တၞၚ်သဳ၊ ဂျောန် (၈)
ညးဒေသပါဲဒဴဘဲပၞာန် (၇) တၠ မစဴကၠုၚ်ကေတ်ဇွောံမ ပ္ဍဲကွာန်ညံၚ်ပေန်ကုန်၊ ပွိုၚ်ဍုၚ်တၞၚ်သဳ၊ ရးဒေသ ဇၞော်တၞၚ်သဳဂှ် ဒပ်ကံၚ်ဇြဳပၞာန် ရပ်ဒက်လဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ညးပါဲဒဴဘဲပၞာန် မစဴကၠုၚ်ကေတ်ဇွောံမ မၞိဟ်တြုံ ၅ တၠကဵု မၞိဟ်ဗြဴ ၂ တၠ ပ္ဍဲကဵုကွာန်ညံၚ်ပေန်ကုန် အခိၚ်လဒေါဝ်တ္ၚဲ ဂိတုဂျောန် (၇) တေံဂှ် ဂဗကဵုဒပ်ကံၚ်ဇြဳပၞာန်တဝ်ဝ်တုဲ ဒးဒုၚ်ရပ်ဒက်လဝ်ရ။
ဒပ်ကံၚ်ဇြဳပၞာန်ဂှ် ညးဒေသပါဲဒဴဘဲပၞာန် ဍေံတံ မရပ်ဒက်ဏာလဝ်ဂှ်ဝွံ ရပ်ဒက်ဏာလဝ် နကဵုတၚ်စောတ် စောဲ ဒဒှ်ရ ဒှ်ဂကောံဒပ်စဵုဒၞါညးဍုၚ်ကွာန် PDF တံရောၚ် မဒှ်ရ။
ညးဒေသပါဲဒဴဘဲပၞာန် မရပ်ဒက်ဏာလဝ်တံဂှ် စၟဳစၟတ်ဒၟံၚ် ပ္ဍဲဒပ်အမၠံက် စၟတ် (၃၀၆) ကဵု တမ်ဒပ်ခမရ (၅၅၆) တံရောၚ်ဂှ် ဂွံတီကေတ်ရ။

ညးဒေသကွာန်ညံၚ်ပေန်ကုန်တံဝွံ စနူဂိတုမေအိုတ်တုဲကၠုၚ်တေံတုဲ ဟိုတ်နူဒပ်ကံၚ်ဇြဳပၞာန် ထ္ပက်ဒၟံၚ် ကရောၚ်ပၞာန်ဂှ်ရ ကြပ်အလုံကွာန်မွဲ ဒးဂြိပ်ဒဴပါဲဒလေတ်ဒၟံၚ်ရ။
ပ္ဍဲပွိုၚ်ဍုၚ်တၞၚ်သဳ မလလောၚ်တြးလဝ် ပရေၚ်အုပ်ဓုပ်ပၞာန်ဂှ် မ္ၚးနူပေါဲဗ္တိုက်ၜါလ္ပာ်တံဂှ် ဟိုတ်နူပရေၚ်ပန်ပှော်လွဟ်ဇၞော် ဒပ်ကံၚ်ဇြဳပၞာန်တံတုဲ ညးဒေသဂၠိုၚ်ကဵုလ္ၚီ ဒးဂြိပ်ဒဴပါဲဒလေတ်ဒၟံၚ်တုဲ ဒဵုကဵုအခိၚ်လၟုဟ် ဟွံဂံၚ်စဴဌာန်ဒၟံၚ်အိုတ်ဏီရ။
ပရိုၚ်−သြၚ်လောန်တိုၚ်(မ်)
ဗီုဓာတ်−CJ

