လ္ဂုၚ်၊ ဂျောန် (၆)
အပ္ဍဲကာလဒပ်ပၞာန်သီအဝဵု သၞာံဏံ နူဂိတုမာတ်ချ် စဵုကဵုဂိတုမေ အပ္ဍဲပွိုၚ်ပိဂိတုဏံ အလုံမွဲကၟိန်ဍုၚ်ဂှ် မၞိဟ်ဗြဴ (၁၀၀) ပြၚ် ဒးဒုၚ်ရပ်ဒက်ဂစိုတ်လဝ်ရောၚ် ဂွံတီကေတ် အတိုၚ်သမဂ္ဂညးဗြဴဍုၚ်ဗမာ (BWU) တံရ။
ပ္ဍဲကဵုဏံ အပ္ဍဲဂိတုမေ ဂှ် ညးဗြဴ (၂၉) တၠ ဒးဒုၚ်ဂစိုတ်လဝ်တုဲ ညးဗြဴ (၁၄) တၠဝွံ အခိၚ်ဒပ်ကံၚ်ဇြဳပၞာန် လုပ်စိုပ်ဍိုက်ဗ္တိုက် သ္ၚိဒၟံၚ်ကောန်အရာပ်တံဂှ် ဒးဒုၚ်စံၚ်ယတ်ဂစိုတ်လဝ်ဂျိုၚ်ၚ်ရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
အပ္ဍဲဂိတုမာတ်ချ်ဂှ် ညးဗြဴ (၂၉) တၠ၊ အပ္ဍဲဂိတုဨပရဴဂှ် ညးဗြဴ (၄၅) တၠ ကေုာံ အပ္ဍဲဂိတုမေဂှ် ညးဗြဴ (၂၉) တၠ အပံၚ်ဖအိုတ် (၁၀၃) တၠ ဒးဒုၚ်ဂစိုတ်လဝ်ရ။
ညးဗြဴဂမၠိုၚ်ဝွံ ဟိုတ်နူကံၚ်ဇြဳပၞာန် ဗ္တိုက်ကဵုတရဴကျာကီု၊ စံၚ်ယတ်ဂစိုတ် ဂျိုၚ်ၚ်ကီု၊ ဒးဒုၚ်ဂစိုတ် နကဵုသေနာတ်ကီု၊ ဒးအာလွဟ်ဇၞော်တံကီုတုဲ ဒးချိုတ်အာလဝ်ရ။

ညးချဳဒရာၚ်ပရေၚ်ညးဗြဴ ဒဝ်ခေန်ညုၚ်တေတ်ဂှ် ပရေၚ်ညးဗြဴဂမၠိုၚ် ဒးဒုၚ်ဂစိုတ် ဟွံဗဗွဲကဵုသၞောဝ် ဓဝ်တံဂှ်ဝွံ မွဲအခိၚ်မ္ဂး သွက်ဂွံဂွံဓဝ်ဍာံဂှ် ၜိုတ်သၟဟ်အစောံ သွက်ဂွံကေတ်လဝ်စၟတ်သမ္တီအိုတ်ဂှ် ဖ္တိုက်ဖ္အောဝ်လဝ်ရ။
အတိုၚ်တၚ်နၚ် သမဂ္ဂညးဗြဴဍုၚ်ဗၟာ (BWU) တံဂှ်မ္ဂး အပ္ဍဲကာလဒပ်ပၞာန်သီအဝဵု ပွိုၚ် (၂) သၞာံဏံ (၅၄၂) တၠ ဒးဒုၚ်ဂစိုတ်လဝ်တုဲ ညးဗြဴ (၃၅၁၇) တၠ ဒးဒုၚ်ရပ်ဒက်လဝ်ရောၚ် သ္ဂးရ။
ညးဗြဴပ္ဍဲကဵုဒးဒုၚ်ရပ် (၈၅၉) တၠဂှ်ဝွံ ဒးဒုၚ်ဖျေံစၟတ်လဝ်ဒုဟ်ဒဏ်နာနာသာ်နွံဂှ် သမဂ္ဂညးဗြဴဍုၚ်ဗၟာ (BWU) လလောၚ်ပ္တိတ်လဝ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−CJ

