ဟိုတ်နူကံၚ်ဇြဳပၞာန်တုဲ ဒေသဒးဘဲလဗိုတ်ကျာတံ အကာဲအရာသာပရေံကၠုၚ်မာန်ရောၚ် UNOCHA ကဵုသတိ

သေတ်ဒိုဲ၊ ဂျောန် (၁၀)

ဟိုတ်နူကံၚ်ဇြဳပၞာန် ကၟာတ်လဒဵုလဝ် အခေါၚ်အာကၠုၚ်တရဴတံဂှ်တုဲ ညးဒေသဒးဘဲလဗိုတ်ကျာဂမၠိုၚ်ဝွံ အကာဲအရာသာပရေံကၠုၚ်မာန်ရောၚ်ဂှ် ရုၚ်ပ္ညဳပ္ညပ် စပ်ကဵုပရေၚ်ဗ္စာရဏာမၞိဟ် ကုလသမဂ္ဂ UNOCHA လလောၚ်ပ္တိတ် ကဵုလဝ်သတိ နကဵုစၟတ်တ္ၚဲ ဂိတုဂျောန် (၉) တေံရ။

ဂကောံဍုၚ်သ္အာၚ်ဂမၠိုၚ် ကေုာံ ဂကောံမှာဇန် မရီုဗၚ်ကဵုဒၟံၚ် ညးဒေသဒးဘဲဒဏ်လဗိုတ်ကျာတံဂှ် ပပ္တံနူဂိတုဂျောန် (၈) တုဲ ဒဒှ်ရဗဒေါအ်ထောံလဝ် အခေါၚ်အာကၠုၚ်တရဴ လ္တူတၚ်စၞောန် ဂကောံအလဵု အသဳတွဵုရးရခေၚ် ကံၚ်ဇြဳပၞာန်ဂှ် UNOCHA ကဵုကၠုၚ်သတိသာ်ဏံရ။

ဟိုတ်နူကံၚ်ဇြဳပၞာန်တုဲ ဒေသဒးဘဲလဗိုတ်ကျာတံ အကာဲအရာသာပရေံကၠုၚ်မာန်ရောၚ် UNOCHA ကဵုသတိ
ဟိုတ်နူကံၚ်ဇြဳပၞာန်တုဲ ဒေသဒးဘဲလဗိုတ်ကျာတံ အကာဲအရာသာပရေံကၠုၚ်မာန်ရောၚ် UNOCHA ကဵုသတိ

UNOCHA ဂှ် ဟိုတ်နူကၟာတ်ထောံအခေါၚ်အာကၠုၚ်တရဴ အပ္ဍဲတွဵုရးရခေၚ်ဂှ်ရ ပရေၚ်ကဵုအရီုဗၚ်တံ ဒးဒေါအ်ဒေၚ်အာလဝ်တုဲ မၞိဟ်ဂၠိုၚ်ကဵုလ္ၚီ ဂွံအာအရီုဗၚ်တံဟွံသေၚ်ရပုဟ်ဂှ် သ္ဂးရ။

ဟိုတ်နူတၚ်သၞောတ်ဗ္ၜတ်အခေါၚ်အာတရဴ ကံၚ်ဇြဳပၞာန်တံဂှ်တုဲ သွက်ဂွံကဵုအရီုဗၚ် စပ်ကဵုပရေၚ် ဗ္စာရဏာမၞိဟ်ဂှ် တွဵုရးရခေၚ်၊ တွဵုရးချေၚ် မပ္တိုန်လဝ်ဂလာန်တံဂှ်လေဝ် ဒးဒေါအ်ဒေၚ်ထောံ ပွမကဵုအရီုဗၚ်တံယျဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး UNOCHA ရ။

UNOCHA ဂှ် အခိၚ်လၟုဟ် ရီုဗၚ်ကဵုလဝ် ညးဍုၚ်ကွာန်ဒေသဒးဘဲဒဏ်လဗိုတ်ကျာ မွဲကိုဋ်ပြၚ်တံ ကပေါတ်ဟံၚ်ပြာ် နွံပၟိက်တၞဟ်ဟ်တံကဵု ဖ္ဍာန်ဗ္ဒၚ်ဒၞါဲမံၚ်တံဂှ်တုဲ ထံက်ပၚ်ကဵုလဝ်ဇွောံမစၞစ ကုလၟိဟ်မၞိဟ် နူကဵုတွဵုရးရခေၚ် ဗ္ဒါဲ (၃) ကိုဋ်ဂှ် ပါလုပ် ပ္ဍဲတၚ်လလောၚ်တြးဂှ်ရ။

UNOCHA ဝွံ သွက်ဂွံဂွံအခေါၚ်ရီုဗၚ် ဒေသဒးဘဲလဗိုတ်ကျာတံဂှ် ဆဵုဂဗဒၟံၚ် ကုကံၚ်ဇြဳပၞာန် ပ္ဍဲနေဗျဳ ဒဝ်တုဲ ပ္ဍဲကဵုကဆံၚ်မၚ်ဒၟံၚ် သ္ဂောံဂွံဂွံအခေါၚ်ဖိုဟ်ဂှ် ဒးဒုၚ်ကၟာတ်လဝ်အခေါၚ်အာကၠုၚ်တရဴတံဂှ်ရ။

ဟိုတ်နူလဗိုတ်ကျာမိုဝ်ခါ မလုပ်စိုပ်ပိုက်ကၠုၚ် ပ္ဍဲဍုၚ်ဗၟာ တုဲကၠုၚ် ပ္ဍဲဂိတုမေ (၁၄) တေံဂှ်တုဲ ပ္ဍဲကဵုတွဵုရးရခေၚ်ကီု သီုကဵုရးဒေသ ကေုာံ တွဵုရး (၇) တံဂှ် အပံၚ်မၞိဟ် (၄၀၀) ပြၚ် ချိုတ်အာလဝ်တုဲ လၟိဟ်မၞိဟ်ဂၠိုၚ်ကဵုကိုဋ် နွံပၟိက်ဒၟံၚ် အရီုဗၚ်ပရေၚ်ဗ္စာရဏာမၞိဟ်တံရ။

ပရိုၚ်−သြၚ်လောန်တိုၚ်(မ်)

ဗီုဓာတ်−CJ

Leave a Reply

Your email address will not be published. Required fields are marked *