ဂကောံပံၚ်တောဲ KNLA တံ လုပ်ဍိုက်ဗ္တိုက် ဗ္ဒိုပ်ဗၠာဲသၟိၚ် ကေုာံ ဒပ်ကံၚ်ဇြဳပၞာန် မၞုံဍုၚ်နာတ်တာန်ကွေန်

ကျံက်ကျဳ၊ ဂျောန် (၇)

ပ္ဍဲဂိတုဂျောန် (၆) ပယျာံဂယးပြဟ်ဟ်ဂှ် နူကဵုဒပ်ပံၚ်တောဲ ဒပ်မဟာ (၃) KNLA တံ လုပ်စိုပ်ဍိုက်ဗ္တိုက်လဝ် ဗ္ဒိုပ်ဒပ် ကေုာံ ဗ္ဒိုပ်ဗၠာဲသၟိၚ် သၟဝ်တဲကံၚ်ဇြဳပၞာန် မၞုံဍုၚ်နာတ်တာန်ကွေန် ပွိုၚ်ဍုၚ်ကျံက်ကျဳ ရးဗဂေါတံ မွဲအခိၚ်ဓဝ်ဂှ် ဂွံတီကေတ် ဇရေၚ်တမ်ရိုဟ်ပရိုၚ်အပ္ဍဲဒေသတံရ။

စနူဂကောံဒပ်ပံၚ်တောဲမဟာမိတ် KNLA တံ လုပ်စိုပ်ဍိုက်ဗ္တိုက်လဝ် ဗ္ဒိုပ်ဗၠာဲသၟိၚ်နာတ်တာန်ကွေန် ကေုာံ ဗ္ဒိုပ်ဒပ်ဘုံတတဝ် ကံၚ်ဇြဳပၞာန် မၞုံဍုၚ်နာတ်တာန်ကွေန် မွဲအခိၚ်ဓဝ်ဂှ်တုဲဂှ် ပေါဲဗ္တိုက်ၜါလ္ပာ် သ္ကာတ်မြဟ်လဝ်ရ။

ဂကောံပံၚ်တောဲ KNLA တံ လုပ်ဍိုက်ဗ္တိုက် ဗ္ဒိုပ်ဗၠာဲသၟိၚ် ကေုာံ ဒပ်ကံၚ်ဇြဳပၞာန် မၞုံဍုၚ်နာတ်တာန်ကွေန်
ဂကောံပံၚ်တောဲ KNLA တံ လုပ်ဍိုက်ဗ္တိုက် ဗ္ဒိုပ်ဗၠာဲသၟိၚ် ကေုာံ ဒပ်ကံၚ်ဇြဳပၞာန် မၞုံဍုၚ်နာတ်တာန်ကွေန်

ဒၞါဲဗ္ဒိုပ်ဗၠာဲသၟိၚ်နာတ်တာန်ကွေန် ကေုာံ ဗ္ဒိုပ်ဒပ်ဘုံတတဝ် မဒးဒုၚ်ဍိုက်ဗ္တိုက်လဝ် အပ္ဍဲပေါဲဗ္တိုက်ၜါလ္ပာ် မက္တဵုဒှ်လဝ် ပယျာံဂယး နူ ၅ နာဍဳ စဵုကဵု ၇ နာဍဳ လလအ်ပွိုၚ်ၜါနာဍဳဂှ် ဒပ်ကံၚ်ဇြဳပၞာန် ကၠုၚ်စိုပ်ပန်ပှော် လဝ် နကဵုက္ၜၚ်ကျာသၞေၚ်ဝဲ (၃) ဖ္ဍိုက်ဂှ် ညးဒေသတံ ဟီုဂးလဝ်ရ။

သ္အာၚ်နူဂှ်ပၠန် နူကဵုဗလးတိဏံမွဲကဆံၚ် ညံၚ်ပၞာန်ရီု ဒပ်ကံၚ်ဇြဳပၞာန်တံ ဂွိုအ်စိုပ်ဂးတုဲ ဒဒန်သက်တိုၚ် မဆက်စၠောံလဝ် ဍုၚ်နာတ်တာန်ကွေန်ကဵု ဍုၚ်ကျံက်ကျဳဂှ် ဂကောံပံၚ်တောဲမဟာမိတ်တံ ဖံက်ဗ္တိုဟ် လဝ်မာၚ်ရောၚ် ပရိုၚ်အပ္ဍဲဒေသတံ သ္ဂးအိုတ်ရ။

ဂကောံပံၚ်တောဲ KNLA တံ လုပ်ဍိုက်ဗ္တိုက် ဗ္ဒိုပ်ဗၠာဲသၟိၚ် ကေုာံ ဒပ်ကံၚ်ဇြဳပၞာန် မၞုံဍုၚ်နာတ်တာန်ကွေန်

အတိုၚ်တၚ်လလောၚ်တြး ဂကောံဒပ်စဵုဒၞါညးဍုၚ်ကွာန် (ရိုးမ) တံဂှ်မ္ဂး ပ္ဍဲပေါဲဗ္တိုက်နာတ်တာန်ကွေန်ဂှ် လ္ပာ်ဒပ်ကံၚ်ဇြဳပၞာန် အောန်အိုတ် ဗ္ဒါဲ (၁၀) တၠ ချိုတ်လဝ်တုဲ မၞိဟ်ကလိဂွံဝပ်တံလေဝ် ဂၠိုၚ်လဝ်တုဲ မၞိဟ်ကၠေံဒၟံၚ်တံလေဝ် နွံဒၟံၚ်ဂှ် ဂွံတီကေတ်ရ။

အပ္ဍဲပေါဲဗ္တိုက်ဂှ် လ္ပာ်ကံၚ်ဇြဳပၞာန် သီဂိုၚ်ဂွံလဝ် လွဟ်လက်နက်မကမ်ဗွဲမဂၠိုၚ်ဂၠေၚ်တုဲ ဟိုတ်နူပရေၚ် ဗ္တိုက်တရဴကျာ ဒပ်ကံၚ်ဇြဳပၞာန်တုဲ ညးဍုၚ်ကွာန်ကောန်အရာပ်လ္ၚဵု ဇီုကပိုက်ကလိဂွံဝပ် နွံဒၟံၚ်ရောၚ်ဂှ် လေဝ် ဂကောံဒပ်စဵုဒၞါညးဍုၚ်ကွာန် ( ရိုးမ) လလောၚ်ပ္တိတ်လဝ်ပရိုၚ်ရ။

စပ်ကဵုအကာဲအရာလၟေၚ်ဒဒှ်ပေါဲဗ္တိုက်ဂှ်တုဲ နူကဵုဗော်သွးကောန်ဂကူကရေၚ် KNU တံ ပြဟ်ဟ်ဏံ လလောၚ်ပ္တိတ်လဝ်ဂှ် ဟွံမွဲဏီရ။

ပရိုၚ်−သြၚ်လောန်တိုၚ်(မ်)

ဗီုဓာတ်−KNLA/PDF Kyaukkyi

Leave a Reply

Your email address will not be published. Required fields are marked *