ဍုၚ်သေံ ထပိုတ်ထောံ ဇြဟတ်ဓာတ်လလဳ ကုဍုၚ်ယှိုဲကုက္ကိုလ် မဒှ်ဒၞါဲဒတန်ကမၠောန်ဝေၚ်ၛၚ် ကြုက်မၞုံဒၟံၚ်လက္ကရဴ

ၜၚ်ကံက်၊ ဂျောန် (၉)

ယှိုဲကုက္ကိုဝ် မဒှ်ဒၞါဲကမၠောန်လီဠာန်သြန်အောန်လာၚ်တံကဵု ဝိုၚ်ဝေၚ်ဟွံလုပ်သၞောဝ် သီုကဵုဒှ်ဒၞါဲဒတန် ကိုန်စဳမာန်ပရေၚ်ဖောအ်ဗြေဝ် မၞုံကဵုၚုဟ်မးဂၠိုၚ်ကဵုဗဳလျာန်ဒဝ်ဠာ ဇြဟတ်ကြုက်မၞုံလက္ကရဴဂှ် နူကဵုဍုၚ်သေံတေံ ထပိုတ်ထောံလဝ် ပၟတ်ဓာတ်လလဳရ။

သၟိၚ်တၠအဝဵုဍုၚ်သေံတံဂှ်ဝွံ ပရေၚ်ဗလးကဵုဇြဟတ်ဓာတ် ဍုၚ်ယှိုဲကုက္ကိုဝ် အပ္ဍဲတွဵုရးကရေၚ်၊ ဍုၚ်ဗၟာဂှ် ပ္ဍဲဂိတုဂျောန် (၅) အခိၚ်သ္ဂာဗ္တံတေံ ဒဒှ်ရစထပိုတ်လဝ်ဂှ် ဇမၞော်သ္ကိုပ် ဒပ်ဗၠာဲသၟိၚ်ခရိုၚ်မာဲချံက် မန်သက်ကေဝန် ဟီုကဵု ဌာန်ပရိုၚ် AFP ရ။

နူလ္ပာ်ဍုၚ်သေံတေံ သွက်ဂွံဆက်ထံက်ပၚ်ကဵုဇြဟတ်ဓာတ်တံဂှ် ဟိုတ်နူအလဵုအသဳပၞာန်ဗၟာ ပပဵုပ္တိုန်လဝ်အာယုက်လိက်ကသုက် ဟွံမွဲဂှ်ရ ဒးဒုၚ်ထပိုတ်လဝ်ပၟတ်ဓာတ်လလဳရောၚ်ဂှ် ညးဆက်ဟီုဂးလဝ်ရ။

မွဲဒမြိပ်ပယျဵုသ္ကုတ်ဗၟံက် ဍုၚ်ဗၟာ ဟွံမွဲဒၟံၚ်ကဵုသၞောဝ် ဒၞါဲဗွဲမဂၠိုၚ်ဂၠေၚ်တံဂှ် နူကဵုဍုၚ်ကြုက်တံ ရေၚ်တၠုၚ် ဒၟံၚ်ပရေၚ်ဓလိုက်တမ်ရိုဟ် ပ္ဍဲပရေၚ်ကၠောန်ပ္တိတ်ဆုတံ၊ ကာသဳနိုဝ်တံ ကေုာံ မိုၚ်တၟံတံ မဒှ်ရ။

ဂကောံဒပ် BGF တံလေဝ် ပါလုပ်ရေၚ်တၠုၚ်ဒၟံၚ် ပ္ဍဲကမၠောန်ဂှ်တုဲ မၞိဟ်မၞုံဒၟံၚ်လက္ကရဴ ကဵုဒၟံၚ်ဇြဟတ် အဓိက ကုဍုၚ်ယှိုဲကုက္ကိုဝ် မပ္တဝ်က္ဍိုပ်စွံလဝ်ဗွဝ်ဖျာ ကုဂကူကြုက်တံဂှ် ဒှ်ယှဳဇြဳကျာန်ရောၚ် ထ္မံက်ထ္ၜး လဝ် ပ္ဍဲလိက်ဒုၚ်စဳရေၚ် USIP သၞာံ ၂၀၂၀ ဂှ်ရ။

ကိုန်စဳဇန်ဏံ ၚုဟ်မးဍေံ ၁၅ ဗဳလျာန်ဒဝ်ဠာအမေရိကာန်နွံ မဒှ်ကိုန်စဳဇန်လစှ်ေ Belt and Road အလဵုအသဳဗေကျေန်ဂှ် နူကဵုကမ္ပဏဳ မေဿတာယှဳဇြဳကျာန်ဏံ ရေၚ်တၠုၚ်ဒၟံၚ်တုဲ လ္ပာ်အလဵုအသဳ ကြုက်တံဂှ် ဇၟာပ်ပ်အရာမဆေၚ်စပ်ကဵု ကိုန်စဳဇန်ဏံဂှ် ကယျာန်ပါဲလဝ်ရ။

သၟိၚ်တၠအဝဵုသေံတံဂှ် ပ္ဍဲသၞာံ ၂၀၂၂ ဂိတုအဝ်ဂါတ်တေံ ရပ်ဒက်လဝ် ယှဳ နကဵုတၚ်စောတ်စောဲ ရေၚ်တၠုၚ်ဒၟံၚ် အောန်လာၚ်ကာဇြဳနိုဝ် ဟွံလုပ်သၞောဝ်တံဂှ်တုဲ ညးဝွံ နူစသၞာံ ၂၀၁၂ တေံရ ဒဒှ်ရဂြိပ် တိတ်ကၠုၚ် နူကဵုဍုၚ်ကြုက်ဂှ် မဳဒဳယာကြုက်တံ ထ္မံက်ထ္ၜးလဝ်ရ။

နကဵုကံၚ်ဇြဳပၞာန်ဗၟာဂှ် စပ်ကဵုဍုၚ်ယှိုဲက္ကိုဝ်တၟိ ပၟတ်ပိုတ်ပၠိုတ်ဒၟံၚ်ဂှ်တုဲ ဟီုဂးလဝ်မွဲမွဲ ဟွံမွဲကီုလေဝ် ပ္ဍဲကဵုလိက်ပရိုၚ်ကၟိန်ဍုၚ်ပိုၚ်တံဂှ် ဝန်ဇၞော်ကာဍုၚ်သ္အာၚ် ကံၚ်ဇြဳပၞာန်တံကဵု အမာတ်ကလုတ်ကြုက် စပ်ကဵုဍုၚ်ဗၟာတံဝွံ သွက်ဂွံရေၚ်တၠုၚ်ကေတ်ဒုဟ် ကုကိစ္စတတ်ကၠောံဍုၚ် ကေုာံ ကိစ္စဝိုၚ်ဝေၚ် လီဠာန်လ္တူအောန်လိုၚ် ပ္ဍဲကဵုပယျဵုသေံ−ဗၟာ ကဵု ပယျဵုကြုက်−ဗၟာတံ ဗွဲမစှ်ေကဵုသၞောတ်မာန် ဒဒှ်ရတုပ်လဝ်စိုတ်ဂှ် ထ္မံက်ထ္ၜးလဝ်ရ။

Ref; AFP

Leave a Reply

Your email address will not be published. Required fields are marked *