အခိၚ်စုတ် Mask အောန်ယအ်စှ်ေဂှ် ကောန်ဂကူဂျပါတ်တအ် တိုန်တန်ဗ္တောန် Smile Instructor ဂၠိုၚ်ကၠုၚ်

FILE PHOTO: A student practices smiling with a mirror at a smile training course at Sokei Art School in Tokyo, Japan, May 30, 2023. REUTERS/Kim Kyung-Hoon

တိုဝ်ကျိုဝ်- ဂျောန်(၆)

ပ္ဍဲကဵုခန်ဗ္တောန်လိက် ကေတိုဝ်ကာဝန်နိုဝ် ကၟိန်ဍုၚ်ဂျပါန်ဂှ် ကောန်ကွးဘာမွဲဒါဇြေန်ပြၚ် ရပ်လဝ်ဒ္ၚောဝ် ဓရိုဟ်ဒၟံၚ်သၟန်ပါၚ်ဍေံတအ်ကဵုတဲတုဲ ပ္ကတ်ပ္ကေၚ်ဒၟံၚ် ဗီုနဲလဵု ဂွံအီရ။

အခိၚ်ဘဲကပ်ကိုဝ်ဝေတ်က္တဵုဒှ်ကၠုၚ် ကြဴနူစုတ်လဝ် Mask တုဲဂှ် နဒဒှ်ရေၚ်တၠုၚ်ကာဝန်နိုဝ် ပ္ဍဲဂျပါန် တၚ်နွံပၟိက် Smile Instructor သၠုၚ်တိုန်ကၠုၚ်လဝ်ရ။

ဟဳမာဝါရိုဝ်ယှဳဒါ အာယုက်(၂၀)သၞာံ သုၚ်စောဲလအီညးတုဲ သွက်ကမၠောန်ဒးကၠောန် ပ္ဍဲကဵုလိက်ဇုတ် ဓရံၚ်ဗ္တောန်ဘာဂှ် ကတ်လ္ၚတ်ဗ္တောန်ဒၟံၚ်ဘာသာဏံရ။

ကာဝန်နိုဝ်ဂှ် ပရေၚ်ပညာလအီ နူအဳဂိုဝ်အဳကူ ကုမ္ပဏဳ ဟိုတ်နူညးမိက်ဂွံကၠောန် ကမၠောန်သ္ဇိုၚ် ဝန်သွံဖျာတအ်တုဲ ဂၠိုၚ်တိုန်ကၠုၚ် (၄)ဂအုံပြၚ်တုဲ ပ္ဍဲခန်လ္ၚတ်မွဲမွဲဂှ် ဒတုံ (၅၅)ဒဝ်ဠာ အမေရိကာန်ရောၚ် ဂွံတီကေတ်ရ။

ပ္ဍဲဂျပါန်ဂှ် ကိုပ်ကၠာနူဟွံဒှ်ကိုဝ်ဝေတ်ဏီဂှ် ဟိုတ်နူပရေၚ်ယဲဥတုရာသဳတုဲ ဒးကၠောန်သ္ပကၠုၚ် ပရေၚ် ဒးစုတ် Mask ရ။

ဒၟာနူဒှ်ကၟိန်ဍုၚ်တ္ကအ်၊ မွဲကၟိန်ဍုၚ်ပံၚ်ကောံဂှ်ရ ဟိုတ်နူဗကပ်ဗဗေၚ်ပရေၚ်ဂီုကၠီုတုဲ အတိုၚ်ပရေၚ် ယေန်သၞာၚ် လအီကောန်ဂကူဂျပါန်တအ် အောန်ယအ်စှ်ေကၠုၚ် နူကဵုကၟိန်ဍုၚ်ပလိုတ်တအ်ဂှ်ရ ကာဝန်နိုဝ် ဗ္တောန်ကဵုဒၟံၚ်ပရေၚ်ပညာလအီ ဟီုသ္ဂးလဝ်ရ။

“အီဒၟံၚ်အတိုၚ်ယေန်သၞာၚ်ဟီုဂှ် အဲ(ဗြဴ) ရပ်လွဟ်လွဟ်တုဲ ဘပဠဒၟံၚ်ဇကု ဟွံသေၚ်ပုဟ်ဂှ် ဓမံက်ထ္ၜးဒၟံၚ်ရ။ အဲ(ဗြဴ) ထေၚ်ကေတ်တှ်ေ ပ္ဍဲဒၞာဲဏံ ညံၚ်မၞိဟ်တအ်ဂွံအီထ္ၜးလေပ်ဟီုဂှ် တၚ်နွံပၟိက် ဂၠိုၚ်တိုန်ကၠုၚ်ဒၟံၚ်သိုက်က်ယျ”ဂှ် ကာဝန်နိုဝ် ဟီုသ္ဂးလဝ်ရ။

သ္အာၚ်နူဂှ်ပၠန် ကောန်ဂကူဂျပါန်တအ်ဂှ် အခိၚ်ဆဵုဂဗကဵု ကောန်ဂကူကောန်ဍုၚ်သ္အာၚ်မ္ဂး မ္ၚးနူမတ်တုဲ သွက်ဂွံဆက်စၠောံ နကဵုနဲကဲတၞဟ်သ္အာၚ် နွံဒၟံၚ်ပၟိက်ရဂှ် ညးဟီုလဝ်ဏီရ။

Ref;Reuters

Leave a Reply

Your email address will not be published. Required fields are marked *