ဗေကျေန်၊ ဂျောန် ၄ တၚ်စောဲစပ် သမ္မတ ဗိုဝ်လိုဝ်ဒဳမာ ဇြဳလာန်သကဳ ဒဒှ်ရကြုက် ကဵုဒၟံၚ်ဇြဟတ်ဂရိုဟ် ကုဍုၚ်တၞဟ်ဟ်တံ ညံၚ်ဟွံဂွံတိုန်စိုပ် ကောံဓရီုပရေၚ်ၜိုဟ်လလမ် စပ်ကဵုပေါဲပၞာန်ယူကရုၚ် သ္ဂောံကၠောန်ဗဒှ်အာ မစဳဇန်လဝ်ဂှ် အလဵုအသဳဗေကျေန် တးပါဲလဝ် ပ္ဍဲဂိတုဂျောန် ၃ တေံရ။ ပ္ဍဲကောံဓရီုပရေၚ်ဂီုကၠီု မကၠောန်ဗဒှ်ဒၟံၚ် ပ္ဍဲသေန်ကာပေါဝ် ဂိတုဂျောန် ၂ ဂှ် သမ္မတယူကရုၚ် ဇြဳလာန်သကဳဂှ် အပ္ဍဲဂိတုဏံ ကောံဓရီုပရေၚ်ၜိုဟ်လလမ်…
မက္ကဇြဳကိုဝ်သဳတဳ၊ ဂျောန် ၃ ဍုၚ်မက္ကဇြဳကိုဝ် ဒၞါဲအမှုရာဇဝတ်မဂၠိုၚ်ဂၠေၚ်ဂှ် ပ္ဍဲတ္ၚဲပေါဲရုဲမာဲဂှ် ပရေၚ်ဗ္တိုက်ပွပကီုပရာပ်တံ က္တဵုဒှ်လဝ်ကီုလေဝ် ပေါဲရုဲမာဲသမ္မတ ညးဗြဴဗွဲမဂၠိုၚ် သ္ဂောံဂွံဇၞး ဇြဟတ်ခိုဟ်ဒၟံၚ်ဂှ် ဂိတုဂျောန် ၂ တေံ ကောန်ဍုၚ်မက္ကဇြဳကိုဝ်တံ ကဵုလဝ်မာဲရ။ ကြဴနူသၟာပရေၚ်ဍုၚ်ကွာန် ဒေသမဆေၚ်စပ်တံ ဒးဒုၚ်ပြိုက်ဂစိုတ်ထောံ ၜိုတ်ၜါဒါဇြိန်တုဲ ကုညးကဵုမာဲ ပ္ဍဲကဵုပေါဲရုဲမာဲဂှ် သွက်ပရေၚ်စဵုဒၞါဂှ် ဖျေံလဝ် ကောန်ဒပ်ဂီုကၠီု ဂၠိုၚ်ကဵုလ္ၚီရ။ ကြဴနူဗ္တိုက်ရုၚ်မာဲ သွက်ဂွံကၠတ်တၞးမာဲ ပ္ဍဲတ္ၚဲကၠောန်ဗဒှ်ပေါဲရုဲမာဲဂှ်တုဲဂှ်…
မတ်မလီု၊ ဂျောန် ၄ ကြဴနူၚုဟ်ထဝ်အပ္ဍဲဍုၚ် သၠုၚ်တိုန်ကၠုၚ်တုဲ ကံၚ်ဇြဳပၞာန် ဆၜိုတ်ဗက်ရပ်ဒက် ကေတ်ထောံအရေဝ် ကုတၠကမၠောန်ထဝ်ဒယှ်ဒယှ်တံဓဝ်ဂှ် ၚုဟ်ထဝ် ဂွံစှ်ေကၠုၚ်တီတီဂှ် ဒှ်ဟွံမာန်ပုဟ်ဂှ် တၠကမၠောန်ထဝ်တံကဵု တၠပညာပရေၚ်ပိုန်ဒြပ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ကံၚ်ဇြဳပၞာန်ဂှ် ဗက်ရပ်ဒက်လဝ် တၠကမၠောန်ထဝ်ဂမၠိုၚ် နကဵုတၚ်စောဲစပ် ရန်တၟံကဵု က္တဵုဗဒှ်ကၠေံ ပွပလာပ်ပထုဲ ကုပရေၚ်ဖောအ်ဗြေဝ်တောတက် ပရေၚ်ပိုန်ဒြပ်ကၟိန်ဍုၚ်ဂှ်တုဲ ဝေၚ်ဒၟံၚ်ၚုဟ် နကဵုၚုဟ်ဟွံဒှ်ကလောန် အပ္ဍဲဗွဝ်ဖျာတံဂှ်တုဲ ကၠောန်ၜိုတ်ဒၟံၚ်…
