ကျာ်ဗူဗကာံ ဒးစက်ဂဂဵုတးတုဲ လီုလာ်ကၠုၚ်နွံ

ညံၚ်ဥူ – ဂျောန်(၈)

ကျာ်ဗူ (ကျာ်လေ) မၞုံရးဒေသအၚ်ဝ၊ ပ္ဍဲတိဍာ်ယေန်သၞာၚ်တြေံတြဟ်ဗကာံ ခရိုၚ်ညံၚ်ဥူဂှ် ဟိုတ်နူ ဒးလဝ်စက်ဂဂဵုတးတုဲ ပရေၚ်လီုလာ် နွံလဝ်ရဂှ် ဓမံက်ထ္ၜးလဝ် ပ္ဍဲမဳဒဳယာတြးဝါဒကံၚ်ဇြဳပၞာန်ရ။

ပ္ဍဲပရေၚ်ဒဒှ်ဂှ် ဂိတုဂျောန် တုဲကၠုၚ်စၟတ်တ္ၚဲ (၆) ဗ္တံ အခိၚ်ဗြဲဂူသ္ကာတ်ဒၟံၚ်ဂှ် ဟိုတ်နူဂဂဵုတးပန်ဖျေံ ပ္ဍဲကြုၚ်ၜဳဨရာဝတဳတုဲ ကျာ်ဗူ ဒက်ပ္တန်လဝ် ပ္ဍဲဗ္စပ်သြၚ်ကြုၚ်ဂှ် ဒးလဝ်စက်ဂဂဵုတးရ။

ကျာ်ဗူဗကာံ ဒးစက်ဂဂဵုတးတုဲ လီုလာ်ကၠုၚ်နွံ (ဗီုရုပ် - မဳဒဳယာတြးဝါဒကံၚ်ဇြဳပၞာန်)
ကျာ်ဗူဗကာံ ဒးစက်ဂဂဵုတးတုဲ လီုလာ်ကၠုၚ်နွံ (ဗီုရုပ် – မဳဒဳယာတြးဝါဒကံၚ်ဇြဳပၞာန်)

ဟိုတ်နူစက်ဂဂဵုတးတုဲ ပရေၚ်လီုလာ်ကျာ်ဗူ နွံလဝ်ဂှ် ပ္ဍဲပွိုၚ်မွဲသတ္တာဟ ကလေၚ်ပလေဝ်ပလေတ် အာရောၚ်ဂှ် ညးတာလျိုၚ် ဌာနသုတေသနတြေံတြဟ်ဗကာံမွဲတၠ ဟီုလဝ် ပ္ဍဲမဳဒဳယာတြးဝါဒ ကံၚ်ဇြဳပၞာန်ရ။

သၠဒကှ်ဒုၚ်လဝ် သၟဝ်ခၟောံဗိုတ်စေတဳဂှ် ကလှ်ေတိတ်လဝ်ကီု၊ သၠဒကှ်ဂဒအ်ဗြာတ် သ္ကုတ်လ္တူ ကလှ်ေ တိတ်လဝ် ၜိုတ် (၆)ၝောံတဲကီု မ္ၚးနူဂှ် ပ္ဍဲမွဲဗ္ဂေတ်က္ဍိုၚ်လေဝ် ခြေဲဗရိုတ် အရံၚ်လစံက်အာတုဲ မ္ၚးနူဂှ်ဟိုတ်နူစက်ဂဂဵုတးတုဲ ပ္ဍဲစေတဳဂှ် ပၞေတ်ထောၚ် ဒှ်လဝ်ရဂှ် ဂွံတီကေတ်ရ။

ပ္ဍဲကျာ်ဗူ ဒးလဝ်စက်ဂဂဵုတးဏံ ဗ္ဂပ်စုတ်လဝ် သၞောတ်ပြံၚ်ဓလေတ်ဇုက်ဂဂဵုတး နွံဒၟံၚ်ဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ဟိုတ်နူပရေၚ်ပရောဏံတုဲ ပ္ဍဲအကြာတွဳဗွိုၚ်ဒပ်ပၞာန်တအ် ပရေၚ်ဒှ်ဓဝိၚ်ဂွိၚ်ဂွာဲဒၟံၚ်နွံတုဲ ကၠောန်သ္ပကၠုၚ် ပွမပၠေၚ်အန္တရာဲမာန်ရောၚ်ဂှ် ချူတြးဒၟံၚ် ပ္ဍဲမုက်လိက်ဇာနှိက်ပရေၚ်မၞိဟ်ရ။

ပရိုၚ်-သြၚ်လောန်တိုၚ်(မ်)

ဗီုရုပ် – မဳဒဳယာတြးဝါဒကံၚ်ဇြဳပၞာန်

Leave a Reply

Your email address will not be published. Required fields are marked *