပကီုပရာပ်ဂှ် မၞုံကၠုင် စဵုကဵု(၂၉၀၁)တၠဂှ် ဂွံတီကေတ်ရ။ လၟိဟ်ညးမဒးဒုင်ရပ်လဝ်ဂှ် မၞုံကၠုင် (၁၇၅၂၅)တၠ မဒှ်တုဲ၊လၟိဟ်ညးမကလေၚ်ဗၠးတိတ်ကၠုၚ်ဂှ် မၞုံကၠုင် (၃၇၈၁)တၠ မဒှ်ရ။ ဟိုတ်နူဘဲပကီုပရာပ် ကံၚ်ဇြဳပၞာန်သီအဝဵုတုဲ နူကဵုလ္တူဍုင်လ္ဂုင်ဂှ် ညးမဒးပြဟ်လလုဲအာ…
ပျုၚ်ယာန်၊ ဂျာန္နဝါရဳ (၃၀) တၚ်သ္ဂုတ်သွာတ်အမေရိကာန် မထံက်ပၚ်ပလံၚ်ဗစိုပ် ကွဳစက်ခြပ်ပသဲဂတာပ်ခေတ် ကုယူကရုၚ် သွက်ဂွံရီုဗၚ် ပ္ဍဲအရာဗ္တိုက် ကုဂကောံဒပ်ရုယှာတံဂှ် ဒေံဗြဴ က္ဍိုပ်သ္ကိုပ်ကေန်ဂျုၚ်အာန် မဒှ်ပူဂဵုသြဇာဇၞော်မွဲတၠ ပ္ဍဲကိုဝ်ရဳယျာသၟဝ်ကျာ ကေန်ယောဂျောန် ဗျိပၠုတ်ဟီုဖျေံလဝ်ကဝုရ။ အမေရိကာန်ဝွံ ဖံက်ပ္ကဝ် စေဝ်ပၞောန်ပရေၚ်ဂီုကၠီုသၠုၚ်အိုတ်ဂှ်တုဲ သၠုၚ်ပ္တိုန်ဒၟံၚ်အသိၚ်ပေါဲပၞာန် မဖန်ဗဒှ်လဝ် သွက်ဂွံပလီုရုယှာရောၚ်ဂှ် စောတ်စောဲလဝ်ရ။ ပ္ဍဲဂိတုဂျာန္နဝါရဳ (၂၇) ဂှ် ကေန်ယောဂျောန် ဟီုဂးလဝ်သာ်ဏံတုဲ စပ်ကဵုပေါဲပၞာန်ယူကရုၚ်တုဲ ကဵုက္ဍိုပ်ထ္မံက်ထ္ၜးလဝ်…
နေဗျဳဒဝ်၊ ဂျာန္နဝါရဳ (၃၀) ဟိုတ်နူသၞောဝ်ဗော်ပရေၚ်ဍုၚ်ကွာန် ကံၚ်ဇြဳပၞာန် မစၞောန်ပျးလဝ်ဂှ်တုဲ ပါဲနူဗော်ကျခိုၚ်ယျေ မဒှ်ဗော် ဒပ်ပၞာန်မၞုံလက္ကရဴဂှ်တုဲ ဗော်ပရေၚ်ဍုၚ်ကွာန်မသှ်ေဒၟံၚ်တံဂှ်ကဵု ဗော်ပရေၚ်ဍုၚ်ကွာန်ကောန်ဍုၚ်အရၚ်တံ သွက်ဂွံဆက်ဒတူလိုၚ်ဂှ် ဝါတ်ဂါတ်ကၠုၚ်ရောၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ သၞောဝ်ဥပဒေဗော်ပရေၚ်ဍုၚ်ကွာန် ကောန်ဗော်မွဲကိုဋ် ကေုာံ သြန်ဗွဝ်ဗော် မွဲလ္ၚီကိုဋ်ဒ္ကေဝ် မ္ဒးနွံဂှ် ဥက္ကဌကံၚ်ဇြဳပၞာန် သ္ကိုပ်ပၞာန်ဇၞော် မေန်အံၚ်လှာၚ် ထ္ပက်စၟတ်တဲတုဲ ပ္ဍဲဂိတုဂျာန္နာဝါရဳ (၂၆) ဂှ် စၞောန်ပျးလဝ်ရ။…
