ဗီုရုပ်သ္ဂံၚ် နူတံဒပ် PDF – ၅၁၀၁ ရးလဂုၚ် ပ္ကတ်ပ္ကေၚ်လဝ်ပၞာန်

လဂုၚ်-ဂျောန်(၈)

သ္ဂံၚ်နူတံဒပ် – ၅၁၀၁ ဒပ်စဵုဒၞာညးဍုၚ်ကွာန် PDF ဌာန်လ္ပာ် ဂအုပ်ဒပ် ပၞာန်ရးဒေသလဂုၚ်တအ် ပံၚ်ကောံတုဲ ဗီုရုပ်ပ္ကတ်ပ္ကေၚ်ဒၟံၚ်ပၞာန်ဂှ် ဌာန်လ္ပာ်ဂအုပ်ဒပ်ပၞာန် ရးလဂုၚ် လလောၚ်တြးလဝ်ရ။

အခိၚ်လၟုဟ်ဏံမ္ဂး သ္ဂံၚ်နူတံဒပ် – ၅၁၀၁ တအ် ပ္ဍဲပရေၚ်ချဳဒရာၚ်ပၞာန် ပ္ဍဲဂြိုပ်ဂှ် ပံၚ်တောဲကဵု ကရောၚ်ပၞာန်မဟာမိတ်တအ်တုဲ လုပ်ဒၟံၚ်ပေါဲဗတိုက်ကီု ပ္ဍဲပရေၚ်ချဳဒရာၚ်ပၞာန် လ္တူဍုၚ်ဇၞော်လဂုၚ်လေဝ် ပါလုပ်ဒၟံၚ်ရဂှ် ဂွံတီကေတ်ရ။

ဗီုရုပ်သ္ဂံၚ် နူတံဒပ် PDF - ၅၁၀၁ ရးလဂုၚ် ပ္ကတ်ပ္ကေၚ်လဝ်ပၞာန် (ဗီုရုပ် - ဒေသပၞာန်လ္ပာ် ရးဒေသလဂုၚ်)
ဗီုရုပ်သ္ဂံၚ် နူတံဒပ် PDF – ၅၁၀၁ ရးလဂုၚ် ပ္ကတ်ပ္ကေၚ်လဝ်ပၞာန် (ဗီုရုပ် – ဒေသပၞာန်လ္ပာ် ရးဒေသလဂုၚ်)

တံဒပ်လဂုၚ် – ၅၁၀၁ ဂှ် ဒက်ပ္တန်လဝ် နကဵုကောန်သ္ဂံၚ်ဒုၚ်ဂိုၚ်ကေတ်ပၟိၚ်ဇြဟတ်ခိုဟ်တအ်တုဲ သ္ဇိုၚ်ကွတ်ပၞာန်၊ တန်ဗ္တောန်မောန်မာန်သၟးဟေၚ်ဟွံသေၚ် သီုတိုန်စိုပ်လဝ် တန်ဗ္တောန်ဘာမောန် မာန်ဒပ်ဒမၠုပ်တုဲ ဒှ်ညးအစောံစရာဲဍာ်ဒကေဝ်ဗတိုက် ပေၚ်ကၟိုဟ်ဒၟံၚ်ရဂှ် ဓမံက်လဝ် ပ္ဍဲတၚ်လလောၚ်တြးရ။

အလဵုအသဳပရေၚ်ညဳသၟဟ်ကောန်ဂကူ၊ ဌာနဝန်ဇၞော်ပရေၚ်စဵုဒၞာဂှ် စဒက်ပ္တန်လဝ် တံဒပ် PDF – ၅၁၀၁ ပ္ဍဲဂိတုဂျောန်စၟတ်တ္ၚဲ (၁)ရဂှ် လလောၚ်တြးလဝ်ရ။

အခိၚ်လၟုဟ်ဏံ ကြဴနူလလောၚ်တြးကၠုၚ် ဒဒှ်ရဒက်ပ္တန်လဝ် တံဒပ်လဂုၚ် NUG တုဲ ကောန်ဒပ် ကံၚ်ဇြဳပၞာန်တအ် ပတေၚ်ဂြတ်လဝ် ပရေၚ်ဂီုကၠီု ပ္ဍဲလဂုၚ်ကီု သီုကၠောန်သ္ပကၠုၚ်ဒၟံၚ် ပရေၚ်ဂၠိုက်ဂၠာဲ စၟဳစၟတ်ရဂှ် ဂွံတီကေတ်ရ။

ပရိုၚ်-သြၚ်လောန်တိုၚ်(မ်)

ဗီုရုပ် – ဒေသပၞာန်လ္ပာ် ရးဒေသလဂုၚ်

Leave a Reply

Your email address will not be published. Required fields are marked *