ပ္ဍဲကွာန်နှေဟ်ခရေၚ် ပွိုၚ်ဍုၚ်ရေဝ် ညးဗြဴမွဲတၠ ဒးလွဟ်ဇၞော်တုဲ ချိုတ်အာ

ရေဝ်၊ ဂျောန် (၉)

ဒပ်အမၠံက်ကံၚ်ဇြဳပၞာန် ဟိုတ်နူပန်ပှော်လဝ် လွဟ်ဇၞော် အပ္ဍဲကွာန်နှေဟ်ခရေၚ် ပွိုၚ်ဍုၚ်ရေဝ် တွဵုရးဍုၚ်မန်ဂှ်ရ ညးဗြဴအာယုက် ၂၅ သၞာံမွဲတၠ ချိုတ်အာလဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပ္ဍဲဂိတုဂျောန် (၈) ပယျာံနူဂယးဂှ် ဂကောံရပ်လွဟ်ဟွံတီယၟုမွဲဂကောံ ဖံက်ဗ္တိုဟ်သေနာတ်တုဲ ကၠုၚ်စိုပ်ကော်ဏာလဝ် အုပ်ဓုပ်ကွာန်နှေဟ်ခရေၚ် ဥူနေဝေန်မျေတ်ဂှ်တုဲ လ္ပာ်ကံၚ်ဇြဳပၞာန် ပန်ပှော်စုတ်လဝ် လွဟ်ဇၞော် အပ္ဍဲကွာန်ရ။

ပ္ဍဲကွာန်နှေဟ်ခရေၚ် ပွိုၚ်ဍုၚ်ရေဝ် ညးဗြဴမွဲတၠ ဒးလွဟ်ဇၞော်တုဲ ချိုတ်အာ

မကမ်လွဟ်ဇၞော် နူကဵုဒပ်အမၠံက်ကံၚ်ဇြဳပၞာန် ဖျေံသ္ဇိုၚ်ကွာန်ဝါဖေဝ် ပန်ပှော်နၚ်ဂှ်ဝွံ ဒတုံဗ္တိုဟ်ထ္ကးအာလဝ် လ္တူသ္ၚိဒၟံၚ် ပွဳပွူဗ္ဒါဲသုသာန်ကြုက် မၞုံအရာပ် (၅) ကွာန်နှေဟ်ခရေၚ်ဂှ်ရ။

ဟိုတ်နူလွဟ်လက်နက်ဇၞော် ဒတုံဗ္တိုဟ်ထ္ကးအာလဝ်ဂှ်တုဲ သၟာကမၠောန်ဆုဲပြံၚ် အာယုက် ၂၅ သၞာံ မတေန်ကျဳ ဒးလွဟ်ဇၞော်ချိုတ်အာလဝ်တုဲ ပ္ဍဲကဵုသ္ၚိဒၟံၚ် (၂) မဂှ်လေဝ် ဇီုကပိုက်ပြဟ်လလုဲအာတံ က္တဵုဒှ်လဝ်ရ။

ဥူနေဝေန်မျေတ် အုပ်ဓုပ်ကွာန်နှေဟ်ခရေၚ် ဂကောံရပ်လွဟ် မကၠုၚ်ကော်ဏာဂှ်ဝွံ ပ္ဍဲကဵုတ္ၚဲဂှ် အခိၚ်လဒေါဝ်တ္ၚဲဂှ်ရ ကလေၚ်စိုပ်ကၠုၚ်လဝ်ရောၚ် ဂွံတီကေတ် အတိုၚ်ဂလာန်ညးဒေသတံရ။

ပွိုၚ်ဍုၚ်ရေဝ် မလလောၚ်တြးလဝ် ပရေၚ်အုပ်ဓုပ်ပၞာန်ဂှ်ဝွံ ဒှ်ဒေသဂကောံဇြဟတ်ပၠန်ဂတး ဇြဟတ်ခိုဟ်မွဲတုဲ လ္ပာ်ကံၚ်ဇြဳပၞာန်ဂှ် နကဵုဟိုတ်ပရေၚ်ဂီုကၠီုတုဲ ပန်ပှော်ဒၟံၚ်လွဟ်ဇၞော် အပ္ဍဲကွာန်တံ မွဲဏှမွဲဏှဂှ်ရ ညးဍုၚ်ကွာန်ကောန်အရာပ်တံ ဇီုကပိုက်ချိုတ်ဂျိုၚ်တံ နွံဒၟံၚ်ရ။

ပရိုၚ်−သြၚ်လောန်တိုၚ်(မ်)

ဗီုဓာတ်−CJ

Leave a Reply

Your email address will not be published. Required fields are marked *