ပ္ဍဲပေါဲဗတိုက်နာတ်တာန်ကွေန် လ္ပာ်ကံၚ်ဇြဳပၞာန် ဒးချိုတ်လဝ် ဗ္ဒာဲ (၄၀)တၠ KNU ဟီု

ကျောက်ဂျဳ၊ ဂျောန်(၉)

ပ္ဍဲပရေၚ်ဍိုက်ဗ္တိုက်လဝ် ဒၞာဲကံၚ်ဇြဳပၞာန်ဖျေံလဝ်ဗဒိုပ် (၅) ဒၞာဲ ပါလုပ်သီုဗဒိုပ်ဗၠာဲသၟိၚ် နာတ်တာန်ကွေန် မၞုံပွိုၚ်ဍုၚ်မုမ်ကဵု ပွိုၚ်ဍုၚ်ကျောက်ဂျဳမ်ဂှ် လ္ပာ်ကံၚ်ဇြဳပၞာန် ဒးချိုတ်လဝ်ဗ္ဒာဲ (၄၀) ရဂှ် ဗဟဵု KNU လလောၚ်တြးလဝ်ပရိုၚ် နကဵုစၟတ်တ္ၚဲ ဂိတုဂျောန် စၟတ်တ္ၚဲ (၈) ရ။

ဗဒိုပ်​ကၚ် ဂၠံၚ်ပါ်ယျေတွောန်ကုမ်၊ ဗဒိုပ်ဗၠာဲဍုၚ်သၟိၚ်နာတ်တာန်ကွေန်၊ ဗဒိုပ်ကၚ် ဂတဒဒန်နာတ်တာန် ကွေန်၊ ကၚ်ပလိုတ်ဒဒန် မၞုံဗၟံက်ပါၚ်ကြုၚ်ချောၚ်ဝကေုာံ ဗဒိုပ်ဒပ်ပၞာန်ဘုံတတဝ် ကံၚ်ဇြဳပၞာန်ဖျေံ လဝ်ဗဒိုပ် မၞုံပွိုၚ်ဍုၚ်မုမ်ကဵုပွိုၚ်ဍုၚ်ကျောက်ဂျဳ KNU ဂှ် ပ္ဍဲဂိတုဂျောန် စၟတ်တ္ၚဲ(၆) ဒပ်ပံၚ်ကောံ သၟဝ်တဲဒပ်မဟာ (၃) ဒပ်ပၞာန်ဗၠးၜးကောန်ဂကူကရေၚ် KNLA တအ် လုပ်ဗတိုက်လဝ် မွဲအခိၚ်ဓဝ်ရ။

ပ္ဍဲပေါဲဗတိုက်နာတ်တာန်ကွေန် လ္ပာ်ကံၚ်ဇြဳပၞာန် ဒးချိုတ်လဝ် ဗ္ဒာဲ (၄၀)တၠ KNU ဟီု
ပ္ဍဲပေါဲဗတိုက်နာတ်တာန်ကွေန် လ္ပာ်ကံၚ်ဇြဳပၞာန် ဒးချိုတ်လဝ် ဗ္ဒာဲ (၄၀)တၠ KNU ဟီု

ပ္ဍဲပရေၚ်ဗတိုက်ပန်ပှော်ဂှ် ဒဒန်နာတ်တာန်ကွေန်၊ ဒဒန်မၞုံအကြာအုန်နှပေန်ကဵု နယွဲပေန် ကေုာံ ဒဒန်မၞုံအကြာ တာဇြဳကဵု တာဇြုၚ် (၃)တၞုၚ် မဒှ်ဂၠံၚ်ထံက်ပလံၚ်ဒပ်ကံၚ်ဇြဳပၞာန်ဂှ်လေဝ် ပ္ကဝ်ခရိုဟ်ပလီု လဝ်ရဂှ် KNU ဟီုသ္ဂးလဝ်ရ။