မတ်မလီု၊ ဂျောန် ၄ သွက်သၞာံဗ္တောန်ပညာဏံ ညးကၠုၚ်စိုပ်အပ်ဘာ ပ္ဍဲဘာသ္ဇိုၚ်ပညာအလုံဍုၚ်မွဲဂှ် ၆၃ ကိုဋ် ၉ ဠက်ပြၚ်ကီုလေဝ် အောန်စှ်ေ နူကဵုသၞာံအာတေံဂှ် လိက်ပရိုၚ် ကံၚ်ဇြဳပၞာန် ထိၚ်ဒက်လဝ်တံကဵု တၚ်နၚ်လလောၚ်ပ္တိတ်လဝ်ဂမၠိုၚ် ထ္မံက်ထ္ၜးဒၟံၚ်ရ။ အပ္ဍဲသတ္တာဟပအပ်ဘာ သၞာံဗ္တောန်ပညာ ၂၀၂၄−၂၀၂၅ ဏံ ပ္ဍဲကဵုဘာသ္ဇိုၚ်ပညာ ဘာပူဂဵု ကေုာံ ဘာပရေၚ်ပညာခမဳသၚ်ဗ္တောန် ကံၚ်ဇြဳပၞာန်ထိၚ်ဒက်လဝ် ပ္ဍဲကဵုရးဒေသ ကေုာံ တွဵုရးတံဂှ် မၞိဟ်ကၠုၚ်စိုပ်အပ်ဘာ…
ရေဝ်၊ ဂျောန် ၄ တွဵုရးဍုၚ်မန် ပွိုၚ်ဍုၚ်ရေဝ် ကွာန်ကြုၚ်လံၚ်တြေံ ပ္ဍဲကၠအ်ထၜိုတ်မွဲဂှ် ပ္ဍဲဂိတုဂျောန် ၁ ဗ္တံၜိုတ် ၈ နာဍဳ ကောန်ကလောန်ကၠအ်ထၜိုတ်ၜါတၠ ဒးဒုၚ်ဂစိုတ်လဝ်ရောၚ် ဂွံတီကေတ် ဇရေၚ်ညးဒေသတံရ။ ကောန်ကလောန်ကၠအ်ထၜိုတ် ကိုဝ်ကျဝ်ဇြေန်မိုဝ် အာယုက် ၃၂ သၞာံ ကဵု ဥူကျဝ်လွေန်ဥူ အာယုက် ၄၂ သၞာံ ညးတံၜါတၠဂှ် မၞိဟ်ဟွံတီယၟုမွဲက္ဍိုပ် ပန်ကဵုသေနာတ်တုဲ ဗာ်ဏာလဝ်…
ကျာ်ထဝ်၊ ဂျောန် ၄ ဟိုတ်နူဒပ်ကံၚ်ဇြဳပၞာန် ပန်ပှော်လွဟ်ဇၞော် ပ္ဍဲကွာန်ဝါဒက်ကွေန်ကဵု ကွာန်မုက္ခမအ် ပွိုၚ်ဍုၚ်ကျာ်ထဝ် တွဵုရးဍုၚ်မန်ဂှ်တုဲ ညးဗြဴမၞုံကဵုဒၟုၚ်ဒၠၚ်မွဲတၠ မပါလုပ် ညးဍုၚ်ကွာန်ကောန်အရာပ်ပိတၠ ဇီုကပိုက်ကလိဂွံလဝ်ဝပ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ တုဲကၠုၚ်ဂိတုဂျောန် ၂ တေံ ဒပ်ပံၚ်ကောံ ဂကောံဇြဟတ်ပၠန်ဂတးတံ အာစိုပ်ဗ္တိုက်လဝ် ဒပ်အမၠံက်ကံၚ်ဇြဳပၞာန် စၟတ် ၃၁၀ ဖျေံသ္ဇိုၚ် (သိမ်ဇရပ်) ပွိုၚ်ဍုၚ်ကျာ်ထဝ်ဂှ်တုဲ လ္ပာ်ကံၚ်ဇြဳပၞာန်…
ၜၚ်ကံက်၊ ဂျောန် ၁ ပ္ဍဲဍုၚ်သေံ ကောန်ကလောန်ဍုၚ်သ္အာၚ်ဂမၠိုၚ် ဆက်အာယုက်အခေါၚ်မံၚ်ပ္ဍဲဍုၚ်သေံမ္ဂး ဟိုတ်နူမူဝါတၟိ စဴဍုၚ်မိမဇကုတုဲမှ ဒးအာတ်ပ္တိုန်ဏောၚ်ဂှ်ရ ကောန်ကလောန်ဆုဲပြံၚ်ဍုၚ်ဗၟာ နွံဍုၚ်သေံတံ ဒဒှ်ရဂွိၚ်ဒၟံၚ် ဖေက်ဒးယိုက်လျိုၚ်ပၞာန် သွက်ကံၚ်ဇြဳပၞာန်ဂှ် ဂကောံကဵုအရီုဗၚ်ဂမၠိုၚ် ဟီုဂးဒၟံၚ်အိုတ်ရ။ ကံၚ်ဇြဳပၞာန်ဝွံ ဒးဂဗကဵုအာ ပရေၚ်ကျဗြံ ဗွဲမဂၠိုၚ်ဂၠေၚ်တုဲဂှ် ဂယိုၚ်ပ္တိုန်လဝ် သၞောဝ်ယိုက်ဂၠေၚ်လျိုၚ်ပၞာန် နူအာယုက် ၁၈ စဵုကဵု ၄၅ သၞာံရ။ ဟိုတ်နူတၚ်လလောၚ်တြးဏံတုဲ သ္ကိုပ်အုပ်ဓုပ် ပ္တိတ်ကၠုၚ်ဇြဟတ်…
