ပ္ဍဲပေါဲဗ္တိုက်ကဝ်ကဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာ

ကဝ်က၊ ဂျောန် (၇)

ပ္ဍဲကဵုတွဵုရးသေံသၟဝ်ကျာ ပ္ဍဲဒေသကဝ်က ကေုာံ လာယှိုဝ်တံဂှ် အပ္ဍဲပေါဲဗ္တိုက် အကြာဒပ်ကံၚ်ဇြဳပၞာန်ကဵု ဒပ်ကဝ်က ဒပ်မဟာမိတ် ဒဳမဝ်ကရေတ်တေတ်ဗၟာ (MNDAA) ဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာလဝ်ရောၚ် ဂွံတီကေတ် အတိုၚ်တၚ်နၚ် မဳဒဳယျာကဝ်ကတံရ။

နူစဂိတုဂျောန် (၁) စဵုကဵု ဂိတုဂျောန် (၅) ဂှ် အပ္ဍဲဒေသချဳဒရာၚ်ကဝ်ကဂှ် အကြာဒပ်ကံၚ်ဇြဳပၞာန်ကဵု ဒပ်ကဝ်ကတံ ပေါဲဗ္တိုက်ၜါလ္ပာ် သ္ကာတ်မြဟ်လဝ်တုဲ အပ္ဍဲပေါဲဗ္တိုက်ဏံဂှ် လ္ပာ်ကံၚ်ဇြဳပၞာန် ဇီုကပိုက်ပြဟ် လလုဲဂၠိုၚ်လဝ်ရ။

ပ္ဍဲပေါဲဗ္တိုက်ကဝ်ကဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာ
ပ္ဍဲပေါဲဗ္တိုက်ကဝ်ကဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာ

ပ္ဍဲကဵုပေါဲဗ္တိုက် မက္တဵုဒှ်လဝ် လလအ်ပွိုၚ် (၅) တ္ၚဲဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်တုဲ မၞိဟ်ကလိ ဂွံဝပ် နွံလဝ် ဗွဲမဂၠိုၚ်ဂၠေၚ်တုဲ နူကဵုကံၚ်ဇြဳပၞာန်ဂှ် သီဂိုၚ်ဂွံလဝ် လွဟ်လက်နက် မကမ်လ္ၚဵုတံရောၚ် သာ်ဝွံ ထ္မံက်ထ္ၜးလဝ်ရ။

ပေါဲဗ္တိုက်ၜါလ္ပာ်ဝွံ ဒၟါနူလ္ပာ်ကဝ်ကတံ ကေတ်အခေါၚ်ခိုဟ် ကုပရေၚ်ဍုၚ်ကွာန်ဟွံညိၚ်ဝတ်ဂှ်တုဲ သၠဲပ္တိုန်ဗ္ဒိုပ်ဂှ်ရ ဒှ်လဝ်ပေါဲဗ္တိုက်ရောၚ်ဂှ် လ္ပာ်ကံၚ်ဇြဳပၞာန် သ္ဂးလဝ်ရ။

ပ္ဍဲပေါဲဗ္တိုက်ကဝ်ကဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာ
ပ္ဍဲပေါဲဗ္တိုက်ကဝ်ကဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာ

စပ်ကဵုအကာဲအရာပေါဲဗ္တိုက်တုဲ နူကဵုသြၚ်လောန်တိုၚ်(မ်) ၜိုန်ရဆက်စၠောံသၟာန်သၟုက်လဝ် ညးမၞုံအခေါၚ်ဟီုဂး ဒပ်ကဝ်က (MNDAA) တံဂှ်ကီုလေဝ် ဒဵုကဵုအခိၚ်လၟုဟ် ဟွံဂွံအဆက်ဏီဖိုဟ်ရ။

ဒပ်ကဝ်ကဝွံ တုဲကၠုၚ် ဂိတုဂျောန် (၁) ကဵု (၂) တေံဂှ် ဟိုတ်နူကြုက်လုပ်စိုပ်ပ္ညဳပ္ညပ်ကဵုလဝ်အကြာတုဲ ကရောံဂကောံမဟာမိတ်သ္ကုတ်သၟဝ်ကျာပိဂကောံဂှ် သဳကၠဳလဝ်ပရေၚ်ၜိုဟ်လလမ် ကုကံၚ်ဇြဳပၞာန်ကီုရ။

ပေါဲသဳကၠဳ ဒပ်ကံၚ်ဇြဳပၞာန်ကဵု ဒပ်မဟာမိတ်သ္ကုတ်သၟဝ်ကျာပိဂကောံ ကြုက်မလုပ်စိုပ် ပ္ညဳပ္ညပ်ကဵုလဝ် အကြာဂှ်ဝွံ ဟိုတ်နူအရာဟွံပြေပြံၚ်သီုၜါလ္ပာ်တံတုဲ ပေါဲသဳကၠဳဂှ် လီုအာလဝ်ရ။

ဒပ်ကဝ်က မဖျေံသ္ဇိုၚ်ချဳဒရာၚ်ဒၟံၚ် ပ္ဍဲဒေသပယျဵုကြုက်−ဗၟာ ချေန်ယှိုဲဟဝ်၊ လံက်ကိုၚ်၊ ကုၚ်ကျာန်၊ မဝ်ထိုက်၊ မုၚ်ကိုဝ်၊ ကောန်လုၚ်၊ ကောတ်ခိုၚ် ကေုာံ လာယှိုဲဝ်ဂှ်ဝွံ ဒှ်ဂကောံဒပ်ရပ်လွဟ် ကောန်ဍုၚ် အရၚ် ဇြဟတ်မၞုံဂၠိုၚ်ကဵုဠက်မွဲရ။

ပရိုၚ်−သြၚ်လောန်တိုၚ်(မ်)

ဗီုဓာတ်− မဳဒဳယာကဝ်က

Leave a Reply

Your email address will not be published. Required fields are marked *