ပ္ဍဲပေါဲဗတိုက်တအ်ဂှ် လ္ပာ်ကံၚ်ဇြဳပၞာန် ဒးချိုတ်လဝ် (၄၀)တုဲ ဒးလဝ်ဘဲဝပ် (၁၂)တၠကီု လ္ပာ်ဒပ်ပံၚ်ကောံ KNLA ဒပ်မဟာ(၃)လေဝ် ဒးပြဟ်လလုဲလဝ် (၄)တၠတုဲ ဒးလဝ်ဘဲဝပ် (၁၃)တၠရဂှ် ဓမံက်လဝ် ပ္ဍဲတၚ်လလောၚ်တြးရ။

သ္အာၚ်နူဂှ်ပၠန် ဒဒှ်ရသီဂွံလဝ် လွဟ်လက်နက် သီုကဵုကပေါတ်မဆေၚ်စပ် နူဒပ်ကံၚ်ဇြဳပၞာန်ဂှ်လေဝ် ဓမံက်ထ္ၜးလဝ်ပ္ဍဲတၚ်လလောၚ်တြးရ။

ဒပ်ကံၚ်ဇြဳပၞာန်ဒးဒုၚ်ဗတိုက်သရိုဟ်လဝ်ဗဒိုပ်ဂှ် ပ္ဍဲတ္ၚဲဂှ်မွဲတ္ၚဲဓဝ် ကၠုၚ်ဗတိုက်လဝ် နကဵုက္ၜၚ်ကျာဂျေတ် ဖိုကတ်တာ ကေုာံက္ၜၚ်ကျာသၞေၚ်ၜဲပၞာန် (၉)ဝါတုဲ နူကဵုဗဒိုပ်ကံၚ်ဇြဳပၞာန်လေဝ် ပန်ဖျေံလွဟ်လဝ်ဇၞော် ပ္ဍဲလ္ပာ်ကွာန်ဂမၠိုၚ်အဆက်ဟွံပိုတ်သ္ကုတ်ရ။

ဟိုတ်နူဒပ်ကံၚ်ဇြဳပၞာန် ပ္တဝ်လဝ်ကဵုညးဍုၚ်ကွာန်တုဲ ဗတိုက်ဒၟံၚ်ဂှ်ရ လၟိဟ်မၞိဟ်ပံၚ် (၄၅၀၀) ပြၚ် နူကွာန်မပ္တံကဵုနာတ်တာန်ကွေန်၊ ဒေါၚ်မိုအ်၊ တဝ်ကျောက်ပေါက်၊ ဝါပေန်သု၊ တောၚ်ပု ပွိုၚ်ဍုၚ် ကျောက်ဂျဳ KNU ကေုာံ ယေတွောန်ဂျဳ၊ ယျေတွောန်ကုမ်လေဝ်၊ ဥယှေတ်ခေန်၊ အုန်ပေန်သု၊ တပျေကုမ် ပွိုၚ်ဍုၚ်မုန် KNU တအ် ဒးဂြိပ်ဒဴပါဲဓလေတ်ဒၟံၚ် ပ္ဍဲဒၞာဲဗၠးဘဲလမျီုရ။

ကြဴနူပေါဲဗတိုက်က္တဵုဒှ်တုဲ ဒပ်ကံၚ်ဇြဳပၞာန်ကလေၚ်ဖျေံလဝ်ဗဒိုပ် ပ္ဍဲဒဒန်နာတ်တာန်ကွေန်ကဵု ဗဒိုပ်ဗၠာဲသၟိန် နာတ်တာန်ကွေန်ဂှ် ညးဍုၚ်ကွာန်ဟွံဂြိပ်ဒဴပါဲဓလေတ် မၞုံဗ္ဒာဲဒဒန်နာတ်တာန်ကွေန် ကေုာံဗ္ဒာဲဗဒိုပ်ဗၠာဲသၟိၚ် အရာပ် (၂)၊ အရာပ်(၃) အရာပ်(၆)တအ်ဂှ် စကာကဵုဆုဲပြံၚ်လဝ် ဗွဲအဓမ္မရဂှ် KNU လလောၚ်တြးလဝ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်-KNU

Leave a Reply

Your email address will not be published. Required fields are marked *