မတ်မလီု၊ ဂျောန် ၂ ပ္ဍဲတွဵုရးဍုၚ်မန် စနူဂိတုမေတုဲကၠုၚ်တေံတုဲ ပ္ဍဲကမ္ပဏဳဂဥုဲ၊ ရုၚ်ဂဥုဲ၊ ဗ္ဒမ်ဂဥုဲ ကေုာံ ဆေၚ်ဂဥုဲတံဂှ် ဂဥုဲဇဗ ကေုာံ ကပေါတ်မဆက်စပ်ဂမၠိုၚ် ပိုတ်ကၠုၚ် ဇၞော်ကဵုဇြဟတ်တုဲ ၚုဟ်မး ထပ်သၠုၚ်တိုန်ကၠုၚ်ပၠန်ဂှ် တၠကမၠောန်ဆေၚ်ဂဥုဲတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဂဥုဲဂွံပိုတ်ဂှ်ဝွံ ဟိုတ်နူၚုဟ်ဒဝ်ဠာ ထ္ပက်တိုန်ကၠုၚ် ဂၠိုၚ်ကဵုဆဂှ်ကီု၊ ဒၟါနူတၚ်သၞောတ်ဗ္ၜတ် ကံၚ်ဇြဳပၞာန်ဂမၠိုၚ်တုဲ ဂွံပၠောပ်ဂဥုဲဇဗတံ ဝါတ်ဂါတ်ကၠုၚ်ကီု၊ ဟိုတ်နူအခက်အခုဲ…
ရေဝ်၊ ဂျောန် ၂ လ္တူတၚ်စောဲစပ် လုပ်ဗိုၚ်ဗ္တိုက်လဝ် ဒပ်မည် မဒှ်ဒပ်ပၠန်ဂတးရပ်လွဟ်မန် ချဳဒရာၚ်ဒၟံၚ် လ္ပာ်ပွိုၚ်ဍုၚ်ဍာ်ဗု ကဵု ရေဝ်သၠုၚ်ကျာ ကရောံဒပ်မဟာမိတ်တံဂှ်ကဵု တၚ်စောဲစပ် ရပ်ဂစိုတ်လဝ် ညးဒေသၜါတၠဂှ်တုဲ ဗော်ဍုၚ်မန်တၟိ AD ကယျာန်ပါဲလဝ်ရ။ အတိုၚ်တၚ်လလောၚ်တြး ဒပ်မည်ဂှ်မ္ဂး ပ္ဍဲဂိတုမေ ၂၆ ဂှ် ဗော်ဍုၚ်မန်တၟိ AD က္ဍိုက်ပ်တုဲ လုပ်ဗိုၚ်ဗ္တိုက်လဝ် ဒပ်မည် ကရောံဒပ်မဟာမိတ်တံကီုလေဝ် လ္ပာ်ဒပ်မည်တံ…
ကၞောဝ်ၜဳရေဝ်၊ ဂျောန် ၂ ဗော်ဍုၚ်မန်တၟိ ဗ္တိုက်သရိုဟ်တၠအဝဵုပၞာန် NMSP AD ဝွံ ဒှ်ဒၟံၚ်ဂကောံညးကုညးယျတုဲ ဒှ်ဂကောံဟွံဆက်စပ်ကဵု ဗော်မိမမွဲရဂှ် ကမ္မတဳကေၚ်ကာဗဟဵု ဗော်ဍုၚ်မန်တၟိ လလောၚ်ပ္တိတ်လဝ် ပ္ဍဲဂိတုမေ ၃၁ တေံရ။ ရန်ကဵု ပရေၚ်ညဳသၟဟ်အပ္ဍဲဗော် ညံၚ်ဟွံဂွံထ္ကးပြးအာကီု၊ ညံၚ်ဂွံဒက်ပ္တန် ပရေၚ်ဂီုကၠီုညိၚ်ဝတ်အပ္ဍဲဒေသကီု၊ ခမဳသၚ် ညးဍုၚ်ကွာန်ဂမၠိုၚ် သ္ဂောံၜိုဟ်သြိုဟ်ဂးတုဲ ဂကောံပါ်တိတ် ညံၚ်ဂွံကလေၚ်စဴ ဇရေၚ်ဗော်မိမဂှ် ပ္တိတ်ကၠုၚ်လဝ်ဇြဟတ် သွက်ဂွံကလေၚ်ပံၚ်ကောံရောၚ်…
sanlontai