ဂကောံသၟတ်ကိုဝ်ရဳယျာသၟဝ်ကျာ ကဵုဒါန်လံၚ်ချာကၠအ်ကမ်လှောဝ် ကုဒပ်ပၞာန်

FILE PHOTO: North Korean leader Kim Jong Un poses for a group photo with representatives of the Korean Children's Union (KCU) under North Korea's ruling Workers' Party in Pyongyang, North Korea, in this photo released on January 1, 2023 by North Korea's Korean Central News Agency (KCNA). KCNA via REUTERS

ပျုမ်ယာန်၊ ဂျောန် (၈)

ကိုဝ်ရဳယျာသၟဝ်ကျာ အခိၚ်ဒးဆေၚ်ဒၟံၚ်မုက် ကုပရေၚ်ဘပဠဍုၚ်သ္အာၚ် ဇၞော်ပၟဝ်ကၠုၚ်ဒၟံၚ်ဂှ် ဂကောံသၟတ်မွဲဂကောံ နူကဵုကိုဝ်ရဳယျာသၟဝ်ကျာဂှ်ဝွံ ဒဒှ်ရကဵုလဝ်ဒါန် လံၚ်ချာကၠဟ်ကမ်လှောဝ် ဇရေၚ်ဒပ်ပၞာန်ဂှ် ပ္ဍဲဂိတုဂျောန် (၇) တေံ မဳဒဳယျာကၟိန်ဍုၚ်ပိုၚ် KCNA ထ္မံက်ထ္ၜးလဝ်ရ။

ဂကောံသၟတ်စပ်ကဵုပရေၚ်ဍုၚ်ကွာန် ကိုဝ်ရဳယျာ (KCU) ဂှ် အခန်ကၞာ ကဵုဒါန်ကပေါတ်လွဟ်ပၞာန်တံဏံဂှ် ကၠောန်ဗဒှ်လဝ် ပ္ဍဲဂိတုဂျောန် (၆) တ္ၚဲအၚာတေံရ။

ဒၟါနူကဝါကွိၚ်ကအ်သာ်ဍာဲ ကောန်ဂကောံတံဂှ်တုဲ ဂကောံ KCU မၞိဟ်တီဂၠိုၚ်ကၠုၚ်တံဂှ် ဒက်ပ္တန်လဝ် နကဵုအဓိပ္ပာယ် ဂျူချဳ ဟွံသေၚ်မ္ဂး မၞိဟ်ပတှ်ေဇကုဇကု သွက်ဂွံသၠုၚ်ပ္တိုန် လညာတ်ပရေၚ်ဍုၚ်ကွာန်ကိုဝ်ရဳယျာသၟဝ်ကျာရ။

ပ္ဍဲအခိၚ်ဍုၚ်သ္အာၚ်တံ ကဵုကၠုၚ်သတိသၠုၚ်တိုန်ဒၟံၚ် ကုအစဳဇန်နျူကလဳယျာ ကေုာံ ကမ်လှောဝ်ကိုဝ်ရဳယျာသၟဝ်ကျာတံဂှ် ကၠောန်သ္ပသၠုၚ်ပ္တိုန်လဝ်အသိၚ် ပေါဲကောံဓရီုညးဍုၚ်ကွာန် စံၚ်ပလီုပလာ်လဝ် ဗီုရုပ် က္ဍိုပ်သ္ကိုပ်အမေရိကာန် ကေုာံ ကိုဝ်ရဳယျာသၠုၚ်တံရ။

ကိုဝ်ရဳယျာသၟဝ်ကျာဝွံ အပ္ဍဲသၞာံဏံ စမ်ၜတ်ပန်ပှော် ကမ်လှောဝ်နာနာသာ် ပါလုပ်သီုကဵုကမ်လှောဝ်ပန်ပှော်အကြာတိုက် ဇၞော်အိုတ်တံဂှ်တုဲ ဒစဵုဒစးလဝ် တၚ်သ္ဂုတ်သွာတ် ကံၚ်ဇြဳဂီုကၠီုကုလသမဂ္ဂရ။

ပ္ဍဲသတ္တာဟတုဲကၠုၚ်တေံ ဟိုတ်နူပန်ဗလးလဝ် ဂြိုဟ်ပ္တောံထံၚ်ပရိုၚ်ကိုပ်ကၠာအိုတ်ဂှ်ရ ဒးဒုၚ်ဟီုဖျေံကဝု ကုဍုၚ်သ္အာၚ်တံတုဲ ဟွံအံၚ်ဇၞးမွဲသာ် ပၠံၚ်ပရှ်ကျာတံဂှ်ကဵု ကဝေက်သ္ကုတ်တ်တံဂမၠိုၚ်ဝွံ လီုစှ်ေအာလဝ် အပ္ဍဲၜဳမှာသၟိတ်ရ။

ပ္ဍဲအခန်ကၞာ တ္ၚဲအၚာဂှ် သၞာဲဒဴကဆံၚ်လ္တူ နူကဵုဗော်ဂွံအဝဵုတံ တိုန်စိုပ်လဝ်ရောၚ်ဂှ် KCNA ထ္မံက်ထ္ၜးလဝ်တုဲ သာ်လဵုဂွံလဝ်သြန်ဗွဝ် သွက်ကပေါတ်လွဟ်လက်နက်တံဏံရောဟီုဂှ် ဟီုဂးလဝ်ဟွံမွဲရ။

လံၚ်ချာကၠဟ်ကမ်လှောဝ် မကဵုလဝ်ဒါန်ဂှ် ကဵုလဝ်ယၟုသောန်ယောန် မဂွံအဓိပ္ပာယ် သၟတ်တြုံကိုဝ်ရဳယျာဂှ်တုဲ ပ္ဍဲကဵုဂကောံသၟတ်ဏံဂှ် ပါလုပ်ဒၟံၚ် သီုသၟတ်တြုံ၊ သီုသၟတ်ဗြဴဂှ် ဂွံတီကေတ်ရ။

Ref: Reuters

Leave a Reply

Your email address will not be published. Required fields are marked *