မတ်မလီု၊ ဂျာန္နဝါရဳ (၃၀) အလုံမွဲကၟိန်ဍုၚ် အပ္ဍဲကာလပွိုၚ်ၜါသၞာံ ဒပ်ပၞာန်သီလဝ်အဝဵုဂှ် ကရောံအကြေပ်အဂြတ်ပရေၚ်ပိုန်ဒြပ်တံဂှ် ဟိုတ်နူအခက်အခုဲပရေၚ်စသုၚ်မံၚ်စံၚ်ဗိုက်လ္တက်တံတုဲ လွဳလွတ်ဟွံမာန်ဂှ်ရ ညးအဝဲဟွံခံၚ်တံ စဵုကဵုလမျီုဒးအိုတ် နွံကၠုၚ်ရဂှ် ညးမရီုဗၚ်ရေၚ်တၠုၚ်ကဵုဒၟံၚ် ပရေၚ်ညးအဝဲဟွံခံၚ်တံ ဟီုကဵု ဌာန်ပရိုၚ်သြၚ်လောန်တတိုၚ်(မ်) ရ။ ညးအဝဲဟွံခံၚ်တံဝွံ သ္အာၚ်နူပြသၞာၚုဟ်ဗၞိက်စသုၚ်သ္ဇိုၚ် သၠုၚ်တိုန်ကၠုၚ် ဂၠိုၚ်ကဵုဆ မက္တဵုဒှ်ကၠုၚ် ကြဴနူဒပ်ပၞာန်သီအဝဵုတုဲဂှ် ဒးဆေၚ်ဒၟံၚ်မုက် သီုအခေါၚ်အရာကမၠောန်ကၟိတ်အောန်ကြဳတံ၊ ခရိတ်အိုတ်နာနာ ဇၞော်သၠုၚ်တံ ဇၞော်ကဵုဇြဟတ်ရ။ မွဲလ္ပာ်ပၠန်ဂှ် ညးအဝဲဟွံခံၚ်တံဝွံ…
ကြုၚ်ဒဵု၊ ဂျာန္နဝါရဳ (၃၀) အပ္ဍဲပွိုၚ်ဍုၚ်ကြုၚ်ဒဵု တွဵုရးကရေၚ် ပဋိပက္ခပရေၚ်ပၞာန်တံ မက္တဵုဒှ်လဝ် ဗွဲမသ္ကာတ်မြဟ်ဂှ် အကာဲအရာပရေၚ်ပၞာန် ပြဟ်ဟ်ဏံ ညိၚ်ဝတ်ဒၟံၚ်ကီုလေဝ် ဒပ်ကံၚ်ဇြဳပၞာန် ဟိုတ်နူကၠောန်သ္ပပန်ပှော်လဝ် လွဟ်ဇၞော် အပ္ဍဲကွာန်တံဂှ်ရ ညးဍုၚ်ကွာန်ပါဲဒဴဘဲပၞာန် ဗွဲမဂၠိုၚ် ဟွံဂံၚ်ကလေၚ်စဴဌာန်ဒၟံၚ်အိုတ်ဏီပုဟ်ဂှ် ညးဒေသပါဲဒဴဘဲပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ အကြာဒပ်ကံၚ်ဇြဳပၞာန် မချဳဒရာၚ်ထ္ပက်ကၠုၚ်ကရောၚ်ပၞာန် လ္ပာ်ကွာန်ကအ်ဗိုတ်၊ ဂြိုပ်ကြုက်၊ ညံၚ်ယုက်တာ(ညောၚ်ရိပ်သာ) ၊ မိဂလုံ၊ ကအ်ကျာ်…
လံၚ်လုၚ်၊ ဂျာန္နဝါရဳ (၃၀) နကဵုညးဒုၚ်ကာ Non CDM သၟဝ်တဲကံၚ်ဇြဳပၞာန် နူပွိုၚ်ဍုၚ်လံၚ်လုၚ်၊ ရးဒေသဇၞော်တၞၚ်သဳတံ အပ္ဍဲပွိုၚ်မွဲသတ္တာဟ သွက်ဂွံနုက်တိတ်ကဵု ဗွဲမပြဟ်အိုတ်ဂှ် ဂကောံဒပ်စဵုဒၞါညးဍုၚ်ကွာန်ပွိုၚ်ဍုၚ်လံၚ်လုၚ် (LLPDF) တံ ပ္ဍဲဂိတုဂျာန္နဝါရဳ (၂၂) ဂှ် လလောၚ်ပ္တိတ်လဝ် လိက်ကဵုသတိ အလန်လက္ကရဴအိုတ်ရ။ ပဳဒဳအေဖ် လံၚ်လုၚ်ဂှ် ညးဒုၚ်ကာ Non CDM တံဝွံ သွက်အာယုက်ကံၚ်ဇြဳပၞာန် ဂွံဂၠိၚ်ဂှ် ဒဒှ်ရဒှ်မၞိဟ်ရီုဗၚ်ကဵုဒၟံၚ်…
