လဂုၚ် – ဂျောန်(၇)
အာစာချူဒွက် အောၚ်နိုၚ်သာန် ကေုာံ ညးဍုၚ်ကွာန် (၄)တၠတအ်ဂှ် ဒၟာနူကၠောန်သ္ပချဳဒရာၚ်လဝ် ပရေၚ်ဒစဵုဒစးကဵုကံၚ်ဇြဳပၞာန် ပ္ဍဲမုက်လိက်ဇာနှိက်ပရေၚ်မၞိဟ်ဂးတုဲ ရပ်လဝ်ရဂှ် ညးစုက်လုက်ကဵု ဒပ်ဗၠာဲသၟိၚ်လဂုၚ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပ္ဍဲဂိတုမေ စၟတ်တ္ၚဲ (၃၀) ဂှ် ပ္ဍဲပရေၚ်ဒဒှ် သၟာဒယှ်ေဒွက်ထံက်ဂလာန်ကံၚ်ဇြဳပၞာန် လဳလဳနိုၚ်ဂျဝ်ဒးဒုၚ် ပန်လဝ်ဂှ် ဒၟာနူချူလဝ်ကဝ်မာန် ပ္ဍဲပရိုၚ်ပ္တိုန်လဝ်တုဲ ဒးဒုၚ်ရပ်လဝ်ရဂှ် ဂွံတီကေတ်ရ။
ကံၚ်ဇြဳပၞာန်ဂှ် မ္ၚးနူအာစာချူဒွက်အောၚ်နိုၚ်သာန်တုဲ မျေတ်မောၚ် (က) ကိုဝ်နဳ ဒၟံၚ်အရာပ် (၁၀၆) ပွိုၚ်ဍုၚ်လဂုၚ်သၟဝ်ကျာ ဍုၚ်လဂုၚ်ကီု၊ ကိုဝ်မျိုဝ်မေန်ညဳ (က) သူရ ဒၟံၚ်အရာပ်ယွာမ ပွိုၚ်ဍုၚ်မၚ်ဂြာဲဍုၚ် (မၚ်္ဂလာဒုံ)ကီု၊ ဥူချေတ်ဝေ ဒၟံၚ်အရာပ် ၄/ပွိုၚ်ဍုၚ်သာကေတ ကေုာံ အာကာမေန်ဥူ ဒၟံၚ်ကွာန် ပျေန်ပုံဂျဳ ဍုၚ်ဗဂေါ ရးဒေသဗဂေါတအ်ဂှ် ဟိုတ်နူရန်တၟံလဝ် သွက်ပရေၚ်ညိၚ်ဝတ်ၜိုဟ်လလံကၟိန်ဍုၚ် ဂွံလီုလာ်တုဲ ကၠောန်သ္ပလဝ် ပွမဆဝ်ပ္ၚုဟ်၊ ပွမတြးဝါဒတုဲ ရပ်လဝ်ရဂှ် လလောၚ်တြးလဝ်ရ။

သွက်ဂွံရပ်ကဵု အာစာချူဒွက်အောၚ်နိုၚ်သာန်ဂှ် ကြဴနူတြးလဝ်တၚ်ဂၞၚ် ပ္ဍဲတေဝ်လဳဂရာမ်ချာန်နေဝ် တြးဝါဒကံၚ်ဇြဳပၞာန်တုဲ ပ္ဍဲဂိတုဂျောန် စၟတ်တ္ၚဲ (၄)ဂှ် ရပ်လဝ်တုဲ ပံက်လဝ်ဂဗုတ် ပ္ဍဲဗဒိုပ်ဗၠာဲသၟိၚ် ပွိုၚ်ဍုၚ်သာန်ချောၚ် နကဵုၝောံပိုဒ် ၅၀၅ (က)ရဂှ် ဂွံတီကေတ်ရ။
သၟာဒယှ်ေဒွက်ထံက်ဂလာန်ဒပ်ပၞာန် လဳလဳနိုၚ်ဂျဝ်ဂှ် ပ္ဍဲဂိတုဂျောန် စၟတ်တ္ၚဲ (၆) အခိၚ်နူဂယးတ္ၚဲဏံ ဒးချိုတ်အာလဝ်ရဂှ် ဂွံတီကေတ်ရ။
ဟိုတ်နူပရေၚ်ဒဒှ်ဏံတုဲ ကံၚ်ဇြဳပၞာန်ပၞာန် စောတ်စောဲရပ်ကေတ်လဝ် သၟတ်မံၚ်ဒၟံၚ် ပ္ဍဲဗ္ဒမ်မၞုံလှေဝ် တာန်ၜါတၠတုဲ ပလံၚ်ဗစိုပ်လဝ် ဒၞာဲစၟဳစၟတ်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – မဳဒဳယာတြးဝါဒဒပ်ပၞာန်