လဳမာ – ဂျာန္နဝါရဳ(၂၉) ပ္ဍဲပဳရူ ဟိုတ်နူပရေၚ်ထ္ၜးဆန္ဒ ဒစဵုဒစးကဵုပရေၚ်သမ္မတက္ဍိုက်က္ဍိုပ် မၞိဟ်ဒးဒုၚ်ချိုတ်လဝ် ဂၠိုၚ်ကဵုဒါဇြေန်ဂှ်တုဲ တၚ်အာတ်သမ္မတ ဒဳနာဘိုဝ်လာတဳ သွက်ဂွံကၠောန်ဗဒှ် ပေါဲရုဲမာဲ ပ္ဍဲဂိတုဒဳဇြေမ်ဗာ သၞာံ ၂၀၂၃ ဏံဂှ် ကၠတ်ထဝ်ကောန်ဂရေတ်ပဳရူ တးပါဲကၠုၚ်ရ။ အခိၚ်လၟုဟ်ဏံမ္ဂး ကၟိန်ဍုၚ်ပဳရူဂှ် ရုပ်သီလဝ် ကောန်ကရေတ်တုဲ ကြဴနူသမ္မတတြေံ ပေတ်ဒရိုဝ်ကာတ်သတေဝ်လိုဝ် ဒးဒုၚ်ရပ်လဝ် နကဵုအသံပၟိၚ် ပရေၚ်အုပ်ဓုပ်တုဲဂှ် ပေါဲထ္ၜးဆန္ဒတအ် က္တဵုဒှ်ကၠုၚ်ဒၟံၚ် ဇၟာပ်ဒဒှ်တ္ၚဲတုဲ…
ရေဝ်၊ ဂျာန္နဝါရဳ(၂၉) ပ္ဍဲဂၠံၚ်ကွဳစက် ဇြပ်ဗု-ရေဝ် မၞုံအကြာကွာန်ကၞေၚ်ကၟအ်ကဵု ကွာန်အောၚ်သာယျာ၊ ဍုၚ်လၟိုၚ်၊ ပွိုၚ်ဍုၚ်ရေဝ်၊ တွဵုရးဍုၚ်မန်ဂှ် ပ္ဍဲဂိတုဂျာန္နဝါရဳ စၟတ်တ္ၚဲ (၂၇) အခိၚ်ဇိုၚ်သဝ်တ္ၚဲ ၜိုတ်(၇)နာဍဳကဝက်ဂှ် ဂဗုတ်ကွဳစက်ဇီုတေက် က္တဵုဒှ်လဝ်တုဲ မၞိဟ်(၅)တၠ ပါလုပ်သီုကောန်ၚာ် သၟတ်ဗြဴမွဲတၠ ဒးချိုတ်အာလဝ်ရဂှ် ဂွံတီကေတ် နူညးဒေသတအ်ရ။ ဂဗုတ်ကွဳစက်ဇီုတေက်ဂှ် ကွဳစက်ဒ္ၚောဝ်လုၚ် ဒဳကၠုၚ်လပါ်ဇြပ်ဗု တိုန်ကၠုၚ် နူရေဝ်မွဲဖ္ဍိုက်ကဵု ကွဳစက်ပရိုဝ်ဗံက်စှ်ေရေဝ် နူလပါ်ဇြပ်ဗုတအ် ဇီုတေက်ဒးလဝ်ညးသ္ကအ်ရ။…
လှာဒကှ် – ဂျာန္နဝါရဳ(၂၉) ဒဒန်ကောန်ကရေတ်ကၠောံကြုၚ်ဒါလဳ ဗ္ဒာဲကွာန်ကအ်ပၞဴ ပွိုၚ်ဍုၚ်လှာဒကှ် တွဵုရးကရေၚ်ဂှ် တ္ၚဲဏံ ဂိတုဂျာန္နဝါရဳ စၟတ်တ္ၚဲ(၂၈) အခိၚ်နူဂယးပြဟ်ဂှ် ဟိုတ်ပါမ်မာၚ် ဖံက်ခတိုဟ်လဝ်တုဲ ဒးခရိုဟ်စှ်ေလဝ်ရဂှ် ညးဒေသတအ် ဟီုသ္ဂးလဝ်ရ။ ဒဒန်ကၠောံကြုၚ်ဒါလဳဏံ နွံဒၟံၚ် အကြာကွာန်ကအ်ပၞဴကဵု ကွာန်ယှိုဲလေန်တုဲ ဟိုတ်နူပါံမာၚ် ဒးဒုၚ်ဖံက်ခတိုဟ်လဝ်ဂှ်ရ ကွဳစက်တအ် တတ်ကၠောံအာကၠုၚ်ဟွံဂွံရဂှ် ဂွံတီကေတ်ရ။ “နူဂယးပြဟ်ဏံ မိၚ်လဝ် ရမျှာၚ်ခတိုဟ် ၜိုတ် (၃)…
sanlontai